К Ефесянам 4:14 - Новый Завет на эскимосском языке

¹⁴ Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Ефесянам 4:14 Iomraidhean Croise

От Матфея 11:7

Ага Иоанным малихся̄ҳтыңи аӷуляқсята, Иисусым акузиткыхка̄ Иоанн юлӷутнун: «Килга̄нун пӣқңафси, сяңўа̄ ысҳаӷьяҳтуӷыстыху? Выга̄қ ануқым уфсюгускаңа̄?

От Матфея 24:11

Та̄хкын ӯкналиқистысиӷўа̄лӷутыт тагилютың пӯҳқуҳлъықӣт юлӷутыт.

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

Деяния 23:21

Ухпықыхпынаки, қаюҳлъяк югык ма̄лӷугыгның угляҳтут югыт ӣӷлютың тумыми утақӣнақнилӷӣт туқунъалюку. Акықима̄т ныӷна̄нӷинъилютыңлъю, мыӷна̄нӷинъилютыңлъю кынляңа туқутылъыӷмыхнун Павел. Апыӷӣӷлютың утақӣгақут натын пилъыҳқаҳпының».

1е Коринфянам 12:2

Нықамикаҳси сялин ухпылъҳилъюси манигӯтыста̄тақақыхкаңиси кияӷныңлъяқанун акузиңигалңуӷнун. А̄ҳқутақыстыка̄лӷӣси.

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

1е Коринфянам 3:19

Кияӷныӷми нунам пыҳқинылъҳа тымңиңӯқ. Акузитни Игақыхкани игақңа̄қ: «Пыҳқинӷыт югыт нунами хўани Кияӷныӷым пипагниңӣтыстақӣ лъңита катам пыҳқинылъҳитхун».

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

К Галатам 3:1

Налъюҳаӷмың лъпыси Галатияӷмӣни! Китум пӯҳтиси? Пуйгустыхӯ а̄пҳўа̄қақсяқыхка Иисус Христосым туқулъҳа қақӯракун?

К Ефесянам 6:11

А̄тыкык ӣңуна̄хкынка акулӷа̄ӷык Кияӷныӷым ята̄ҳқыхкакык лъпысинун. Та̄хкын тыңвимун ныкывӷасяҳқа̄ҳлъықаси Туӷныӷа̄м пӯҳтилъҳи.

1е Тимофею 3:6

Иглыӷутиста ухпынҳа̄нӷисяҳқа̄гуқ, лю̄рақ қука̄юхтыпагнаюкан ынка̄м нанқихтылъыңылъықуқ аӷью̄ӷьяҳқа̄люни Туӷныӷаҳтун.

2е Тимофею 1:15

Лӣсимакан қамахтывзиӷлютың ухпықат Асиямылңӯт каюсиӷьюгнанӣма̄тңа, талўа Фигеллымлъю, Ермогенымлъю.

2е Тимофею 3:13

Сыӷлыӷыт югыт, пӯҳтистытлъю, сыӷлыӷуҳтаӷаҳлъықут. Пӯҳқуҳлъықут, лъңитлъю пӯҳтылъыңылъықут.

2е Тимофею 4:3

Пилъыҳқақ тагиңӯқ югыт нагасюгнаниҳлъықут ипапигнун апыҳтӯсянун. Иваӷилъықут пиюкыхкамыхның апыҳтуӷистылӷутның нагатыпигыснаӷналюки нагақуӷьюкыхкаҳӣнатың.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

От Иакова 1:6

Ынка̄м а̄птык ухпықилъылиӷлюку малӷуклъилъңуна̄н. Малӷуклъиңалӷӣ имаҳлъюгыстун аюқуқ, ануқым тыңқа̄тақыхкаңа.

От Иакова 3:4

Сюмыҳтаӷа̄ткаҳтыкиқунлъю аңьяҳпахлъягыт; ақӯтасқувыгаҳа̄м қӣфтақӣ аңьялгым пиюкылъҳанун талўа ануқатыҳлъягьяӷңа̄н.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

1е Иоанна 2:19

Тама̄кут хўаңкунъисяҳтут иўырңа униткақӣлъю қаюҳлъяк илятңўа̄ӷумаңилңӯт хўаңкунъун. Илятңўа̄қа̄яқумың унинъаянӷитӣлъю. Унитылъыӷмыхтыхун лӣгикыстыңъўа̄ӷа̄т илятңўа̄ӷумаңитылъыҳтың хўаңкунъун.

1е Иоанна 2:26

Письмосиқанка лъпысинун тама̄кут пӯҳтинақуткылӷӣт лъпысиның апалъюқлъюки.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

От Иуды 1:12

Нықынӷаҳқусяҳтуныҳпысини, причастиямаҳпыси, тама̄кутлъю апыҳтуӷистыт пӣқут. Якуӷнаҳтут ухпықанун катам таўатын уйӷахлъяк мыӷым асиңанилңуқ якуӷналӷӣ аңьянун. Ныӷақут қырңаӷмың ныңляҳқасимаӷмың, акузимаӷмың ныпухлъягыт кайңуюхпынатың. Лъңинаӷмың ныӷақут килъю тӯныхпынаки. Сясӣнӷитут қиляўа̄ӷыстун ыслъялъюгилңуӷыстун аюқут, ануқым наӷуӷускаңи қӯлңакун нунам мыӷисяхлъягым. Сясӣнӷитут пӣтыстиңигалңуӷыстун уқфигыстун аюқут, унатаӷвигми. Пӣтыстиңигалңӯт уқфигыт туқукастун аюқут. Тама̄кын апалъюқлъюку пӣтысиӷаҳтым нусюгақӣ паныҳналюки. Ынка̄м ма̄лӷугыгның туқукалъҳӯӷақут.

Откровение 19:20

Тугўа̄хкыт тыӷикусялъю̄гылъю, ӯкналиқистысиӷўа̄ӷылъю алъя̄ҳлъюўаҳтӣӷа̄тақақ таўанлъюку тыӷикусялъю̄к. (Алъя̄ҳлъюўаҳтӣқылъыӷмикун пӯҳқуқӣ налъюнӣлъыңыхкат тыӷикусялъю̄гмың, манигуқа̄тлъю наңаӷныӷа.) Тыӷикусялъю̄клъю, ӯкналиқистысиӷўа̄ӷылъю уңува̄хкынка милю̄та̄к на̄йвам кынӷанун кумаӷулӷӣмун уқумьягмун.