К Ефесянам 4:18 - Новый Завет на эскимосском языке

¹⁸ умьюгӣтлъю лӣгикиңигалңӯгут. Илятңанӷитут уңувалъыӷмун Кияӷныӷым тӯныхка̄нун, қаюҳлъяк налъюкңўа̄ӷа̄т, пиныҳлъюгӯтлъю.

К Ефесянам 4:18 Iomraidhean Croise

От Матфея 13:15

қаюҳлъяк лъңита умьюгӣт пиныҳлъюхтыка̄гут. Сигутңит тусяқныҳлъю̄хтыка̄гут, ийытыңлъю қуныҳтыкақӣт. Таўатылңӯнӷисяқумың ӣймыхның ысҳа̄нъаяҳтут, сигутмыхның нагақӯнъаяҳтут, умьюгамыхтыхун лӣгикнаяҳтут, ынка̄м қӣвнаяҳтут хўаңамнун на̄лъҳутысқылъютың”.

От Марка 3:5

Иисусым ысҳапагңа̄ӷмики угумиягуткӣ, нақам ӣлъқуткумӣта пиныҳлъюгулъҳитныңлъю ўа̄кигатңитныңлъю. Та̄хкын Иисусым қӣвлюку ю̄к пика̄: «Ӣхытын ныңугутики». Лыган ныңугутӣ ага на̄лъҳуткат.

От Иоанна 12:40

«Ӣйңит ая̄стыкақанка ысҳа̄нъаюката. Умьюгӣтлъю лӣгиксяҳқа̄наниҳқыхкақанка лю̄рақ қӣвнаюката хўаңамнун на̄лъҳутысқылъютың».

Деяния 17:30

Сивунӷани агани югыт сялин налъюклъюку Кияӷнық, аӷью̄ӷьюгумаңитӣ аӷью̄сяқыӷңа̄та. Иўырңа ма̄тын қылӷўӣ қамахлъюки югыт на̄нсяӷңа̄та авутыҳқылъюки, сыӷлыҳқынъанӣсқылъюки.

Деяния 3:17

Иудейелгутымни, ныӷиӷлюку Кияӷныӷым а̄пқа̄ ӯкналиқистытхун накмикыхкани Христос икфиқлъюни туқулъықнилюку. Та̄на ӯкналиқылъҳат апыӷӣқа̄гуқ иглыӷутистыкулъҳӣни туқутыстақңафсигу Иисус, налъюклъюку Христосыңутаңа.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Римлянам 11:7

Хўатын пӣқуңа: Израилыӷмӣт на̄лъкылъҳита̄т ивақаҳтың, Кияӷныӷым накмикыхкаҳӣнӣта на̄лъкыхкақа̄т. Иляңи тама̄кут Кияӷныӷым пиныҳлъю̄хтыстыкақӣ.

К Римлянам 2:19

Ынка̄м сюмыҳпыни маӷьяҳқуҳтыңунӣқутын ая̄канун, ниӷугунӣқутынлъю мамлыгмылңуӷнун.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

1е Коринфянам 2:8

Налиҳӣнӣта̄ нунам иглыӷутистыңита лӣгикумаңита̄т та̄на пыҳқинылъық. Лӣгикыхкақсяқумыхтыху, қақӯраӷнаянӷита̄т Атанӷа ниӷуҳқылъҳым.

2е Коринфянам 3:14

Умьюгӣт лӣгикыпагниңӣтка̄гут, хўавымун кынляңа умьюгӣт ся̄пңа̄т та̄хкын ата̄симың ся̄путамың, атиҳтуныӷмыхтыки ныӷиҳтат акықусят. Та̄на ся̄путақ иқисяҳқа̄гуқ Христосыңинаҳаҳқун.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

К Галатам 4:8

Сивунӷани налъюксяӷаҳси Кияӷнық, ынка̄м қыпҳаҳтыля̄ӷуяҳтуси кияӷныӷунӷилңуӷнун.

К Ефесянам 2:1

Сивунӷани таӷныӷаси туқуңаяҳтут қаюҳлъяк қа̄ткумаңилъкыси Кияӷнық, сыӷлыҳқыстыңуяҳтусилъю.

К Ефесянам 2:12

Нықамиклъюку тама̄ни пилъыӷни налъюксяӷаҳси Христос кинаңутаңа. Нуната̄яҳтуси Израилыӷмӣнун ынка̄м илятылъҳисяҳтуси Кияӷныӷым акықусяқыхка̄нун лъңитнун. Нунами хўани кияҳтыңъуяҳтуси сиӷималъңунасилъю, Кияӷныңунасилъю.

К Колоссянам 1:21

Ата̄симың пылъыӷңаяҳтуси Кияӷныӷмың. Ынка̄м аңуяксяӷӣси сюмыҳтаӷаткаҳтыкилъю, сыӷлытунлъю пилъыҳпысигун.

1е Фессалоникийцам 4:5

Иляпхатыхпынаси югусиҳпыси атуқиюлъҳанун ухпықа̄нӷилңӯт пилъҳистун налъюкилӷӣт Кияӷныӷмың.

К Евреям 5:2

Первосвященнига кая̄лъиқыхкаюгутминың наңлъыхтаӷьяҳқа̄гуқ тама̄кунун налъюкылӷӣнунлъю, ухпықинанилӷӣнунлъю ипапилъыӷмун.

К Евреям 9:7

Иўырңа первосвященнигаңинаҳақ итыӷьяҳқа̄гуқ тӯңлиҳа̄нун ныңанун палаткам. Таўатын пӣқуқ ата̄сиҳаӷмың аюмиқулъыӷми. Итыныӷмини таўавык нымун ӣўлың кылъқысяҳқа̄гуқ а̄ўаның аҳқуткыхкам тыӷикусям. Тӯнӣқуқ а̄ўмың Кияӷныӷмун лъми сыӷлыҳқылъыӷминун, югытлъю сыӷлыҳқылъҳитнун. Та̄на а̄ўк сыӷлыҳқылъҳитнун пиңӯқ налъюклъютың пикӣтнун.

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.

1е Петра 1:14

Қа̄ткулъюси Кияӷныӷмун қаюҳлъяк авақутақӣси. Ынка̄м атуқыхпынаки сыӷлыӷыт пиюкылъыси атуқңуяқыси. Таўатысяҳтуси налъюкутыхпысиның натын Кияӷныӷым кияҳтысқысюлъҳан аюқутаңа.

1е Иоанна 2:11

Иўырңа китум алңунак угумикыхкумигу ухпықа̄лгутни, мамлыгмытуқ. Иглыҳтыңъӯқ мамлыгми, талўа налъюкуқ навык пиңутни қаюҳлъяк мамлыгым ая̄стыкақа̄.