К Ефесянам 3:19 - Новый Завет на эскимосском языке

¹⁹ Лъпысинун лӣсимакысқысюгақа Христосым пиниқылъҳа, қайўа пияқнаӷңа̄н лӣгикңўа̄лъыҳқа̄. Та̄хкын пиниқылъҳакун, Кияӷныӷым наңаӷныӷатун ўата лъӣҳлъықуси.

К Ефесянам 3:19 Iomraidhean Croise

От Матфея 5:6

Тама̄кут атуқиюпихлъыҳӣт Кияӷныӷым пиюкылъҳаның қуястылъылгӯт, қаюҳлъяк Кияӷныӷым тӯньяҳқақӣ пиюкылъҳитның.

От Иоанна 1:16

Пиниқиңаҳлъягутминың қуястақӣлъю утыҳпахтӣнақ.

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

К Римлянам 8:35

Ся̄мңам иқитыслъықинкут пиниқылъҳаның Христосым? Сыӷлылӣлъҳым, пияқлъӣлъҳым, амьюқыта̄ткылъҳым, паныӷниқылъҳым, аклъюмалъҳым, якуӷна̄м, налиӷмың туқутылъҳым?

К Римлянам 8:39

Талўа сяңўа̄т қулымнъи налиӷмың асимнъи. Улима̄ӷми иқитыстияҳқақшахӣтуқ хўаңкунъың Кияӷныӷым пиниқылъҳаның Христос Иисусыкун Атанымтыхун.

2е Коринфянам 5:14

Христосым иглыӷутңўӣлъю пиниқылъыӷмикун. Лӣсимакңўа̄ӷаҳпут югым ата̄сим туқуматкыхкақа̄ қамахтыңъўа̄ӷлюку ю̄к. Тама̄кын апалъюқлъюку қамахтыңъўа̄ӷлютың югыт туқука̄гут.

К Галатам 2:20

Қақӯра̄тка̄гуңа Христосымун малигулъюңа, ынка̄м хўаңаңунанӣма̄қ кияҳлъыҳӣ; Христосыңуҳсима̄қ кияҳлъыҳӣ илюмни. Кияҳтыңуӷңа̄ӷма югусимни, Кияҳтыңӯт ухпықилъымкун Иӷныӷаның Кияӷныӷым. Пиниқыхкаңаңа, тӯныхка̄лӷӣлъю хўаңамнун.

К Ефесянам 1:23

Қамахлъютың ухпықат югусиқӣ Христосым, ынка̄м лъңа ӣӷўиҳтуқ. Христосым ӣӷўиҳта̄ сяңўа̄ қамахлъюку нани алңунак.

К Ефесянам 3:18

Юӷа̄ткамси, қамахлъюкилъю Кияӷныӷым юги, лӣгиксяқлъыгусқылъюку Христосым пиниқылъҳан, иқытуляңа, тахталяңа, ӯсқаҳтуляңа, сямавныҳтуляңалъю.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Ефесянам 5:25

Угини, пиниқлъюки нулӣси катам Христосым пиниқылъҳатун ухпықат. Пиниқыпихтыкақӣ рыпалъ туқуматкыхкақӣ.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 4:7

Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

К Колоссянам 1:10

Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық.

1е Петра 1:8

Ысҳӣгатыӷңа̄ҳпысигу пиниқаҳси, ысҳанӷитыӷңа̄ҳпысигу ма̄тын ухпықаҳси. Ынка̄м қуяҳлъягӯси рыпалъ а̄пҳўа̄ҳпагниңитаҳси аңталяңа қуялъыҳпыси,

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.