К Ефесянам 4:13 - Новый Завет на эскимосском языке

¹³ Та̄на қыпҳақақ нагныҳлъықуқ кынляңа ата̄сӣҳтылъымнъун ухпықилъымтыхун, лӣсимакылъымтыхунлъю Иӷныӷа Кияӷныӷым. Та̄хкын аңтанӣтңўа̄ӷлюта Христосытун лъӣҳлъықукут.

К Ефесянам 4:13 Iomraidhean Croise

От Матфея 11:27

Атама тагивақақа̄ сяңўа̄ қамахтыңъўа̄ӷлюку. Китум алңунак налъюка̄ Иӷнық, иўырңақун Атам. Китум алңунак налъюка̄ Ата, иўырңақун Иӷныӷым, ынка̄м Иӷныӷым накмикыхкаминун лӣтыслъықа̄ Ата.

От Иоанна 1:16

Пиниқиңаҳлъягутминың қуястақӣлъю утыҳпахтӣнақ.

От Иоанна 16:3

Таўатын пияҳқақӣси қаюҳлъяк лӣсимаңилъкаңинкуң Атакулъҳӣгни.

От Иоанна 17:21

Юӷаҳтуңа қамахлъюки ата̄сӣсқылъюки. Ата̄й, йықай илюмтыгнитыстики катам таўатын лъпык илюмнитылъыҳпытун, хўаңа лъпык илюхпынитылъымтун. Илюмтыгнитыстики нунам юганун ухпықысқылъюку лъпынун каяхсиматка.

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

От Иоанна 6:69

Хўаңкута ухпықамкын, лӣткақамкын лъпык Аглыӷналӷӣка̄тын Кияӷныӷым».

Деяния 4:32

Апостолыт аҳтуӷьяҳқа̄нӷилъылиҳлъяглютың уңипақыхка̄т Атанық Иисус уңувақа̄нилюку туқулъыӷмың. Кияӷныӷым қуястыҳлъягукаңилъю қамахлъюки ухпықат. Ухпықат ата̄систун лъӣқат илюмыхтыхунлъю, уңувасимыхтыхунлъю. Ынка̄м кина алңунак пиңигалңуқ сяӷьятың лъңинаӷмыхнун пикнилюки, атуным атуқақыхкаңит.

1е Коринфянам 1:10

Ухпықа̄лгутымни, Атанымта Иисус Христосым а̄тҳакун пӣмси та̄қысқылъюси а̄ҳтӣра̄ӷунъыӷмың. А̄фқӯтыхпынаси. Сюмыҳтаӷалъысилъю, сянақылъысилъю ата̄сӣҳнақлъюки.

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

1е Коринфянам 2:6

Аңтанӣтканун ухпықанун апыҳтӯсяқақа Кияӷныӷым пыҳқинылъҳа. Иўырңа та̄на пыҳқинылъық нунамың пиңунӷитуқ, талўа иглыӷутистыңаның. Қантаӷақун авӣӷусяҳқа̄гут.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Галатам 4:19

Таӷнуҳаҳамни, катам аӷнам ақниҳқылъҳатун иӷниюлъыӷмини хўаңалъю таўатын ақниҳқуткынъықихтыңъўа̄мси кынляңа Христосытун лъӣлъыҳқаҳпысинун.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 1:23

Қамахлъютың ухпықат югусиқӣ Христосым, ынка̄м лъңа ӣӷўиҳтуқ. Христосым ӣӷўиҳта̄ сяңўа̄ қамахлъюку нани алңунак.

К Ефесянам 2:15

Христосым туқулъыӷмикун атӯнаниҳқыхкақӣ Иудеит Лӣлиҳтӯсӣтлъю қылӷусӣтлъю. Таўатын пика̄гуқ Иудеитлъю, язычнигытлъю ата̄сӣҳтысқылъюки лъмикун. Ынка̄м ныкыхмылъыңыстыкақӣ.

К Ефесянам 4:12

Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Ефесянам 4:3

Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын.

К Ефесянам 4:5

Ата̄сӣгуқ Атанық, ата̄сӣгуқ ухпықилъық, ата̄сӣгуқ крестиӷылъық.

К Филиппийцам 3:10

Пиюкылъыҳлъякақа, лӣнъалюку Христос, нанӷӣӷналюкулъю аҳтуӷьяҳқа̄нӷилъҳа уңуваҳтылъҳан; илянъалюңалъю икфиқылъҳанун, лъңатунлъю лъӣӷьяҳқа̄люңа туқулъҳани.

К Филиппийцам 3:8

Ипа сяңўа̄т қамахлъюки ифлъяма̄нка апалъюқлъюку мыгнунаҳтулңа лӣтңўа̄лъымның Христос Иисусым, Атанқа. Лъңа апалъюқлъюку сяңўа̄т қамахлъюки ыхсима̄нка. Ысҳаӷанка малъястун аюқлъюки алъхыҳтыпигналюку Христос,

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

К Евреям 5:14

Иўырңа нықыпик аңтанӣтканун пиңӯқ. Пыҳқихсяқа̄гут лӣгиксяҳқа̄люкык пинилӷӣлъю, сыӷлылӷилъю.

2е Петра 1:4

Аҳтуӷьяҳқа̄нӷилъыӷмикун, Иисусым тӯныхкақӣлъю акықусяминың мыгнунапихлъыҳӣныңлъю, пивагнапихлъыҳӣныңлъю. Тама̄гун акықусятхун Кияӷныӷым илятыслъықӣси наңаӷныӷминун. Та̄хкын анагьяқлъыгуҳлъықаси сыӷлыӷым пиюкылъҳи нунамылңӯт на̄фқӣяқлъыгыт лъпысиның.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.