К Ефесянам 3:7 - Новый Завет на эскимосском языке

⁷ Кияӷныӷым наңлъыхталъыӷмикун, аҳтуӷьяҳқа̄нӷилъыӷмикунлъю тунусялита̄ңа қыпҳаҳтыңулюңа уңипақысқылъюки Пинилӷӣт Уңипат.

К Ефесянам 3:7 Iomraidhean Croise

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 12:3

Кияӷныӷым тӯныхкақутаңаның тунусямың апостолыңулюңа, тамаҳаҳпысинун пӣңа: Сюмыҳтаӷа̄ткыхпынаси лъпысиның пиниӷатаӷаӷнилюси аюқылъыҳпысиның. Йыӷлыги ипапиҳқылъюси сюмыҳтаӷа̄ткақитык ухпықилъыҳтулыхпысигун Кияӷныӷым тӯныхка̄кун лъпысинун.

К Римлянам 15:16

қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

К Галатам 2:8

Катам Кияӷнық қыпҳақа̄гуқ Петыркун апостолыкынъалюку Иудеянун, хўаңамкунлъю қыпҳақа̄гуқ апостолыкынъалюңа язычнигнун.

К Ефесянам 1:19

Юӷаҳтуңалъю лӣгикысқылъюку сыӷлыҳлъягӯқ Кияӷныӷым аҳтуӷьяҳқа̄нӷилъыҳлъяга қыпҳалӷӣ хўаңкунъи ухпықилӷӣни. Та̄на аҳтуӷьяҳқа̄нӷитылъыҳлъяк ата̄сӣгуқ Кияӷныӷым уңуваҳтисиқыхка̄ Христосымун туқулъыӷмың. Та̄хкын қилягми Кияӷныӷым ақумысима̄ аӷынқигныӷмикун.

К Ефесянам 3:2

Ынтақун нагақӯма̄ҳси Кияӷныӷым наңлъыхталъыӷмикун қыпҳақалиткақа̄ңа лъпысинун.

К Ефесянам 3:20

Кияӷныӷым аҳтуӷьяҳқа̄нӷилъҳакун қыпҳалӷӣкут илюмнъи, лъңан пияқлъыгўа̄ қа̄йӷулъюку сяңўа̄ алңунак а̄птыкаҳпут налиӷмың сюмыҳтаӷа̄ткыхкаҳпут.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Ефесянам 4:16

Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.

К Колоссянам 1:29

Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.

1е Фессалоникийцам 2:13

Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.