К Ефесянам 4:12 - Новый Завет на эскимосском языке

¹² Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Ефесянам 4:12 Iomraidhean Croise

От Луки 22:32

Иўырңа юӷа̄ткума̄мкын Симон, ухпықилъҳын пыхтыфқа̄н писқылъюку. Ынка̄м ухпықынқихтыкувңа, икнақуҳсяӷьяҳқақатын малихся̄ҳтылгутыхпык ухпықилъҳитнын».

Деяния 11:23

Ка̄сялӷӣми угля̄пихлъыӷӣ ю̄к ухпыҳтӯлъюни аюқыфтуқ, ынка̄м қуяҳлъякақ қаюҳлъяк лӣгикыхка̄ Кияӷныӷым пиниқиңалъыҳлъяга югнун. Варнава пинилӷӣңулӷӣ ю̄к, имиӷңаҳлъяклъю Аглыӷналӷӣгның Таӷныӷагның, ухпықилъылыхлъяклъю. Та̄хкын алъяңуҳтыфқӣта ата̄сӣӷмытыкыстӣсқыхкӣ Атаныӷмун. Ўатақа̄ӷақ иляңиталъю югыт ухпықыхка̄т Атанық.

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

Деяния 9:31

Қамахлъютың ухпықат Иудеями, Галилеями, Самариямилъю амью̄ткыстыңъунатың кияҳтыкат. Ухпылъҳит икнақуҳтыкат, алиңақылӷӣт қа̄ткунъыӷитылъыҳқамыхның Атаныӷмун, Аглыӷналӷӣмлъю Таӷныӷам каюсӣңукаңи ынка̄м ухпықат нулякат.

К Римлянам 12:5

Угляӷьяӷңа̄мта, ата̄сигукут Христосым югусӣн. Ынка̄м хўаңкута налиӷныӷни хўаңкунъың пикутукут.

К Римлянам 12:7

Тунусяҳпут қыпҳа̄тиңукан, қыпҳа̄тилъта, апыҳтуӷиңукан, апыҳтуӷилъта;

К Римлянам 14:19

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

К Римлянам 15:2

Итупилъ, тамаҳа̄мта ыфқуҳнақылътыху ухпықа̄лгутфут лъңан катам пиниҳқылъыҳқа̄нун, ухпықилъыҳтуҳтысқылъюку.

К Римлянам 15:29

Лӣсимакақа ка̄скума лъпысинун, пилгулъықуңа Христосым ӣңуна̄н қуястылъҳаның.

1е Коринфянам 12:27

Қамахлъюси ухпықани Христосым югусиқӣси, налиӷнықуӷӣси.

1е Коринфянам 12:7

Аглыӷналӷӣм Таӷныӷам лӣтыстыкаюга̄ аҳтуӷьяҳқа̄нӷилъыни ухпықатхун тунусялиткамикун. Тунусят китумун алңунак пиниҳқусиҳқа̄гут.

1е Коринфянам 14:12

Ынка̄ңам лъпыси, тунусяңьюпихтыкуфси Аглыӷналӷӣм Таӷныӷам тунуся̄мың, туңсиҳтык каюткаҳқамың ухпықанун.

1е Коринфянам 14:14

Юӷаӷьяқума алъястун улюстун, таӷныӷахка юӷаҳлъықук, иўырңа умьюгагма лӣгикна̄нӷита̄к.

1е Коринфянам 14:26

Ухпықа̄лгутымни, уната апыҳтӯсяқнақуткақыхкыхка. Қырңуӷунъыҳпысини манигӯнъалюси иляси илягаӷақна̄ҳтут, кина апыҳтуӷӣқылъықуқ, налиӷмың налиҳси уңипаҳлъықуқ Кияӷныӷым уңипақысқыхка̄ның, налиӷмың налиҳси акузилъықуқ алъястун улюстун, налиҳпыси мумиҳқуҳлъықӣ. Ухпықат ухпылъҳитнун икнақуӷусӣлит қамахлъютың.

2е Коринфянам 12:19

Сюмыҳпысинӣи лъпысинун ипапиҳқынъақуткыстыху анахусиманилютуң? Нака̄! Кияӷныӷым нагақӯманӷани, акузӣқукут Христосым акузисқылъҳатун. Пиниқыхкамни, сяңўа̄ қамахлъюку пӣқаҳпут икнақуҳсяӷналюку ухпылъыҳси.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 3:8

натынми аңка̄н қыпҳалъҳа Кияӷныӷым Таӷныӷахкынка ниӷуҳқыстӣӷатаӷаҳлъықа!

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

2е Коринфянам 5:18

Кияӷныӷӯқ таўатын пикақ. Лъңан илялӣӷутыстыкақӣлъю лъңанун Христосыкун. Қыпҳақалитӣлъюлъю, иляңилъю югыт илялӣӷутысқылъюки лъңанун.

2е Коринфянам 6:3

Кияҳта̄лъымтыхун на̄хсяӷаңлъӣгатапут югыт, сыӷлықӯфқа̄н писқылъюку қыпҳақаҳпут Атаныӷмун.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Ефесянам 1:23

Қамахлъютың ухпықат югусиқӣ Христосым, ынка̄м лъңа ӣӷўиҳтуқ. Христосым ӣӷўиҳта̄ сяңўа̄ қамахлъюку нани алңунак.

К Ефесянам 4:16

Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.

К Ефесянам 4:29

Акузиткихпынаси сыӷлыӷмың. Итупилъ алыҳқуҳтыки пинитун югыт аклъюкилъҳитни. Пинилӷӣт акузитыт кайымьяҳқақӣт, аныӷныҳқысяҳқақӣт нагалъҳӣт.

К Ефесянам 4:4

Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

К Колоссянам 4:17

Архипп Уңипа̄таҳнакыси хўатын: «Ўатаҳлъяк апыӷӣӷнакын қыпҳақақ Атанӷым қылӷутка̄ лъпынун».

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

2е Тимофею 4:11

Лукаңинаҳақ хўаңамнитуқ. Марка ақфалюку кылъқынъакын қаюҳлъяк каюткыпихтақа қыпҳалъымни.

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.

К Евреям 13:17

Қа̄ткитыки иглыӷутистыси атуқлъюки қылӷусӣт. Кылыңакиңӯт уңувасиҳпысиның лӣсимаклъюку Кияӷныӷмун нанқихсяҳқа̄си. Қуянӷитыстыхпынаки иглыӷутистыси, итупилъ қа̄ткылъыҳпысигун қыпҳақатың пилъықӣт қуякусиқлъюки. Қа̄ткынӷилъкуфсики каюсӣтыпагниңитӣси.

К Евреям 6:1

Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,