К Ефесянам 5:3 - Новый Завет на эскимосском языке

³ Лъпыси Кияӷныӷым юкыхкаңиси, ынка̄м китумун алңунак алъянӣҳтыстыңунифқа̄фси, налиӷмың алңунак блудыстыңунифқафси, налиӷмың пакигнӣҳтыңунифқа̄фси. Тама̄кут сыӷлыӷӯт ынка̄м Кияӷныӷым югита пияҳқақынӷитӣт.

К Ефесянам 5:3 Iomraidhean Croise

От Матфея 15:19

Қаюҳлъяк югым илюңаның сыӷлық сюмыҳтаӷалъық пика̄югӯт, юхтақ, гылгаӷнӣқ, алъянӣқ, тыглыгнӣқ, иқлъыңиқутки ынка̄м сыӷлықӯқ югның.

От Луки 12:15

Та̄хкын қамахлъюки пикӣ: «Кылыңалюси алъя̄ҳӣнаӷмың пакигнӣҳтылъыӷмың, қаюҳлъяк югым уңувалъыҳпига̄ сяӷьӣҳтылъыҳқун аюқынӷитуқ».

От Луки 16:14

Фарисеит маниюныҳпалъю̄т нагасямыхтыху тама̄на қамахлъюку, лыгасӣӷўа̄ткыхка̄т Иисус.

Деяния 15:20

Итупилъ посланиятхун ныӷыснанӣлътыки нықмың аҳтуткыхкамың кияӷныңлъяқанун, қымиткамың тыӷикусямың, а̄ўмың; иныҳтылътыкилъю блуда писқылъюку.

Деяния 20:33

Лъпысинитақңама манихпысиныңлъю, а̄ткаҳпысиныңлъю қилӣӷумаңитуңа.

К Римлянам 1:29

Алъя̄ҳӣнаӷмың сыӷлыӷмың пимаңинаӷақут, сыӷлыҳқақут, пакигныӷӯт, угумикытаҳтутлъю. Ақинакытаҳтут, юхтаӷьюныҳтӯт, пилъюўаӷьюныҳтӯт, пӯҳтиюныҳтӯт, сюмыҳтаӷа̄ткақӣтлъю илятың сыӷлыпигулюки. Йӣлъхӣқут,

К Римлянам 16:2

Упуӷанъакыси Кияӷныӷым югита пӣқылъҳистун қаюҳлъяк Атанӷым пика̄. Каюткысюнӷиси каюсиӷақлъюку қаюҳлъяк каютыҳлъягӯқ углялӷӣнун югнун, хўаңамнунлъю талўа.

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

1е Коринфянам 10:8

Блудыфқамта иляңистун. Алъхыӷныӷа сыӷлыҳқылъҳита 23,000 ю̄к туқуляӷа̄тка̄гуқ ата̄сими аӷныӷми.

1е Коринфянам 5:1

Нагақуӷақақа налиҳпысиңуқ атами нулиҳа нулиҳқылӷӣстун аюқа̄. Сыӷлыпихлъыҳӣмың сыӷлыҳқыңъӯқ талўа ухпықа̄нӷилңӯт атуқыснаянӷита̄т та̄на сыӷлыҳқылъық.

1е Коринфянам 6:13

Киналъю пинаялӷӣ: «Нықа улима̄ӷӯқ ақсяқумун, ақсяқуқ нықмун». А̄, иўырңа иляңани аӷныӷым Кияӷныӷым на̄фқысяҳқақа̄к қамахлъюкык ақсяқуқлъю, нықалъю. Югусиқ блудыӷқанҳисаӷтуқ қаюҳлъяк югусиқ Атаныӷмун пиңӯқ, Атанық югусимнъун пиңӯқ.

1е Коринфянам 6:18

Лӣсимакынӷистыхӯ югусиси Кияӷныӷым Храмкыхкаңи, Аглыӷналӷӣм Таӷныӷахкынка кияҳфиги? Кияӷныӷым тӯныхкақисӣ Аглыӷналӷӣгның Таӷныӷаӷминың, ынка̄м ма̄тын Кияӷныӷым пилӣткақӣси. Лъпысиның пикынӷитуси. Тама̄кын апалъюқлъюку блудыгпынаси. Блудыӷкуфси, нукыхнаҳқылӷӣстун Кияӷныӷым Храмыңа пилъықаҳси. Иляңи сыӷлыҳқылъҳыт таўатынъыӷитут. Кияӷныӷым тукфиқақӣси акитупихлъюку. Тама̄кын апалъюқлъюку қӯлваҳтыху Кияӷнық югусиҳпысигун.

2е Коринфянам 12:21

Сюмыӷьялӣқуңа алъя такукумси Кияӷныӷма кайңуся̄кнаюкаңаңа сивухпысини апалъюқлъюки сыӷлыҳқылъыси. Ынка̄м қивӷуҳлъяхлъықуңа қаюҳлъяк углялӷӣни лъпыси сыӷлыҳқумаңина̄гуси авутыҳқыхпынаси. Паниның сюмыҳтаӷаӷақуси нечистотамың пылюңинъыӷилңуӷмың, блуда атуқақаҳси, алңунасыӷат анагңалӷӣт нуқытусигатаси.

