К Евреям 1:14 - Новый Завет на эскимосском языке

¹⁴ Сяңа̄ўанңам яқулгыт? Қамахлъютың таӷныӷа̄гут қыпҳа̄тилӷӣт Кияӷныӷмың, каяхтақӣлъю каюсӣтысқылъюки тама̄кут югулилъыңьяҳқат.

К Евреям 1:14 Iomraidhean Croise

От Матфея 1:20

Сюмыҳтаӷа̄ткумалюку таўатын пилъыҳқани, Атанӷым яқулган алӣӷвиклъюку қаваңукун пика̄: «Иосиф, Давидым киңунӷа, алиңыхпынаң нулиҳқигу Мария қаюҳлъяк Аглыӷналӷӣм Таӷныӷам ақсяңыстыкақа̄.

От Матфея 13:41

Иӷныӷа Югым яқулыгминың каяхтияҳқа̄гуқ иқитысқылъюки Атаныҳпагулъыӷминың қамахлъюки сыӷлыҳқуситлъю, сыӷлытунлъю пистыт.

От Матфея 18:10

Ўатаҳлъяк, укалиқыхпынаки налиҳӣнӣт укут мыкыстаҳа̄т. Уңипа̄тамси, қилягми яқулгита қӯнпың Атама қилягмылңӯм хина̄ ысҳаӷақа̄т.

От Матфея 2:13

Иӷалықыта̄ӷның лӣткаҳлъягыт аӷуляқсята, қаваңукун Атанӷым яқулган алӣӷвиклъюку Иосиф пика̄: «Макылъютын таӷнуҳақлъю на̄ңалъю анагутикык Египетмун. Таўа̄нлъыҳатын утыӷнӣсқылъымнун кынляңа қаюҳлъяк Иродым иваҳтыснақа̄ таӷнуҳақ туқутысналюку».

От Матфея 24:31

Ынка̄м Иӷныӷан Югым қалӷиҳта̄н қалӷиҳтыстыҳлъякумигу каяхлъықӣ яқулыни навык алңунак қырңуҳтысқылъюки накмикыхкани нунатаҳа̄ның тамаҳа̄ның».

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 4:11

Та̄хкын Туӷныӷа̄м унисягу Иисус, яқулгыт афлъыңаксяҳтуқа̄т.

От Марка 10:17

Иисус иглыҳнықихтақуқлъю, югым кытанқуснақ такулюку мануңакун сыгысқуҳлъюни а̄птыка̄: «Пинилӷӣ Апыҳтуӷиста, натын сялюңа кынлыңилңуқ уңувалъық алъхыҳнаяҳсикун?»

От Луки 1:19

Яқулгым пика̄: «Гавриилыңӯңа, ныкывӷалӷӣ Кияӷныӷым наю̄тңалъҳани. Лъпынун каяхта̄гуңа, уңипа̄сяҳтӯгамкын хўакын пинилӷӣмың уңипа̄мың.

От Луки 1:23

Ынка̄м қыпҳалъыни апыӷӣӷьямигу ныминун агляқақ.

От Луки 16:22

Тахталми аклъюмалӷӣ ю̄к туқукақ, ынка̄м яқулгыт агля̄тка̄т Авраамым ная̄нун. Аклъюңилңуқлъю ю̄к туқуян лъӣфқа̄т.

От Луки 2:13

Нӯскаган илятқаҳта̄ткат яқулыгмун қилягым пилъюўаҳтылӷутыҳлъяги яқулылӷутыт, усюқыхка̄т Кияӷнық, пикат:

От Луки 2:9

Атанӷым яқулган алӣӷвикыхкӣ, ниӷуҳқылъҳанлъю Атанӷым кукыхтыкӣ, ынка̄м алиңрӯӷутыҳлъякат.

Деяния 11:22

Ухпықат Иерусалимымылңӯт нагалъюку Петр, Варнава каяхтыка̄т Антиохиямун.

Деяния 12:23

Таўаниңинақ Атанӷым яқулган қинуюхтыстыҳлъяка̄ Ирод, қаюҳлъяк тугуклъиқаңа қӯлвалъық Кияӷныӷым пӣңа. Уңуваӷми киңухта̄ҳлъяглюни туқукақ.

