К Ефесянам 4:21 - Новый Завет на эскимосском языке

²¹ Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым.

К Ефесянам 4:21 Iomraidhean Croise

От Матфея 17:5

Сялин акузималюку, қилягўа̄ӷым ниӷугракыхтам ся̄пыхкӣ, ынка̄м қиляўа̄ӷмың мым пикӣ: «Уна Иӷнықақа, пиниқыпихтақа, ыфқуқыпихтақа, нагатақитыху!»

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Иоанна 1:17

Кияӷныӷым тӯныхкақӣ Лӣлиҳтӯсят Моисейкун, иўырңа пиниқылъықлъю, ипалъықлъю лӣтыстыкақа̄к Иисус Христосыкун.

От Иоанна 10:27

Лӣсимаканка пынъӣӷынка, нагалъюку мыка малихтақа̄тңа.

От Иоанна 14:17

Та̄кук Каютык Таӷныӷа̄гук апыҳтуҳлъықӣси Кияӷныӷым ипапилъҳаның. Нунам юган тугуклъиӷна̄нӷита̄ қаюҳлъяк ысҳӣгалъкаңа талўа налъюкыхкаңа. Иўырңа лъпыси лӣсимакаҳси қаюҳлъяк лъпысинитуқ, илюхпысинисяҳқа̄гуқлъю.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

К Римлянам 10:14

Иўырңа натын югыт туқлъюҳлъықатху ухпынӷилъкумың? Натын ухпыҳлъықат, нагақӯнъыӷилъкумың? Натынлъю нагақуҳлъықа̄т уңипақистыңунатың?

2е Коринфянам 1:20

Лъңаңӯқ «Аңылъық» тамаҳӣтнун Кияӷныӷым акықусӣтнун. Тама̄кын апалъюқлъюку хўаңкута «Аминақукут» лъңакун усюқнымтыху Кияӷнық.

2е Коринфянам 11:10

Китум алңунак Ахаиями аӷулӣҳна̄нӷита̄ қука̄юхтылъқа та̄хкын. Таўатын пӣңа Христосым ипапиҳқылъҳакун хўаңамнилңуҳқун.

К Ефесянам 1:13

Христосыкун лъпысилъю нагақуқақаҳси ипапик уңипақ. Пинилӷӣңӯқ Уңипақ уңипа̄тилӷӣ югулилъыҳпысиның. Ухпықақңафсигу Христос, Кияӷныӷым налъюнӣқақӣси Аглыӷналӷӣгның Таӷныӷагның, акықусяқыхкаминың тӯнылъықнилюкык.

К Ефесянам 2:17

Христос тагилюни уңипақика̄гуқ ныкыхмылъыӷмың лъпысинун язычнигнун, аўавантыңъуялӷӣси Кияӷныӷмун. Уңипақика̄гуқлъю ныкыхмылъыӷмың Иудеянун, қантаӷантыңъулӷӣт Кияӷныӷмун.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

К Колоссянам 2:7

Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.