К Ефесянам 6:11 - Новый Завет на эскимосском языке

¹¹ А̄тыкык ӣңуна̄хкынка акулӷа̄ӷык Кияӷныӷым ята̄ҳқыхкакык лъпысинун. Та̄хкын тыңвимун ныкывӷасяҳқа̄ҳлъықаси Туӷныӷа̄м пӯҳтилъҳи.

К Ефесянам 6:11 Iomraidhean Croise

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

К Римлянам 13:12

Унук алъпагьяҳтуҳтуқ, хўа̄ аҳсяҳтуңыстаӷа̄. Та̄қылътыкиңам атуқныӷмың сыӷлыӷыт югыт пӣқыхкаңит мамлыгми. Ынка̄м тугулътыки пилъюўа̄сиҳқат ниӷугми.

К Римлянам 13:14

Итупилъ акулӷа̄ӷыстун а̄тыху Атанық Иисус Христос, сюмыҳтаӷа̄ткыфқӣталъю атуқналюки югусиҳпыси пиюкылъҳит.

1е Коринфянам 10:13

Қамахлъютың нанӷӣқулъыси алъяка̄ягунӷитут югнун. Иўырңа Кияӷнық ата̄сӣӷмытуқ, нанӷӣқулъыӷмун қа̄сҳутысяҳқақынӷитӣ икнақылъыси, икнақылъылитақна̄ӷӣси нуқытусиҳқамың. Ынка̄м иқитақылъықуси та̄хкын нанӷӣқулъыӷмың.

2е Коринфянам 10:4

Гӯтутыт пилъюўа̄сипут нунам юган гӯтуткынӷитӣ. Гӯтутыпут Кияӷныӷым аҳтуӷьяҳқа̄нӷилъҳаның пилгӯт. На̄фқысяқлъыгўӣт айыпсюгилңӯт миңлъютыт аңуягым ныкыфқуқӣ югыт увитаңитхун.

2е Коринфянам 11:3

Иўырңа алиңуткақамси аңуягым пӯҳнаюкаңиси, катам таўатын нымыӷьям пыҳқиниқуткылъюку пӯҳтылъҳатун Ева. Ынка̄м лъпыси пиниқнаниӷўа̄ӷнаюкафсигу Христос.

2е Коринфянам 2:11

Туӷныӷа̄м а̄ҳқутақнаюкаңилъю қаюҳлъяк лӣсимакыхкыфут сяңутаңа ята̄ҳқыхка̄.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

2е Коринфянам 6:7

Қыпҳа̄тңўа̄ҳпут Кияӷнық уңипақылъымтыхун ипапилъық. Атуқақаҳпут Кияӷныӷым аҳтуӷьяҳқа̄нӷилъҳа, ылъқуӷутңалъықлъю гӯтуткылъюку аӷынқигныӷымлъю, сяӷумигныӷымлъю.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Ефесянам 4:24

Ынка̄м атуқитыху наңаӷныӷраӷаҳси қаюҳлъяк Кияӷныӷым улимакақа̄ лъмитун аюқлъюку: ылъқуӷутңапӣглюку, аглыӷнаӷлюкулъю.

К Ефесянам 6:13

Тама̄кын апалъюқлъюку а̄тыкык ӣңуна̄хкынка акулӷа̄ҳқык Кияӷныӷым ята̄ҳқыхкакык лъпысинун! Ынка̄м сыӷлылӣӷым аӷныӷани пилъюўаӷьяқлъыгулъықаси аңуягым сюӷугалъҳи. Та̄хкын пилъюўаныӷмың апыӷӣқуфси, лъпыси паниның ныкывӷаңулъықуси.

К Колоссянам 3:10

Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа.

1е Фессалоникийцам 5:8

Иўырңа Атанӷым пикӣлъю ынка̄м лӣсималюта кияҳтылъта. Пақнӣҳся̄силъыҳқамнъун сякимамтыхун а̄тылътыху сиӷималъық югулилъыӷмун.

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

От Иакова 4:7

Тӯнлюси лъпысиның катам Кияӷныӷмун. Аяклъиҳтыху туӷныӷақ, анагнӣҳлъықуқ лъпысиның.

1е Петра 5:8

Лӣсималюси, кылыңалюси. Аңуяхси Туӷныӷақ иглыӷаңӯқ угинилӷӣтун левытун, иваӷӣқуқ кина на̄фқынъалюку.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 19:20

Тугўа̄хкыт тыӷикусялъю̄гылъю, ӯкналиқистысиӷўа̄ӷылъю алъя̄ҳлъюўаҳтӣӷа̄тақақ таўанлъюку тыӷикусялъю̄к. (Алъя̄ҳлъюўаҳтӣқылъыӷмикун пӯҳқуқӣ налъюнӣлъыңыхкат тыӷикусялъю̄гмың, манигуқа̄тлъю наңаӷныӷа.) Тыӷикусялъю̄клъю, ӯкналиқистысиӷўа̄ӷылъю уңува̄хкынка милю̄та̄к на̄йвам кынӷанун кумаӷулӷӣмун уқумьягмун.

Откровение 2:24

Иўырңа иляхпыси Фиатирами, малихтылъҳитаси Иезавелым сыӷлыӷыт апыҳтуӷилъҳи. Лӣтылъҳитасилъю Туӷныӷа̄м аксяқумта̄ҳлъяги. Тама̄кын апалъюқлъюку қылӷатаӷаӷна̄нӷитамси,