Деяния 12:7

Атанӷым яқулга алӣӷаҳтыкақ, ынка̄м ниӷук кӯкхуткақ анусимиңлъяӷвигым илюңанун. Яқулгым Петр тӯйңакун аӷулялъюку, таҳтуҳлъюку пика̄: «Ыгмӣнақ макытын!» Таўаниңинақ қӣпшаӷутыт ифкақӯткат ӣханың.

Деяния 13:2

Манигӯсималюки Атаныӷмун, постамалюкилъю, Аглыӷналӷӣм Таӷныӷам пикӣ: «А̄фтыкык Варнавалъю, Савлалъю қаюҳлъяк накмикахка алъяның қыпҳақамың қыпҳӣсқылъюкык хўаңамнун».

Деяния 16:26

Нӯскахлъяган нуна туйыпыҳтақақ, рыпалъ анусимиңлъяӷвик тунымаҳтӯма̄н аӷулятка̄. Таўаниңинақ амигыт қылъпыӷаҳта̄ткат, анусимиңлъяӷаныңлъю қӣпшаӷутыт илыфкаӷаҳта̄ткат.

Деяния 27:23

Унук Кияӷныӷым яқулган такукақа̄ңа. Та̄ната Кияӷнық манигуӷақыхкыхка, лъңан пика̄ңа.

Деяния 5:19

Иўырңа унугьян яқулган Атанӷым қылъпыҳтыкӣ анусимиңлъяӷвигым амиги. Ынка̄м а̄нулъюки апостолыт пикӣ:

К Римлянам 11:14

Апыҳтуӷилъымкун лъпысинун ақинасналюки пӣнка Иудеялгутынка, иляңи югулилъыңысқылъюки.

К Римлянам 13:6

Та̄куклъю апалъюқлъюкык лъивикақаси налогыси, қаюҳлъяк иглыӷутистыт қыпҳа̄гут Кияӷныӷмун қыпҳақатын пиныӷмыхтыки.

К Римлянам 15:16

қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.

К Римлянам 15:27

Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың.

К Римлянам 8:17

Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

2е Коринфянам 9:12

Кияӷныӷым югита Иерусалимымылңӯт алъхыҳлъықӣт аклъюкыхкатың тунусяҳпысигун. Ынка̄м юлӷутыҳлъягыт игамсиқаюлъыӷмың тывуӷалъықут Кияӷныӷмун.

К Галатам 3:29

Христосым пикңукаңиси та̄ўа Авраамым киңунқӣси. Ынка̄м лъпысилъю пилӣлъықаҳси Кияӷныӷым акықуся̄ Авраамымун.

К Галатам 3:7

Ынка̄м лъпыси лӣсимакылъықаси тама̄кут ухпықилъылгыт Кияӷныҳқун Авраамым киңуныҳпигақӣ.

К Галатам 3:9

Авраамым ухпықыхкақа̄ ынка̄м қуястылъыңыхкақ. Таўатыҳпигақ тамаҳаӷми ухпықилӷӣ қуястылъыңьяҳқа̄гуқ лъңатун.

К Ефесянам 3:6

Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.

К Филиппийцам 2:17

Ухпықилъыҳсилъю, қыпҳалъыҳсилъю Кияӷныӷмун аҳқутыстун аюқут. Туқускаңатңа хўани анусимиңлъяӷвигми қуялъықуңа, қаюҳлъяк туқулъқа аҳқутыстун аюқсяҳқа̄гуқ тӯнылӷӣ лъпыси аҳқутыхпысинун ӣӷўӣсӣлюни. Та̄м қамахлъюта қуяслъықӣнкутлъю.

К Филиппийцам 2:25

Сюмыҳтаӷа̄ткақақа ухпықа̄лгутфут Епафродит лъпысинун утыӷниҳтысналюку. Каюткаҳқаӷьюгумалюңа тагистыкақыхкыси каюсӣтысқылъюңа. Қырңа̄мтуң қыпҳақа̄гукуңлъю, уңипақика̄гукуңлъю Пинилӷӣның Уңипаның. Ныкывӷаткақапуңлъю Пинилӷӣт Уңипат кипулъхина̄лӷӣның.

2е Фессалоникийцам 1:7

Ынка̄м лъпыси икфиқылӷӣни Кияӷныӷым мыӷна̄лисна̄ӷӣси икфиқылъыӷмың хўаңкуталъю малигулъюта. Таўатын пилъықуқ алӣҳтыкумики Атанық Иисус, икнақыҳлъялӷӣтлъю яқулги. Қилягмың укихлъықут кыныӷмылъютың кумаӷуӷңалӷӣми.