К Ефесянам 5:12

Кайңунапихтут талўа акузиткысяҳқа̄лютың тама̄кут пӣқыхкаңит аксяқлъюку.

К Ефесянам 5:5

Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Колоссянам 3:5

Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ.

1е Фессалоникийцам 4:3

Хўатытуқ Кияӷныӷым пиюкылъҳа лъпысинун: пылюңитысюгӣси сыӷлыҳқыстысюнӷитӣси атуқутылъыҳқун.

1е Фессалоникийцам 4:7

Кияӷныӷым накмикыхкақӣлъю кияҳтысқылъюта пылюңилъюта, сыӷлыҳқылъңуна̄мта.

1е Тимофею 3:3

Сю̄мыстыңуяҳқа̄нӷитуқ, сю̄хлъюгуяҳқа̄нӷитуқ иўырңа наңлъыҳтаӷьяҳқа̄гуқ, қаныңнақигасяҳқа̄гуқ, маниюныҳтуяҳқа̄нӷитуқ.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

2е Тимофею 3:2

Югыт лъмыхның пиниқылъықут, маниюныҳтулъықут, ямшатулъықут, а̄ңа̄юхлъықутлъю. Сыӷлықӯҳлъықӣт илятың, қа̄ткынъа̄нӷитӣт аңаюқатың, игамсиқаюгна̄нӷитут, ўа̄кнаниҳлъықа̄тлъю Кияӷнық.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

К Титу 1:7

Иглыӷутистыңутминың Кияӷныӷым қыпҳақа̄нун, Епископа авутңисяҳқа̄гуқ. Юкыҳқынӷуяҳқа̄нӷитуқ, налиӷмың ка̄тқаҳта̄маңуяҳқа̄нӷитуқ, налиӷмың сю̄мыстыңуяҳқа̄нӷитуқ, налиӷмың сю̄хлъюгуяҳқа̄нӷитуқ, налиӷмың пакигныӷуяҳқа̄нӷитуқ аклъюңиӷиналюни.

К Титу 2:3

Таўатыҳпигақ апыҳтуҳқи нуйыклъӣт аӷнат кияҳтысқылъюки тӯнңалюки Кияӷныӷмун. Сыӷлытун акузиткысяҳқақынӷитӣт илятың, налиӷмың мыӷыҳлъяфқӣта виномың. Апыҳтуӷияҳқа̄гут пинитун кияҳта̄лъыҳқамың,

К Евреям 12:16

Ысҳа̄макулъюси килъю алңунак блудникысаҳтут, налиӷмың килъю алңунак қӯлваӷинӷися̄ҳтут Кияӷныӷмың Исавытун. Акикыхкақыхкаңа пагитаҳқани ата̄сиҳаӷмун ныӷьяҳқамун.

1е Петра 5:2

Ынка̄м қылыӷьюгамси Пынъиниҳатыни хўатын: Пынъӣӷнӣҳтыңутык Кияӷныӷым пынъӣӷитнун; ныӷьюкуткақӣ лъпысинун афлъыңакысқылъюки. Афлъыңакитыки қаюҳлъяк афлъыңаксюкыси, нака̄н қаюҳлъяк пияҳқа̄тыхпысиның. Кияӷныӷым таўатын писқысюгӣси. Афлъыңакитыки нака̄н акилыҳтӯсяңыпигыснаӷналюси, иўырңа қаюҳлъяк каюсиӷьюкыси.

2е Петра 2:10

Та̄на аӷью̄лъық кияң тама̄кунун аюқуқ малигулъҳӣнун югусимың сыӷлытун пиюкылъыҳлъягитнун, қа̄ткусюгигалңуӷнунлъю китумун алңунак. Тама̄кут апыҳтуӷистысиӷўа̄ӷыт тытугигатутлъю, лъмиңуюгныӷӯтлъю. Алиңыхпынатың сыӷлықӯӷақӣт ниӷугракыхтат.

2е Петра 2:14

Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

Откровение 2:14

Иўырңа пиюкынӷитусинка лъпысинун укуңӯт: та̄ўа лъпысинитут иляңи қа̄ткулъҳӣт Валаамым апыҳтӯся̄нун. Апыҳтуқақа̄ Валак натын сыӷлыҳқыстысқылъюки Израилыӷмӣт. Ынка̄м Валакым апыҳтуқақӣ ныӷьяӷңӣта писқылъюки нықыт аҳқуткыхкат кияӷныңлъяқанун. Апыҳтуқақӣлъю итагнаӷнилюку алңунак развратылъыӷқақ.

Откровение 2:21

Пилъыҳқалиткақсяӷақа авутыҳқысқылъюку, иўырңа та̄қсюнӷитуқ алъянӣныӷмың.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.

Откровение 9:21

Талўа авутыҳқуткумаңилъкаңит юхталъытың, алигнаҳта̄лъытың, ныңуҳтыхпынатың атуқутылъыҳтың, налиӷмың тыглыгнӣлъытың.