К Ефесянам 5:25 - Новый Завет на эскимосском языке

²⁵ Угини, пиниқлъюки нулӣси катам Христосым пиниқылъҳатун ухпықат. Пиниқыпихтыкақӣ рыпалъ туқуматкыхкақӣ.

К Ефесянам 5:25 Iomraidhean Croise

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Иоанна 6:51

Хўаңа уңувалъылитикаюгӯңа, нықыкшаңлъяқ укикақ қилягмың. Китум алңунак ныӷыхкумигу та̄на нықыкшаңлъяқ, кияҳсяҳқа̄гуқ қӯнпырухлъяк. Та̄на нықыкшаңлъяқ кымыкшакақа, тӯнақыхкыхка нунам юги уңувалъыңысқылъюки».

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 2:20

Қақӯра̄тка̄гуңа Христосымун малигулъюңа, ынка̄м хўаңаңунанӣма̄қ кияҳлъыҳӣ; Христосыңуҳсима̄қ кияҳлъыҳӣ илюмни. Кияҳтыңуӷңа̄ӷма югусимни, Кияҳтыңӯт ухпықилъымкун Иӷныӷаның Кияӷныӷым. Пиниқыхкаңаңа, тӯныхка̄лӷӣлъю хўаңамнун.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Ефесянам 5:24

Катам ухпықат малиҳқутақылъҳистун Христосымун, таўатыҳпигақ сялъыҳқун тамаҳа̄кун нулиҳыт малиҳқутақсяҳқа̄гут угимыхнун.

К Ефесянам 5:28

Угим пиниқсяҳқақа̄ нулӣни пиниқылъыӷмитун югусини. Уги пиниқилӷӣ нулӣӷминың лъңаның пиниқңӯқ.

К Ефесянам 5:33

Иўырңа та̄на лъпысинунлъю аюқуқ: тамаҳаӷми угим пиниқыпыста̄ӷьяҳқақа̄ нулӣни лъми катам пиниқылӷӣстун. Тамаҳаӷмилъю нулиҳым сӣваксяҳқақа̄ угини.

К Колоссянам 3:19

Угини, пиниқлъюки нулӣси, якуқлъюки пӣқитыки.

1е Тимофею 2:6

Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

1е Петра 3:7

Лъпысилъю нулиҳтуқани кияӷутыки нулӣси лӣгиклъюки натытуляңи қаюҳлъяк кая̄таӷаҳтут лъпысиның. Қӯлваӷлюки нулӣси қаюҳлъяк атуным алъхыҳсяҳқақаҳси Кияӷныӷым тунуся̄ кынлыңилңуқ уңувалъық. Таўатын пикуфси ся̄м алңунак пилъхилъиқна̄нӷитӣ юӷалъыси.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.