К Евреям 10:22 - Новый Завет на эскимосском языке

²² Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 10:22 Iomraidhean Croise

От Матфея 3:11

Мыҳқун крестиӷаӷӣқуңа авутыҳкыхканун сыӷлыҳқылъыӷмыхның. Иўырңа тагияҳқам киңумның крестиӷылъықӣси Аглыӷналӷӣгныңлъю Таӷныӷагның, кыныӷмыңлъю. Аҳтуӷьяҳқа̄нӷитыҳлъяхтуқ хўаңамның, рыпалъ талўа камыхкык тугумӣқыпагниңитахка.

От Луки 1:1

Аңылъымни Феофил Углялӷӣм югым игақуқақӣт таўатын пилъҳыт акулымнъи. Игақуқӣт та̄куңӯт ата̄сит нагақуқапут ысҳапаканың таўатын пилъҳистун има пӣнлилъҳитның. Лъңиталъю қыпҳа̄ткақа̄т Кияӷнық уңипақылъыӷмыхтыхун уңипақ Христосымың аюқылӷӣ.

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

От Иоанна 8:9

Нагасямыхтыху Иисус, аӷуляқӯтыкыстақат. Нуйыклъӣт сивуклъютың, та̄хкын тама̄кут иляңит аӷуляқӯткат. Иисус лъңинаҳа̄ҳтыкақ, иўырңақун та̄на аӷнақ паниның ныкывӷалӷӣ сивуңани.

Деяния 22:16

Сямың утақӣгақсин? Ся̄қсин крестиӷыстын, сыӷлыҳқылъыҳтын уӷвуҳтыстики туқлъюӷилъыҳпыгун А̄тҳакун Атанӷым”».

Деяния 8:21

Қыпҳалгусиӷина̄нӷитутын, қаюҳлъяк сюмыҳтаӷалъҳын анахутңа̄қ Кияӷныӷым ысҳа̄малъҳани.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Ефесянам 3:12

Ухпықилъымтыхун Христосыкун агляӷьяҳқа̄ҳсима̄кут Кияӷныӷмун тытулъңуна̄мталъю, алиңылъңуна̄мталъю.

К Ефесянам 5:26

Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

К Ефесянам 6:5

Қыпҳаҳтыля̄ӷни, алиңылъылиӷлюсилъю, уңылыхлъылиӷлюсилъю қа̄ткитыки пилӣтистыси нунами хўани. Ипапиҳқылъюси қыпҳа̄тақитыки, катам Христос қыпҳа̄тылъыҳпысистун.

1е Тимофею 4:2

Таўатылңӯт апыҳтӯсят иқлъыңалӷӣның пиңӯт. Иқлъыңиқылъытың а̄пҳақӣт ипапихсюгниҳқылъюки. Наганъаниқақӣт умьюгатың лӣсимакилӷӣт ылъқуӷутңалъыӷмыңлъю, анахутңалъыӷмыңлъю.

К Титу 3:5

Югуликақӣлъю апалъюқлъюку наңлъыхталъыни, нака̄н аныӷныҳқилъымтыхун. Аглыӷналӷӣгныкун Таӷныӷагныкун уӷвуқақӣ сыӷлыҳқылъыпут, нутаӷамыңлъю, уңувалъылиткақӣлъю.

К Евреям 10:1

Лӣлиҳтӯсят таӷныӷаңулъҳӣстун аюқут пинилӷӣнун ка̄сяҳқанун, иўырңа Лӣлиҳтӯсят та̄куҳпига̄нӷитут. Лӣлиҳтӯсят қылылъҳистун Иудеит аҳқыша̄ӷумаңинаӷақут аюмӣтаңа тамаҳа̄н. Иўырңа тама̄кут аҳқыша̄лъҳыт укмаңиӷўа̄ҳпагниңитӣт сыӷлыҳқылъҳитның манигуӷьяҳтуныӷмыхтыху Кияӷнық.

К Евреям 10:19

Тама̄кын апалъюқлъюку, ухпықа̄лгутымни, алиңылъңуна̄мта итылъыҳқаңукут Аглыӷналъыҳпигаӷмун а̄ўакун Иисусым.

К Евреям 11:28

Ухпықилъыҳқун Моисейем қылъқақӣ югыт Пасхасқылъюки, қылӷуткақа̄лъю а̄кў сивилъяхта̄тысқылъюку амихтыхун. Ынка̄м Яқулган Туқулъҳым туқутылъҳитӣ иӷнықсюхўа̄ӷит Израилыӷмӣт.

К Евреям 12:24

Тагика̄гуси Иисусымун, лъңакун Кияӷнық акықусяӷраӷаңлъяқа̄гуқ. Тагика̄гусилъю сивилъяхта̄ткамун а̄ўанун Иисусым. Пиниӷатаӷаҳтуқ Авелым а̄ўаның, қаюҳлъяк Кияӷныӷым сыӷывутӣ сыӷлыҳқылъҳыт Иисусым а̄ўакун.

К Евреям 4:16

Ынка̄м тытулъңуна̄мта агля̄лъта умӣлгусигнун ақумутахкынун Кияӷныӷым, алъхыӷусаҳқа̄люта наңлъыхталъҳанун. Таўани наңлъыкылъықӣлъю, каюсиҳлъықӣлъю аклъюкилъымнъи.

К Евреям 6:11

Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.

К Евреям 9:10

Тама̄кут тунусятлъю, аҳтутытлъю атуқыхка̄гут қа̄ткысяҳқа̄люки қылӷусят нықныңлъю, мыӷьяҳқаныңлъю, пылюңиҳсялъыҳқаныңлъю югусӣтның аюқылӷӣт. Тама̄кут қылӷусят югусиҳӣнаӷмун аюқут. Қа̄ткысяҳқа̄гут кынляңа Кияӷныӷым акықусяӷраӷа̄ атӯҳтылъҳанун.

К Евреям 9:19

Моисейем а̄пқақӣ югнун қамахлъюки қылӷусят Лӣҳтӯсянилңӯт. Та̄хкын каумӷа̄тлъю, козёлытлъю а̄ўитның тугулъюни мыӷмың акумыхка̄. Тугулъюни кавилңуӷмың шерстымың, авая̄ныңлъю иссопым ныптыкӣ а̄ўмун. Та̄хкын сивилъяхтақӣ игат Лӣлиҳтӯсялӷутат, қамахлъюкилъю югыт.

От Иакова 1:6

Ынка̄м а̄птык ухпықилъылиӷлюку малӷуклъилъңуна̄н. Малӷуклъиңалӷӣ имаҳлъюгыстун аюқуқ, ануқым тыңқа̄тақыхкаңа.

От Иакова 4:8

Қантаӷалъӣӷаҳтык Кияӷныӷмун, Кияӷнық қантаӷалъӣӷаҳлъықуқ лъпысинун. Сыӷлыҳқыстыни, ӯҳтуҳтык! Лъпыси ата̄сӣҳтылъҳилңуӷни, укмаңиҳтыки илюси қа̄мкут.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

1е Петра 3:21

Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.