К Ефесянам 4:11 - Новый Завет на эскимосском языке

¹¹ Лъңаңӯқ тунусялиқуқақ югнун: иляңи апостолыңулюки, иляңи ӯкналиқистыңулюки, иляңи евангелистыңулюки, иляңи юӷаҳтыңулюки, апыҳтуӷистыңулюкилъю.

К Ефесянам 4:11 Iomraidhean Croise

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

Деяния 13:1

Антиохиями ухпықам иляңи ӯкналиқистыңуфтутлъю, апыҳтуӷистыңуфтутлъю. Та̄куңуфтут Варнава, Симеон, атилъқылӷӣ Нигерымың, Луций (Киринеямың пи), Манаил (аңлилгутаңа умӣлгым Иродым), Савлалъю.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

Деяния 21:8

Уна̄миңани Кесариямун ка̄лъюта Филиппынкунитукут евангелистыми. Ма̄ӷраӷвинлықыхкаңат накмикыхка̄т каютңулюки.

К Римлянам 12:7

Тунусяҳпут қыпҳа̄тиңукан, қыпҳа̄тилъта, апыҳтуӷиңукан, апыҳтуӷилъта;

1е Коринфянам 12:4

Аглыӷналӷӣм Таӷныӷам тунусӣ алъяҳӣна̄гут, иўырңа тунусят қамахлъюки та̄м ата̄сим Таӷныӷам тунусяқӣ.

К Ефесянам 2:20

Мыңтыӷа̄тун аюқуси ныкыфтыкат тумыңлъяқӣтхун апостолынилъю, ӯкналиқистытлъю. Христос Иисус лъңа катам каңиӷам уйӷака̄.

К Ефесянам 3:5

Сивунӷани Кияӷныӷым уңипа̄тылъҳитӣ югыт қайвиҳтылъҳилңуӷмың успықылъыӷминың. Иўырңа укуни аӷныӷни Аглыӷналӷӣгныкун Таӷныӷагныкун қайвиҳта̄ успықылъыни аглыӷналӷӣнун апостолыминунлъю, ӯкналиқистыминунлъю.

К Ефесянам 4:8

Тама̄кын апалъюқлъюку Акузитни Игақыхкани игақыхка̄лӷӣ: «Маюӷақңами ӯсқалъыӷмун тугукақӣ угля̄пихлъыӷӣт ўаяқат, югытлъю тунусялиқуқақӣ».

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.

К Евреям 5:12

Ныӷипихлъюси ухпықа̄лӷӣси ынка̄м апыҳтуӷияҳқа̄ҳтыка̄гуси иляхпысинун. Йыӷлыги паниның аклъя̄қуси китумун апыҳтунқихтысқылъюси ухпынҳат лӣсюхўа̄ӷьяҳқӣтның Кияӷныӷым акузитаңаның. Катам таӷнуҳаҳаӷыстун мамаҳтуӷьюгақуси, нықыпигьюхпынаси.

От Иуды 1:17

Пиниқыхкамни, нықамиклъюки Атанӷым Иисус Христосым апостолыңита а̄пқӣт сивунӷани.

Откровение 18:20

Та̄хкын қилягмың кина пӣқ: «Ка̄й қилягмылңуӷни, қуякитыху қаюҳлъяк Кияӷныӷым на̄фқа̄ Вавилон! Қуятык Кияӷныӷым югитни, апостолыни, ӯкналиқистынилъю! Кияӷныӷым аӷью̄ӷа̄ қаюҳлъяк сыӷлытун пикақыхкаңиси!»

Откровение 21:14

Ныҳлъягым миңлъютаңа тунымиқа̄фтуқ қуля ма̄лӷук сӣпнықлъюку уйӷагның. Ата̄сикаҳтаӷмың уйӷагыт игақфикңафтут атыӷмың қуля ма̄лӷук сӣпнықлъюку апостолаңаның Пынъӣӷаҳа̄м.