К Ефесянам 3:16 - Новый Завет на эскимосском языке

¹⁶ Юӷаҳтуңа Кияӷныӷмун аклъюңиҳлъяганың аҳтуӷьяҳқа̄нӷилъылитысқылъюси икнақуҳсӣсқылюки илюси қа̄мкут Таӷныӷахкынкун.

К Ефесянам 3:16 Iomraidhean Croise

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

К Римлянам 2:29

Итупилъ, ю̄к Иудеяпӣгӯқ Иудейяңукуми илюмикун. Иҳсяқҳўа обрезанияка̄гуқ Аглыӷналӷӣгныкун Таӷныӷагныкун, нака̄н игақыхкатхун Лӣлиҳтӯсятхун. Ынка̄м Кияӷныӷмың усюқылъыңылъықуқ, нака̄н югның.

К Римлянам 7:22

Қа̄мкырухлъяк пиниӷью̄гусиқанка Кияӷныӷым Лӣлиҳтӯсӣ.

К Римлянам 9:23

Таўатын пика̄гуқ лӣсимакысқылъюку ниӷуҳқылъыҳлъяни наңлъыкыхкаминун. Ята̄ҳқыкыстақақӣ лъңитнун алъхыҳтысқылъюку ниӷуҳқылъыни.

1е Коринфянам 16:13

Кылыңатык, ухпықилъыҳпысини аӷулӣтык, илютутык, икнақитык.

2е Коринфянам 12:9

Иўырңа пӣңа: «Каюсилъқа на̄ма̄қ лъпынун сюфлъюҳтысқылъюку та̄на икфиқылъық қаюҳлъяк аҳтуӷьяҳқа̄нӷилъқа икнақылъыҳпига̄гўақуқ кая̄лъиқныҳпыни». Ынка̄м қуякусиқлъюку қука̄юхтақуңа кая̄лъиқусимның хўаңамнитысқылъюку Христосым аҳтуӷьяҳқа̄нӷилъҳа.

2е Коринфянам 4:16

Ынка̄м ӣлъқаюгигатукут. Қайўа югусипут кая̄ликыстаӷьяӷңа̄та, таӷныӷапут нутаҳтыңъӯт аҳутаңа тамаҳа̄н.

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 2:7

Кияӷнық таўатын пика̄гуқ киңулӣӷаӷнун лӣтысқылъюку пиниқылъыӷрукута̄ҳлъяни хўаңкунъун Христос Иисусыкун.

К Ефесянам 3:15

Лъңаңӯқ атиӷилӷӣ тамаҳӣтның ныңлъюгутның қилягмылңуӷныңлъю, нунамылңуӷныңлъю.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Ефесянам 6:10

Киңулиқ апыӷьяҳқақа унаңӯқ, икнақылъыңитык Атаныӷмың, аҳтуӷьяҳқа̄нӷилъыҳлъяганыңлъю.

К Филиппийцам 4:13

Сяңўа̄ алңунак пияҳқақақа Христосыкун икнақуҳсяҳтымкун.

К Филиппийцам 4:19

Ынка̄ңам Кияӷныӷма ята̄ҳқунъа̄ӷӣси сямың тамаҳа̄ның аклъюкыхкаҳпысиның аклъюңитылъыҳлъягмикун Христос Иисусыкун.

К Колоссянам 1:11

Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

2е Тимофею 4:17

Иўырңа Атанық хўаңамнитка̄гуқ. Икнақусиқақа̄ңалъю уңипақысқылъюки ӣңунӣта Пинилӷӣт Уңипат қамахлъюки язычнигыт нагақӣсқылъюки. Ынка̄м Кияӷныӷым югуликақа̄ңа туқутылъыҳқамың.

К Евреям 11:34

Кумаӷуҳлъягыт кынӷыт қа̄мтақӣт, анагақлъюкилъю туқутистыкаҳқатың сявихпахкун. Кая̄тақут иўырңа ухпықилъҳита икнақуҳтақӣт. Ухпықилъыҳқун пилъюўаҳтыңит икнақуҳтыҳлъягақут ынка̄м кая̄лъқақӣт иляңита нунат пилъюўаҳтыңит.

1е Петра 3:4

Итупилъ пиниӷнаҳтык илюхпысигун қусывыхлъылиӷлюси, ныкыхмылъылиӷлюсилъю. Таўатылңуқ пиниӷналъық қӯнпыкаҳқа̄гуқ, мыгнунаҳлъяхтуқ Кияӷныӷмун.