К Ефесянам 3:3 - Новый Завет на эскимосском языке

³ Кияӷныӷым лӣтыста̄ хўаңамнун қайвиҳтылъҳилңуқ успықылъыни. Қавңанҳақ письмоткаҳтыкақақа та̄на.

К Ефесянам 3:3 Iomraidhean Croise

Деяния 22:17

«Та̄хкын Иерусалимымун тагинқихлъюңа, Храмыми юӷа̄малюңа ысҳаӷўа̄лъыҳқун

Деяния 22:21

Атанӷым пӣңа: “Аӷуляқи, каяхнақңўа̄мкын агавык уяванун язычнигнун”».

Деяния 23:9

Қынўат а̄ҳтӣра̄ӷулъҳӣт игляхтуҳтыкат. Иляңита Фарисеит апыҳтуӷикаюгыт Лӣлиҳтӯсяның мысӣӷа̄тка̄т Павел хўатын: «Сямың сыӷлыӷмың на̄лъкыфикныӷмың аҳтуӷаҳпут, ипа ынтақун таӷныӷам налиӷмың яқулгым алыҳқӯма̄».

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

2е Коринфянам 12:1

Қука̄юхсяҳқа̄гуңа, аныӷныҳқусӣнӷитыӷңа̄н. Паниның уңипа̄нъақамси ысҳаӷўа̄лъымның, Атанӷымлъю алӣҳқуқа̄ның хўаңамнун.

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 3:4

Атиҳтуқуфсигу письмоткыхкақа лӣлъықаҳси лӣгикылъқа қайвиҳтылъҳилңуқ успықылъық Христосымың аюқылӷӣ.

К Ефесянам 3:6

Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.

К Ефесянам 3:9

Кияӷныӷым накмикыхкақа̄ңалъю лӣгикыстысқылъюки қамахлъюки югыт қайвиҳсимаңилңуӷмың успықылъыӷминың. Кияӷныӷым, улимаӷикам сямың тамаҳа̄ның, қайвиҳтылъҳита̄ успықылъыни пӣнлиӷьюха̄лъыӷмың ма̄тымун.

К Ефесянам 6:19

Хўаңалъю юӷа̄ткитыңъа Кияӷныӷмун акузитылитысқылъюңа. Та̄хкын тытухпынаңа апыҳлъықақа сяңўа̄ Кияӷныӷым сялин лӣгикыстылъҳилъкаңа Пинилӷӣның Уңипаның аюқылӷӣ.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

К Евреям 13:22

Ухпықа̄лгутымни, нагатңўа̄қаҳтыки посланиянка қаюҳлъяк кайымьюгақамси. Тама̄кын апалъюқлъюку такыста̄ҳа̄люку письмоӷамси.

1е Петра 5:12

Сила ата̄сӣӷмылңӯгуқ ухпықа̄лгута; ига̄тақа̄ңа такыста̄ҳаҳтыхун посланиямкун лъпысинун. Посланиянка Кияӷныӷым пиниқылъыпӣганың аюқут. Уңипа̄тамсилъю, кайымамсилъю кияҳтыкыстӣсқылъюси пиниқылъҳани.

2е Петра 3:15

Сюмыӷмикитыху Атанымта нуқытутилъҳа лъпысиның югулилъыңысқылъюси. Пиниқыхкамта ухпықа̄лгутымта Павелым а̄пқақӣ та̄кут ата̄сит письмоӷақңами пыҳқинылъылиӷлюни Кияӷныҳтамың.