К Ефесянам 4:2 - Новый Завет на эскимосском языке

² Ӣўлың қусывыхлъюси, якумаңилъиқыхпынаси, нуқынъыҳтулюси, тугуклъӣтулъюси пиниқылъыҳқун.

К Ефесянам 4:2 Iomraidhean Croise

От Матфея 11:29

Ӣсқаӷмӣтахка а̄лъюкык лӣтивикитыңъа, қаюҳлъяк якумаңинъыӷитуңа, илюка қусывыгңа̄қ. Ынка̄м мыӷна̄лилъықуси уңувасиҳпысинун.

От Марка 9:19

Иисусым малихся̄ҳтыни пикӣ: «Лъпыси югни ухпықилъҳитуси! Натын тахка̄н лъпысининъақсиңа ухпықысқылъюңа? Мыкылӷӣқ хўавык тагитыху!»

Деяния 20:19

Қыпҳа̄ткақақа Атанық қусывыхтыпихлъюңа, қунитӯмаӷмалъю қайўа Иудеит сыӷлылӣҳқыҳлъягңа̄тңалъю, туқунъақуткыӷңа̄тңалъю.

К Римлянам 15:1

Хўаңкута ухпықилъыҳтуқани каюсӣсяҳқақапут ухпықилъыҳқыста̄ҳа̄т сыӷлылӣнӷата. Ыфқуҳсяҳқа̄нӷитукут хўаңкунъың.

1е Коринфянам 13:7

Пиниқылъық ата̄сӣӷмытуқ сяңўа̄ сяяӷңа̄н. Ӣўлың ухпықиңа̄қ, ӣўлың ныӷьюкиңа̄қ, ӣўлың нуқынъыҳтӯқ.

К Галатам 6:2

Каюткутулъюси сыӷлылӣлъыҳпысини; таўатын қа̄ткылъықаҳси Лӣлиҳтӯсяқ Христосым қылӷутка̄.

К Ефесянам 1:4

Нуна улималъҳилъюку Кияӷныӷым накмикыхкақӣлъю Христосыкун пылюңитысқылъюталъю, авутңитысқылъюталъю лъңанун.

К Колоссянам 1:11

Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун.

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

2е Тимофею 2:25

Атанӷым қыпҳаҳтыңа кавьюгисяҳқа̄гуқ апыҳтуӷикуми кипулъхина̄лӷӣнун. Ўалъю̄млъю Кияӷныӷым авутыҳқыстақлъики ухпықысқылъюку ипапилъық.

От Иакова 1:21

Тама̄кын апалъюқлъюку пыхтыху қамахтыңъўа̄ӷлюку алъя̄ҳӣнақ сыӷлық атуқақыхкыси. Қусывыгңаҳпыси тугуклъиҳтыки Кияӷныӷым акузитаңи, пӣтысиӷақӣ илюхпысигун, қаюҳлъяк югулияҳқақӣси уңувасиҳпысиның.

1е Петра 3:15

Иўырңа илюхпысигун манигуӷақитыху Христос Атанӷулюку. Китум алңунак а̄птыкаңиси сиӷималъыӷмың илюхпысинилңуӷмың қӯнпың лӣгикнатун кӣмсиӷьяқлъыхӣна̄ўақитыки.

1е Петра 3:8

Та̄қмиӷнақанка сямың пилъҳынка хўатын: қамахлъюси ата̄систун сюмыӷнылгутык, ақниқутутык, пиниқутык аңлыгуткулъҳӣстун, наңлъыкутутык, қусывгутутык.