К Евреям 10:15 - Новый Завет на эскимосском языке

¹⁵ Аглыӷналӷӣмлъю Таӷныӷам уңипа̄тӣлъю тама̄куның. Сивуклъюни хўатын пика̄гуқ:

К Евреям 10:15 Iomraidhean Croise

От Иоанна 1:15

Иоанным Крестителым а̄пқақа̄, акилӷӯткыхкақа̄ хўатын: «Та̄наңӯқ а̄пқақа лъпысинун хўатын пӣқңама: “Киңумның тагияҳқақ а̄ңыҳлъяхтуқ хўаңамның, қаюҳлъяк кияҳтыңъулӷӣ талўа алъхылъҳилъюңа”».

От Иоанна 15:26

Каютык каяхлъықахка лъпысинун, Атамың пиңӯк. Таӷныӷа̄гук апыҳтуӷияҳқак Кияӷныӷым ипапилъҳаның. Тагикуми уңипақылъықа̄ңа.

Деяния 28:25

Ынка̄м а̄ҳтӣра̄ӷуткат. Ныкывӯтақутлъю а̄нлыӷа̄нъалютың Павелым пикӣ: «Аглыӷналӷӣк Таӷныӷак ипа пималӷӣк сивуныҳпысигун ӯкналиқистыкун Исаиякун.

К Евреям 3:7

Ынка̄ңам катам таўатын Аглыӷналӷӣк Таӷныӷак пӣк: «Аӷныӷми хўани нагақуқуфсигу Кияӷныӷым мыңа,

К Евреям 9:8

Тама̄кутхун Аглыӷналӷӣм Таӷныӷам лӣгикыстӣлъю итыӷвик Аглыӷналъыҳпигаӷмун Нымун сялин қылъпыҳсигалңуқ скиния атуқңулюку.

2е Петра 1:21

Ӯкналиқистыт накмикумаңитӣт ӯкналиқуткысяҳқатың. Итупилъ Аглыӷналӷӣм Таӷныӷам ӯкналиқистыт акузитылиткақӣ акузисқылъюки Кияӷныҳтамың.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 2:11

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың, тӯңлиҳа̄н туқулъҳым ақниҳна̄нӷитӣ».

Откровение 2:17

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».

Откровение 2:29

Сигутылгукуфси, нагатыкык сямың пӣқуткык Таӷныӷак ухпықанун!»

Откровение 2:7

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 3:13

Сигутылгукуфси нагатыкык сямың пӣқуткык Таӷныӷак ухпықанун!»

Откровение 3:22

Сигутылгукуфси, нагатыкык Таӷныӷак сямың пӣқуткык ухпықанун!»

Откровение 3:6

Сигутылгукуфси, нагатыкык сямың пӣқуткык Таӷныӷак ухпықанун!”»