К Ефесянам 4:10 - Новый Завет на эскимосском языке

¹⁰ Ынка̄м лъңа та̄на укикақ сямавык, лъңаңӯқ ата̄сиқ та̄на маюқақ памавык иңьяӷлюки қилягыт, имиӷналюку сяңўа̄ қамахлъюку наю̄тңалъыӷминың.

К Ефесянам 4:10 Iomraidhean Croise

От Матфея 24:34

Ипа уңипа̄тамси, ма̄тын уңувалӷӣт туқуляӷа̄тыстыхпынаки қамахлъютың тама̄кут пияҳқа̄гут.

От Луки 24:44

Та̄хкын Иисусым пикӣ: «Лъпысинитңулюңа хўатын уңипа̄ткақамси: Сяңўа̄т қамахлъютың хўаңамның аюқылӷӣт игақыхкат апыӷӣӷьяҳқа̄гут, Моисейем Лӣлиҳтӯся̄нилңӯт, ӯкналиқистыт игақыхкӣтңилңӯт, псалмынилңӯтлъю».

От Иоанна 1:16

Пиниқиңаҳлъягутминың қуястақӣлъю утыҳпахтӣнақ.

От Иоанна 19:24

Пилъюўаҳтыт пикат: «Та̄кук ӣӷўӣхкынка атыҳтӣра̄ӷусиқылътыкык». Таўатын пилъыӷмыхтыхун Акузитыт Игақыхкат апыӷӣҳтыстыкӣт хўатын пилъҳит: «А̄тканка ныңӣткақӣт, ынка̄м та̄кук аткуя̄ӷыхка атыҳтӣра̄ӷусиқыхкақахкыт».

От Иоанна 19:28

Та̄м киңуңаның Иисусым лӣсимакыхка̄ сяңўа̄ тамаҳаӷми хўа̄ апыӷӣлӷӣ. Ынка̄м Акузитыт Игақыхкат апыӷӣӷысқылъюки хўатын пикақ: «Мықсюхтуңа».

От Иоанна 19:36

Тама̄кут апыӷӣқа̄гут Акузитыт Игақыхкат апыӷӣӷысқылъюки: «Талўа ата̄сиқ ныҳқўа̄ӷа айымьяҳқа̄нӷитуқ».

Деяния 1:11

Пикӣт: «Югитни Галилеям, сяңафси қӯлмун ысҳапахтӯтақыстык? Та̄гна Иисус Кияӷныӷым маюҳтыстыкаңа укигьяҳқа̄гуқ ысҳапалъыҳпысистуңўа̄қ маюлъҳатун қилягмун».

Деяния 1:9

Акузиныӷмың та̄қсан Кияӷныӷым маюҳтыстыка̄ қилягмун. Ысҳапагусималюку қиляўа̄ӷым талюҳтыка̄ ысҳа̄малъҳитның.

Деяния 2:33

Кияӷныӷым ныкыхтыкақа̄ Иисус аӷынқигныӷмикун, таўатын қӯлвақақа̄. Акықылъыӷмитун Иисус, тӯныхкақа̄к Аглыӷналӷӣк Таӷныӷак лъңанун, ынка̄м Иисусым хўаңкунъун тӯна̄к. Тама̄кут сяӷӣӷаналӷӣт ысҳақыси, нагаскыси Таӷныӷам аҳтуӷьяҳқа̄нӷилъҳакун пилъҳӯт.

2е Коринфянам 12:2

Лӣсимакақа ю̄к Христосымылңуқ. Қуля стамат сӣпнықлъюки аюмиқулъыӷни агани наӷуҳтыкани Кияӷныӷым маю̄тқаҳтыкақа̄ пиңая̄нун қилягым. Налъюкңўа̄ӷақа ю̄к югусиминитутаңа налиӷмың югусиминың а̄нңака̄таңа, иўырңа Кияӷныӷым лӣсимака̄.

К Ефесянам 3:19

Лъпысинун лӣсимакысқысюгақа Христосым пиниқылъҳа, қайўа пияқнаӷңа̄н лӣгикңўа̄лъыҳқа̄. Та̄хкын пиниқылъҳакун, Кияӷныӷым наңаӷныӷатун ўата лъӣҳлъықуси.

К Колоссянам 1:19

Кияӷныӷым Пиюкылъқақа қамахтыңъўа̄ӷлюни лъми катам кияҳналюни Иӷныӷми илюңани.

К Колоссянам 2:9

қаюҳлъяк қамахтыңъўа̄ӷлюни Кияӷнық кияҳтыңъӯқ Христосым югусӣн.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

К Евреям 4:14

Тама̄кын апалъюқлъюку Первосвященнигрухлъягӯкут қилягмун маюқамың. Иисусыңӯқ, Иӷныӷа Кияӷныӷым. Ынка̄м ухпықилъыӷмытыкыста̄лъта а̄пқамнъи югнун.

К Евреям 7:26

Иисус Первосвященнигуңӯқ тӯникаюк сямың аклъюкыхкамнъың. Аглыӷнаҳтуқ, авутңитуқ, пылюңитуқ, а̄фтыңъа̄қ сыӷлыҳқыстының, Кияӷныӷым қӯлвақақа̄ қулиҳпигаӷмун қилягмун.

К Евреям 8:1

А̄пқаҳпут лъпысинун, хўатын писӣгуқ: таўатылңуӷмың первосвященнилгӯкут ақумгалӷӣмын аӷынқигныӷани ся̄ӷўакун Аҳтуӷьяҳқа̄нӷитылъыҳпига̄м қилягми.