К Ефесянам 6:5 - Новый Завет на эскимосском языке

⁵ Қыпҳаҳтыля̄ӷни, алиңылъылиӷлюсилъю, уңылыхлъылиӷлюсилъю қа̄ткитыки пилӣтистыси нунами хўани. Ипапиҳқылъюси қыпҳа̄тақитыки, катам Христос қыпҳа̄тылъыҳпысистун.

К Ефесянам 6:5 Iomraidhean Croise

От Матфея 6:22

«Ийык кынылӷутастун аюқук югусимун. Ӣскыхтыкувык ӣңунаӷми югусин ниӷухлъягулъықуқ,

От Матфея 6:24

«Китум алңунак қыпҳа̄нъа̄нӷита̄к ма̄лӷук умӣлгык. Ма̄лӷугыгның умӣлылгукуми угумикылъықа̄ ата̄сиқ, пиниқылъықа̄ иляңа. Қа̄ткутңалъықуқ ата̄симун, пикаткынъа̄нӷита̄ иляңа. Ынка̄м пиниқна̄нӷитаҳси Кияӷнық пиниқумалюку мани.

От Матфея 8:9

Қылӷикаюгмың умӣлылгӯңа ынка̄м хўаңалъю қылӷақанка пилъюўаҳтынка. Ата̄сиқ қылъқумкун: “Аӷуляқи” ага аӷуляқылъықуқ. Иляңа хўатын пикумкун: “Таги” тагилъықуқ. Қыпҳаҳтыка қылъқумкун: “Уна пӣҳтигу”, ага пилъықа̄».

Деяния 2:46

Аҳутаңа тамаҳа̄н қырңуӷутақылӷӣт Храмыми. Ныӷылгутыңлъяӷақлъюки илятың, қуякусиқинаӷлюки нықытың упуӷатусиқақыхкаңит.

К Римлянам 9:3

юлгутынка, Иудеит. Пияқлъыгуяқан, лъңит апалъюқлъюки Кияӷныӷымтуқ нанқихтыкаңаңа аӷью̄ӷналюңа, иқитыстыкаңаңалъю Христосымың.

1е Коринфянам 2:3

Лъпысинитақңама тытуга̄тақа̄гуңа, алиңрӯқа̄гуңа, уңылыхтыка̄гуңалъю.

1е Коринфянам 7:22

Қыпҳаҳтыля̄қ накмикыхка̄ Атанӷым, лъңан итымңалӷӣка̄. Таўатыҳпигақ қыпҳаҳтыля̄ӷунӷилңуқ ю̄к накмикыхка̄ Христосым, лъңан қыпҳаҳтыля̄қа̄.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 7:15

Ынка̄м Титым ўанлыги пиниқа̄ҳтӣси сюмыҳтаӷа̄ткынъыӷминигу қа̄ткутңалъыҳси лъңанун. Упуӷаткақыхкысилъю алиңылъылиӷлюси, уңылъыхтылъылиӷлюси.

К Ефесянам 5:22

Нулӣӷни, малиҳқутақлъюси угихпысинун катам Атаныӷмун пилӷӣстун.

К Ефесянам 6:24

Наңлъыхталъық тамаҳаҳпысинун пиңӯқ пиниқилӷӣни Атанымнъың Иисус Христосымың пиниқылъылиӷлюку на̄ңьяҳқа̄нӷилңуӷмың.

К Филиппийцам 2:12

Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

К Филимону 1:16

Лъңа паниның қыпҳаҳтыля̄ӷӯқ. Иўырңа қыпҳаҳтыля̄ӷумалъыӷминың аңлӣӷатаӷа̄ма̄қ қаюҳлъяк пиниқыхка̄ҳсима̄қ ухпықа̄лгута. Пиниқыпихтақа, иўырңа лъпык пиниқатаӷаҳлъықан қыпҳаҳтыля̄ӷулюку, ухпықа̄лгутңулюкулъю Атаныҳқун.

1е Петра 3:2

қаюҳлъяк ысҳапакаңат пылюңитун кияҳта̄лъыҳси, аликилъыҳсилъю Кияӷныӷмун.