К Титу 3:7

Кияӷнық таўатын пика̄гуқ пиниқилъыӷмикун налъҳусяӷналюта ылъқуӷутңалъыӷминун. Ынка̄м сиӷималъылгӯкут хўаңкута пилӣнъалюку кынлыңилңуқ уңувалъық.

К Евреям 10:11

Аҳутаңа тамаҳа̄н, тамаҳаӷмың священнигыт ныкывӷаӷмың қыпҳақатың пӣқӣт. Утыҳпахтӣнақ тӯнӣқут таўатылъкулъҳӣның аҳтутның. Таўалъӣма тама̄кут аҳтутыт сыӷлыҳқылъҳиӷияҳқаҳа̄нӷитут.

К Евреям 2:3

Ынка̄м иҳсякумакумтыху Кияӷныӷым югулиӷилъыҳлъяга анахпагниңитаҳпут аӷью̄ӷилъыҳқа̄. Атанӷым апыӷьюха̄қақа̄ та̄на югулилъық. Та̄хкын тама̄кут нагақӯткат лъңаның, ипапиҳқа̄т хўаңкунъун.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

К Евреям 6:12

Иҳсяниталӷӣңуҳтысюнӷитамси. Йыӷлыги тама̄кустун аюқыстысюгамси ухпықилъыӷмыхтыхун, нуқытутилъыӷмыхтыхунлъю алъхыӷусяҳқат Кияӷныӷым акықусяқыхка̄ның.

К Евреям 6:17

Алъхыӷусяҳқат акықусяминың, Кияӷныӷым лӣгикыстысюгўӣ алъя̄ңуҳсяҳқақынӷитңўа̄ӷнилюки агӷилъыни. Ынка̄м акықика̄гуқ атуқлъюку атыни.

К Евреям 8:6

Кияӷныӷым Иисус қыпҳақалиткақа̄ священнигаңулюку. Қыпҳақа̄ мыгнунаӷатаӷаҳтуқ Левитат священнигыт қыпҳалъҳитның. Таўатыҳпигақ акықусяӷраӷақ пиниӷатаӷалӷӣңӯқ акықусялюгмың қаюҳлъяк та̄хун Иисусым илялӣӷутыстыкақӣ Кияӷнықлъю, югытлъю. Пиниӷатаӷаҳтуқ қаюҳлъяк тунымӣтңа̄қ акықусятхун пиниӷатаӷалӷӣтхун.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

От Иакова 2:5

Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 1:4

Ынка̄м утақаңўа̄пут пилӣсяҳқапут қуястылъыҳлъягыт Кияӷныӷым афлъыңакыхкаңи югминун. Афлъыңакңўӣ қилягми лъпысинун ынка̄м аӷуна̄нӷитут, на̄вна̄нӷитут, ӷывна̄нӷитутлъю.

1е Петра 3:7

Лъпысилъю нулиҳтуқани кияӷутыки нулӣси лӣгиклъюки натытуляңи қаюҳлъяк кая̄таӷаҳтут лъпысиның. Қӯлваӷлюки нулӣси қаюҳлъяк атуным алъхыҳсяҳқақаҳси Кияӷныӷым тунуся̄ кынлыңилңуқ уңувалъық. Таўатын пикуфси ся̄м алңунак пилъхилъиқна̄нӷитӣ юӷалъыси.

От Иуды 1:14

Енохыңуқ ма̄ӷраӷвинлӣткыхкаңат киңунӷита Адамым, лъңан ӯкналиқуткыхкақӣ тама̄кут югыт. Хўатын пика̄гуқ: «Ысҳаҳтык, Атанық тагияҳқа̄гуқ аглыӷналӷӣт яқулылӷутыҳлъяни кылъқылъюки,

Откровение 5:6

Та̄хкын ысҳаӷақа Пынъӣӷаҳақ ныкывӷалӷӣ ся̄ӷўани умӣлгусим ақумутам. Қукӣтнитыфтуқ стамат уңувалӷӣт, утфатлъю. Пынъӣӷаҳақ ысҳақа̄люни никимқун туқуткақ. Ма̄ӷраӷвинлыгның сиӷунылгуфтуқ, ма̄ӷраӷвинлыгныңлъю ийылгуфтуқ. Та̄кут ийыт ма̄ӷраӷвинлык таӷныӷақӣ Кияӷныӷым, каяхтыкӣ тамаҳа̄нун нунам.