К Ефесянам 5:26 - Новый Завет на эскимосском языке

²⁶ Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

К Ефесянам 5:26 Iomraidhean Croise

От Иоанна 15:3

Лъпыси укмаңиӷўа̄ӷлюси аюқуси акузитытхун акузиткыхкамкун лъпысинун.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

К Ефесянам 6:17

А̄тыху югулилъық на̄сқуӷӣта̄люку, Таӷныӷамлъю сявихпага, Кияӷныӷым акузитка̄.

1е Иоанна 5:6

Иисус Христосыңӯқ тагикақ. Тагика̄гуқ мыҳқунлъю, а̄хўкунлъю. Тагимаңитуқ мыҳӣнаҳқун иўырңа мыҳқунлъю, а̄хўкунлъю тагика̄гуқ.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

1е Петра 3:21

Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

Деяния 22:16

Сямың утақӣгақсин? Ся̄қсин крестиӷыстын, сыӷлыҳқылъыҳтын уӷвуҳтыстики туқлъюӷилъыҳпыгун А̄тҳакун Атанӷым”».

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

От Иоанна 17:7

Қынўатлъю лӣтӣт сяңўа̄т қамахлъюки тагивақаҳтын лъпынун пиңутаңи,

От Иакова 1:18

Кияӷныӷым лъңан катам Пиюкылъқақа, тӯналюта нутаӷамың уңувалъыӷмың уңипа̄кун ипапиҳқылъҳым. Таўатын пика̄гуқ, хўаңкута мыгнуналъыҳпига̄сқылъюта улима̄ӷьяхаӷминың.

От Иоанна 15:8

Атака̄ усюқылъыңылъықуқ пӣтысқуҳлъякуфси, лӣгикыслъықусилъю хўаңамнун малихся̄ҳсяҳтыкнъилюси.

От Иоанна 13:10

Иисусым пика̄: «Ю̄к уӷвуҳқынъыӷмини иқаңӣтақа̄, итыгаҳӣнӣ уӷвуӷьяҳқа̄ўақут қагани иглыҳлъюни итыныӷмини. Қамахлъюси иқаңитуси, иўырңақун кина ата̄сиқ».

К Римлянам 10:8

Акузитни Игақыхкани хўатын игақңа̄қ: «Кияӷныӷым уңипа̄ қантаӷантуқ лъпынун. Акузиткылъықан қаныҳпыгун, ухпықылъықанлъю илюхпыгун». (Кияӷныӷым уңипа̄ ухпықилъыӷмың аюқылӷӣ, та̄наңӯқ уңипақыхкыфут.)

2е Коринфянам 11:2

Қуңьяӷақуңа Кияӷныӷым қуңьяқылъҳатун лъпыси, қаюҳлъяк тӯнума̄мси Христосымун. Пылюңилңуӷыстун угӣӷнақылӷӣстун а̄ңӷусима̄мси лъңанун, угикысқылъюку лъңина̄.

К Колоссянам 3:16

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.

К Евреям 10:14

Та̄хун ата̄сикун аҳтуткылъыҳқун, Христосым қӯнпырухлъяк на̄михтыстыкақӣ пылюңиҳсяқат сыӷлыҳқылъыӷмыхның.

К Евреям 10:29

Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

К Евреям 13:12

Тама̄кын апалъюқлъюку Иисусылъю иқитутка̄гуқ ныҳлъягмың. Таўани туқука̄гуқ, пылюңиҳсяӷналюки югыт сыӷлыҳқылъҳитның лъми катам а̄ўминың.

2е Петра 1:9

Иўырңа китум алңунак атуқынӷилъкумики тама̄кут, амухтапихтуқ ынка̄м ысҳа̄тыпагниңитуқ. Пуйгукақа̄ Кияӷныӷым укмаңиқа сыӷлыҳқылъыҳа.