К Ефесянам 3:2 - Новый Завет на эскимосском языке

² Ынтақун нагақӯма̄ҳси Кияӷныӷым наңлъыхталъыӷмикун қыпҳақалиткақа̄ңа лъпысинун.

К Ефесянам 3:2 Iomraidhean Croise

Деяния 13:2

Манигӯсималюки Атаныӷмун, постамалюкилъю, Аглыӷналӷӣм Таӷныӷам пикӣ: «А̄фтыкык Варнавалъю, Савлалъю қаюҳлъяк накмикахка алъяның қыпҳақамың қыпҳӣсқылъюкык хўаңамнун».

Деяния 13:46

Иўырңа Павелылъю, Варнавалъю тытухпынаки Иудеит пикӣк: «Кияӷныӷым уңипа̄ лъпысинун сивуклъюни апыӷьяҳқа̄яҳтуқ иўырңа нагасюгумаңитуси. Кияӷныӷым уңипа̄ иҳсякыхкақутыхпысиның, паляқыхка̄тыхпысиныңлъю кынлыңилңуӷмың уңувалъыңылъыҳқаҳпысиның, хўа̄ язычнигнун уңипақинақукут Кияӷныӷым уңипа̄мың.

Деяния 22:21

Атанӷым пӣңа: “Аӷуляқи, каяхнақңўа̄мкын агавык уяванун язычнигнун”».

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 11:13

Ма̄тын алыҳқуӷьюгамси лъпыси язычнигни. Кияӷныӷым накмикыхкақа̄ңа апостолыңулюңа язычнигның. Ынка̄м пира̄мсипихлъюңа пӣқақа уна мыгнуналӷӣ қыпҳақақ Кияӷныӷым қылӷутка̄ хўаңамнун.

К Римлянам 12:3

Кияӷныӷым тӯныхкақутаңаның тунусямың апостолыңулюңа, тамаҳаҳпысинун пӣңа: Сюмыҳтаӷа̄ткыхпынаси лъпысиның пиниӷатаӷаӷнилюси аюқылъыҳпысиның. Йыӷлыги ипапиҳқылъюси сюмыҳтаӷа̄ткақитык ухпықилъыҳтулыхпысигун Кияӷныӷым тӯныхка̄кун лъпысинун.

1е Коринфянам 4:1

Сюмыҳтаӷа̄ткитыкут қыпҳаҳтыкнилюта Христосымун. Қыпҳаҳтыңӯкут апыҳтуӷилӷӣт ипапиҳқылъыӷмың Кияӷныӷым апыҳтӯтка̄ның хўаңкунъун.

К Галатам 1:13

Нагақуқақаҳси натыся̄тка малихтыңъулюки Иудеит кияҳта̄лъҳит. Ынңа̄талъ наңлъыгьюлъңунаңа амью̄ткыхкақанка ухпықат, та̄куңинаҳа̄гның авӣӷутыснақуткыхкақанка.

К Ефесянам 1:10

Кияӷныӷым успықылъыни апыӷӣҳлъықа̄ пилъыҳқаҳлъюгўа̄ӷми. Қамахтыңъўа̄ӷлюки улима̄ни қилягмылңӯтлъю, нунамылңӯтлъю қырңуҳлъықӣ, Христосымун иглыӷутысқылъюки.

К Ефесянам 3:7

Кияӷныӷым наңлъыхталъыӷмикун, аҳтуӷьяҳқа̄нӷилъыӷмикунлъю тунусялита̄ңа қыпҳаҳтыңулюңа уңипақысқылъюки Пинилӷӣт Уңипат.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Ефесянам 3:9

Кияӷныӷым накмикыхкақа̄ңалъю лӣгикыстысқылъюки қамахлъюки югыт қайвиҳсимаңилңуӷмың успықылъыӷминың. Кияӷныӷым, улимаӷикам сямың тамаҳа̄ның, қайвиҳтылъҳита̄ успықылъыни пӣнлиӷьюха̄лъыӷмың ма̄тымун.

К Ефесянам 4:21

Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым.

К Ефесянам 4:7

Христосым тамаҳа̄мта тӯныхкақӣлъю тунусямың қыпҳақани писқылъюку. Тӯныхкақӣ та̄кут тунусят тӯньюкылъыӷмитун.

К Колоссянам 1:4

Таўатын пӣқукут қаюҳлъяк нагақӯма̄ҳпут ухпықилъыҳси Христос Иисусымың, пиниқилъыҳсилъю тамаҳӣтнун Кияӷныӷым югитнун.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

1е Тимофею 1:4

сяңилъҳа̄ткыхпынакиңуқ акузимҳуткылъюки уңипаӷа̄тыңлъяқат, сивунылӷутыҳлъягытлъю а̄тҳит. Тама̄кут а̄ҳтӣра̄ӷусиҳӣна̄гут, каютңунӷитут қыпҳақа̄нун Кияӷныӷым. Лъңан қыпҳақа̄ апыӷӣӷақуқ ухпықилъҳӣнаҳаҳқун.

1е Тимофею 2:7

Тама̄кын апалъюқлъюку Кияӷныӷым накмикыхкақа̄ңа уңипақистыңулюңа, апостолыңулюңа. Каяхта̄ңа апыҳтӣсқылъюки язычнигыт ухпықилъыӷмыңлъю, ипапилъыӷмыңлъю. Ипа уңипа̄тамкын, иқлъыңиқңунӷитуңа!

2е Тимофею 1:11

Пинилӷӣт Уңипат апалъюқлъюки Кияӷныӷым накмикыхкақа̄ңа уңипақистыңулюңа, апостолыңулюңа, апыҳтуӷистыңулюңалъю.