К Евреям 1:9 - Новый Завет на эскимосском языке

⁹ Пиниқан ылъқуӷутңалъық, угумикан анахутңалъық. Тама̄кын апалъюқлъюку Кияӷнық, Кияӷныҳпык накмикума̄тынлъю, қӯлва̄ма̄тынлъю пакихулъюку иляхпының. Ынка̄ңам қуястиҳлъяхтуқ аңиҳақатынлъю мысӣӷмың».

К Евреям 1:9 Iomraidhean Croise

От Луки 4:18

«Атанӷым Таӷныӷакык хўаңамнитуқ, қаюҳлъяк накмикыхкақа̄ңа Пинилӷӣның Уңипаның уңипақисқылъюңа аклъюмалӷӣнун. Каяхта̄ңа анусимиңлъяӷат итымутысқылъюки, ая̄катлъю ысҳа̄сягутысқылъюки, амьюқыта̄ткысилӷӣтлъю итымутысқылъюки амьюқыта̄ткистыңитның.

От Иоанна 1:41

Таўаниңинақ Андрей аңлыгутминун Симонымун агляӷлюни пика̄: «На̄лъкума̄ҳпут Мессия». («Мессия» хўатын писӣгуқ: «Христос».)

От Иоанна 10:17

Атам пиниқа̄ңа қаюҳлъяк уңувалъқа тӯньюкыстаӷлюку аюқақа выҳнықихналюку.

От Иоанна 20:17

Иисусым пика̄: «Ся̄фтыхпынаңа, сялин майӣгатуңа Атамун. Иўырңа агляӷлютын аңлыгутымнун уңипа̄нъакытын: “Маюӷнақуңа Атамнун, лъпысилъю Атахпысинун, Кияӷнымнун, лъпысилъю Кияӷныҳпысинун”».

От Иоанна 3:34

Та̄м Кияӷныӷым каяхтыка̄н атуқақӣ Кияӷныӷым акузитаңи, қаюҳлъяк Кияӷныӷым Таӷныӷагни тӯнңукык лъңанун ӣңуналъкиҳлъюкык.

Деяния 10:38

Лӣсимакаҳси Иисус Назаретыӷмӣ, Кияӷныӷым имиқа̄ Аглыӷналӷӣгның Таӷныӷагның, аҳтуӷьяҳқа̄нӷилъыӷмыңлъю. Навык алңунак пиныӷмини пинитун пӣқыхкаңи югыт, на̄лъҳуқуқӣлъю тама̄кут Туӷныӷа̄м а̄ҳқутақыхкӣ, қаюҳлъяк Кияӷнық Иисусымылңуқ.

Деяния 4:26

Нунам умӣлгилъю, иглыӷутистытлъю қырңуӷулъютың ята̄ҳқутут пилъюўаӷналюкык Атаныклъю, Христосылъю!”

Деяния 4:27

Ипапыста̄қ ма̄ни Иерусалимыми таўатын пика̄гут. Иродылъю, Понтий Пилатылъю илятка̄гук язычнигнунлъю, Израилыӷмӣнунлъю кипулъхина̄ӷналюку, Иисус Сыӷлыҳқумаңилңуқ Қыпҳаҳтын, накмикыхкан Христосыңулюку.

К Римлянам 12:9

Пиниқитык ипапиҳқылъюси. Угумиклъюку сыӷлық, пиюкумаңинаҳтыху сяңўа̄ пинилӷӣ.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

1е Коринфянам 1:9

Ата̄сӣӷмылңӯм Кияӷныӷым накмикыхкақӣси илятысқылъюси Иӷныӷминун Иисус Христосымун Атанымнъун.

2е Коринфянам 11:31

Кияӷныӷым лӣсимака̄ңа иқлъыңиқна̄нӷитуңа. Лъңа Атака̄ Атанӷым Иисусым, усюқсяҳқақ қӯнпырухлъяк.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Ефесянам 1:3

Усюқылъыңли Кияӷнық, Атаңа Атанымта Иисус Христосым! Христосыкун Кияӷныӷым қуястыңъўӣлъю тамаҳа̄ның тунусямың қиляхтамың.

К Филиппийцам 2:9

Тама̄кын апалъюқлъюку Кияӷныӷым ныкыхтыкақа̄ Иисус а̄ңылъыҳпига̄люку, атиқақа̄лъю Атаныӷмың а̄ңылъыҳпигаӷмың атыӷьяхаӷның.

К Евреям 2:11

Иисусым пылюңиҳсяқақӣ югыт сыӷлыҳқылъҳитның. Ынка̄м лъңалъю тама̄кутлъю пылюңиҳсяқӣ, қамахлъютың Атака̄т Кияӷнық. Тама̄кын апалъюқлъюку Иисусым кайңукигатӣ атиӷьяҳқа̄люки аңлыгутңулюки.

К Евреям 2:9

Иўырңа ысҳаӷаҳпут Иисус! Кияӷныӷым натыңӣҳақ укаваҳтыстыкақсяӷа̄ яқулыгның. Ма̄тын ысҳаӷаҳпут қаҳпалюни ниӷуҳқылъыӷмыңлъю, қӯлвалъыӷмыңлъю қаюҳлъяк икфиқлъюни туқука̄гуқ. Кияӷныӷым пиниқылъҳа апалъюқлъюку, Иисус туқука̄гуқ тамаҳа̄нун.

К Евреям 7:26

Иисус Первосвященнигуңӯқ тӯникаюк сямың аклъюкыхкамнъың. Аглыӷнаҳтуқ, авутңитуқ, пылюңитуқ, а̄фтыңъа̄қ сыӷлыҳқыстының, Кияӷныӷым қӯлвақақа̄ қулиҳпигаӷмун қилягмун.

1е Петра 1:3

Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.

1е Иоанна 1:3

А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

Откровение 2:15

Таўатыҳпигақ иляси қа̄ткутут Николайем апыҳтӯся̄нун.