К Ефесянам 5:4 - Новый Завет на эскимосском языке

⁴ Кайңусяӷа̄тыхпынаси, тымңитхўамың акузиткыхпынаси, налиӷмың амьюӷа̄ӷуткыхпынаси. Итупилъ игамсиқаюгвиксяҳқақаҳси Кияӷнық.

К Ефесянам 5:4 Iomraidhean Croise

От Марка 7:22

гылгаӷнӣқ, пакигнӣқ, алңунак сыӷлытун пилъық, пӯҳти, кайңусяӷа̄тылъық, ақина, юлгутмың иқлъыңиқутки, қука̄юхта ынка̄м тымңитхўа.

От Иоанна 6:23

Та̄хкын иляңи аңьят ка̄тқӯткат Тивериадамың. Тамлякат туңаңакун юлӷутыҳлъягыт ныӷӯтфигитхун иӷивгақ. Ныӷыхка̄лӷӣт нықыкшаңлъямың, киңуңаның Иисусым игамсиқаюлъҳан.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

2е Коринфянам 1:11

лъпыси каюсӣсималюта юӷалъыҳпысигун. Юӷа̄ткилъыҳлъяхси хўаңкунъың кӣмсилъыңылъықут, ынка̄м Кияӷныӷым қуяслъықӣлъю; угляпихлъыҳӣтлъю игляхтуҳлъютың игамсиқаюгвикылъықа̄т хўаңкунъың.

2е Коринфянам 9:15

Йықай игамсиқаюгвикылътыху Кияӷнық тунуся̄нун акузитыт апыҳпагниңилъкаңат.

К Ефесянам 1:16

нықамикақамси юӷанымни, игамсиқаягунъыӷмың та̄қигатамси Кияӷныӷмун.

К Ефесянам 4:29

Акузиткихпынаси сыӷлыӷмың. Итупилъ алыҳқуҳтыки пинитун югыт аклъюкилъҳитни. Пинилӷӣт акузитыт кайымьяҳқақӣт, аныӷныҳқысяҳқақӣт нагалъҳӣт.

К Филиппийцам 4:6

Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси.

К Колоссянам 3:8

Иўырңа ма̄тын атуқнаниҳтыки қамахлъюки укут: сякша̄, сякша̄ҳлъяк, угумикыра̄қ, сыӷлықӯқ, сыӷлыӷмыңлъю акузиткилъық.

1е Фессалоникийцам 3:9

Ынка̄м игамсиқаюгвикңўа̄ҳпут Кияӷнық лъпысиның. Лъпыси апалъюқлъюси қуяҳлъягӯкут сивуңани Кияӷнымта.

1е Фессалоникийцам 5:18

игамсиқаюглюси тамаҳа̄ни ныкыгныӷми. Та̄куңӯт Кияӷныӷым пиюкылъҳи лъпысинун Христос Иисусым пилӣткӣтнун.

К Филимону 1:8

Тытугна̄нӷитуңа қылыӷналютын Христосыкун атуқысқылъюку ылъқуӷутңалӷӣ, иўырңа таўатын пина̄нӷитуңа.

К Евреям 13:15

Иисусыкун ӣўлың аҳтуткилъта Кияӷныӷмун. Аҳтутыпут усюқилъқапут апынымтыху Иисус Атанӷунилюку.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

2е Петра 2:7

Лот ылъқуӷутңалӷӣңуяҳтуқ ю̄к кияҳтыкақ акулңитни тама̄куни сыӷлыӷыт югыт. Аҳутаңа тамаҳа̄н сыӷлылӣӷуткыҳлъякақӣ уңувасиӷмикун ысҳапаглюки, нагалъюки сыӷлытун кияҳта̄лъҳит, нуқытыхпынатыңлъю блудылъӷит. Ынка̄м Атанӷым югуликақа̄.

От Иуды 1:10

Иўырңа тама̄кут апыҳтуӷистысиӷўа̄ӷыт сяңўа̄ алңунак лӣгикынӷилъкысың сыӷлытун акузиткақа̄т. Сяңўа̄ иляңа лӣгикақа̄т тыӷикусястун сюмыҳтаӷӣгалңуӷыстун. Тыӷикусят пиюкылъыӷмыгыстун пикаюгӯт. Таўатыҳпигақ апыҳтуӷистысиӷўа̄ӷыт пикаюгӯт. Ынка̄м сыӷлыҳқыстыңуҳтаӷаӷақут.

От Иуды 1:13

Кайңуналӷӣт наңаӷныӷит қагиҳлъягыстун аюқут, тымңи пӯхлъюңлъят. Иӷалықыта̄ӷыстун қапшакаюгыстун аюқут, қаюҳлъяк таўатылңӯт иӷалықыта̄ӷыт налъюнӣӷутңуяҳқа̄нӷитут иглыӷанун. Таўатыҳпигақ иглыӷусяҳқақынӷита̄т кина алңунак апыҳтуӷилъысиӷўа̄лъыӷмыхтыхун. Тама̄кын апалъюқлъюку Кияӷныӷым ята̄ҳқуткақӣ писяҳтӣҳлъягмың ныкаҳқамың кынлыңилңуӷмың.