К Ефесянам 4:25 - Новый Завет на эскимосском языке

²⁵ Ынка̄м иқлъыңиқнаниҳтыгңам! Итупилъ ӣўлың апыҳтыху ипапилъық иляхпысинун, қаюҳлъяк қамахлъюта налиӷнықуӷӣлъю Христосым югусӣн.

К Ефесянам 4:25 Iomraidhean Croise

От Иоанна 8:44

Авақутақӣси атахпыси туӷныӷа̄м, ынка̄м атуқсюўақаҳси атахпыси пиюкылъҳа. Пӣнлиӷьюхўа̄лъыӷмың има юхтаҳтыңӯқ. Ипапиҳқылъық атуқаҳсигата̄ қаюҳлъяк ипапиҳқылъҳилңуқ. Иқлъыңиқныӷмини та̄ўаңинаҳақ айӷӣткани пӣқыхкаңа қаюҳлъяк иқлъыңиқыстыңулӷӣ, атакыхкаңа иқлъыңам.

К Римлянам 12:5

Угляӷьяӷңа̄мта, ата̄сигукут Христосым югусӣн. Ынка̄м хўаңкута налиӷныӷни хўаңкунъың пикутукут.

1е Коринфянам 10:17

Нықыкшаңлъяқ а̄вгуқа̄ӷңа̄ӷми ата̄сӣгуқ. Угляҳлъягьяӷңа̄мта, ата̄симың та̄хкын ныӷақукут. Ынка̄м кылгутақа̄ налиӷнықуӷнилюта ата̄симун югусимун.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

К Ефесянам 4:15

Итупилъ акузиткылътыху ипапилъық пиниқылъыҳқун, ынка̄м ўата Христосытун лъӣҳлъықукут сялъымтыхун тамаҳа̄кун. Христос на̄сқуқа̄т ухпықат.

К Ефесянам 4:22

Хўатын апыҳтуқақӣси: сыӷлыӷыт пиюкылъыҳпыси пӯҳлъықӣсилъю, на̄фқылъықӣсилъю. Тама̄кын апалъюқлъюку пыхтыки наңаӷнылюсилъю, кияҳта̄лъқысяқысилъю.

К Ефесянам 4:31

Пыхтыху угумикыра̄қ, сякша̄, сякша̄ҳлъяк, юпиҳқаӷа̄тақ, сыӷлықӯқ, қамахлъюкилъю сыӷлыӷыт.

К Ефесянам 5:30

қаюҳлъяк налиӷнықуӷӣлъю лъңан югусӣн.

К Колоссянам 3:8

Иўырңа ма̄тын атуқнаниҳтыки қамахлъюки укут: сякша̄, сякша̄ҳлъяк, угумикыра̄қ, сыӷлықӯқ, сыӷлыӷмыңлъю акузиткилъық.

К Колоссянам 3:9

Иқлъыңиқутыхпынаси қаюҳлъяк та̄қума̄ҳси кияҳта̄лъылюхси, айӷӣткақсяқысилъю.

1е Тимофею 1:10

Улима̄ӷӯт блудникыстынун, югнун юлгутмыхның атуқикаюгнун, югнун акикикаюгнун югмың қыпҳаҳтыля̄ӷулюки, иқлъыңиқыстынун, иқлъыңалӷӣнун лӣсимакистынун, кипулъхина̄лӷӣнунлъю Кияӷныӷым апыҳтӯсӣтнун ипапиҳқыңъалӷӣнун.

1е Тимофею 4:2

Таўатылңӯт апыҳтӯсят иқлъыңалӷӣның пиңӯт. Иқлъыңиқылъытың а̄пҳақӣт ипапихсюгниҳқылъюки. Наганъаниқақӣт умьюгатың лӣсимакилӷӣт ылъқуӷутңалъыӷмыңлъю, анахутңалъыӷмыңлъю.

К Титу 1:12

Ата̄сим Критыӷмӣм ӯкналиқистым пикақӣ: «Критыӷмӣт қӯнпың иқлъыңаҳтут, угиҳсялӷӣстун тыӷикусястун аюқут, иҳсяниталӷӣңӯтлъю ныӷыҳлъягыт».

К Титу 1:2

Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Евреям 12:1

Қамахлъютың тама̄кут югыт лӣгикыстӣлъю ухпықилъыӷмыхның натын кияҳтылъыӷмыхтыхун. Ма̄тын увитаңиӷлюта ысҳапагақӣлъю. Ынка̄м килга̄қустыстун иқитылътыки қамахлъюки уқихкутат, сыӷлыҳқылъҳытлъю иглягулъҳӣт хўаңкунъун. Сягиқлъютаңам килга̄қулъта сивумнъилңуӷмун,

От Иакова 1:21

Тама̄кын апалъюқлъюку пыхтыху қамахтыңъўа̄ӷлюку алъя̄ҳӣнақ сыӷлық атуқақыхкыси. Қусывыгңаҳпыси тугуклъиҳтыки Кияӷныӷым акузитаңи, пӣтысиӷақӣ илюхпысигун, қаюҳлъяк югулияҳқақӣси уңувасиҳпысиның.

1е Петра 2:1

Ынка̄м та̄қитыху алъя̄ҳӣнақ сыӷлық атуқыхкаҳси. Иқлъыңиқнаниҳтык, пинӣюхнаниҳтык, ақинананиҳтык, сыӷлықӯӷунъаниҳтыклъю.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.