К Ефесянам 6:6 - Новый Завет на эскимосском языке

⁶ Пилӣтистыси қа̄ткитыки қайўа ысҳапанӷитыӷңӣси. Қыпҳаҳтык ыфқуҳналюки пилӣтистыси катам ыфқуҳтылъыҳпысистун Атанық. Илюхпысиның атуқитыху Кияӷныӷым пиюкылъҳа Христосымун қыпҳаҳтыля̄қылӷӣстун.

К Ефесянам 6:6 Iomraidhean Croise

От Матфея 12:50

Кина алңунак Атама қилягмылңӯм пиюкылъҳатун пикуми, аңлыгуткақа, наякақа, на̄кақалъю!»

От Матфея 7:21

Иисусым апыҳтӯсяни нагныӷуткӣ: «Иляңи югым хўаңамнун малихся̄ҳтыкнӣқут ынка̄м пӣқа̄тңа: “Атанқамкын” иўырңа итыӷна̄нӷитут Атаныҳпагулъҳанун Қилягым. Тама̄куңина̄т атуқилӷӣт пиюкылъҳаның Атама қилягмылңӯм итыӷьяҳқа̄гут Атаныҳпагулъҳанун Қилягым.

От Марка 3:35

Китум алңунак атуқыхкумигу Кияӷныӷым пиюкылъҳа, аңлыгуткақалъю, на̄кақалъю».

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

1е Коринфянам 7:22

Қыпҳаҳтыля̄қ накмикыхка̄ Атанӷым, лъңан итымңалӷӣка̄. Таўатыҳпигақ қыпҳаҳтыля̄ӷунӷилңуқ ю̄к накмикыхка̄ Христосым, лъңан қыпҳаҳтыля̄қа̄.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Ефесянам 5:17

Тама̄кын апалъюқлъюку налъюфқа̄фси, иўырңа лӣгикитыху сяңўа̄ Атанӷым писқысюлъҳа лъпысинун.

К Филиппийцам 2:12

Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

К Колоссянам 1:9

Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ.

К Колоссянам 4:12

Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

1е Фессалоникийцам 2:4

Йыӷлыги, уңипақақапут Пинилӷӣт Уңипат қаюҳлъяк Кияӷныӷым итагнақлъюта ныӷьюкуткақӣ хўаңкунъун. Акузилъымтыхун ыфқуҳнақуткыңъунӷитапут югыт, иўырңа ыфқуҳсюкаҳпут Кияӷныӷӯқ, нанқихтиңалӷӣ илюмта сюмыҳтаӷалъҳаның.

1е Фессалоникийцам 4:3

Хўатытуқ Кияӷныӷым пиюкылъҳа лъпысинун: пылюңитысюгӣси сыӷлыҳқыстысюнӷитӣси атуқутылъыҳқун.

К Евреям 10:36

Аклъюкңўа̄ҳси нуқынъыҳтулъық атуқсяҳқа̄люку Кияӷныӷым пиюкылъҳа. Та̄хкын алъхыҳлъықаси акықусяқыхкӣ.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

1е Петра 2:15

Кияӷныӷым Пиюкылъқақа пинитун пилъыҳпысигун ныпӣҳтысқылъюки налъю̄қат тымңитхўамың акузилъҳӣт.

1е Петра 4:2

Ынка̄м хўакын кынлыклъюку уңувалъыҳпыси тахталңатун малиҳқутақыхпынаси югусиҳпыси пиюкылъҳанун, иўырңа атуқитыху Кияӷныӷым пиюкылъҳа.

1е Иоанна 2:17

Нуна авӣӷутңӯқ, тама̄кутлъю сыӷлыҳқусӣўақылӷӣт югым пиюкақыхкаңи; иўырңа китум атуқыхкумигу Кияӷныӷым пиюкылъҳа кияҳсяҳқа̄гуқ қӯнпырухлъяк кынлыңуна̄н.