К Ефесянам 3:1 - Новый Завет на эскимосском языке

¹ Тама̄кын апалъюқлъюку, хўаңа, Павел, анусимиңлъяӷвигмытуңа қаюҳлъяк қыпҳа̄скыхка Христос Иисус лъпыси апалъюқлъюси язычнигни.

К Ефесянам 3:1 Iomraidhean Croise

От Луки 21:12

Иўырңа қамахлъюки тама̄кут пистыхпынаки, тугулюси амьюқыта̄ткылъықӣси. Синагоганун агля̄лъюси нанқихлъықӣси ынка̄м анусимиңлъяҳлъықӣси. Агля̄лъықӣси умӣлыгнунлъю правителынунлъю нанқихтысқылъюси хўаңа апалъюқлъюңа.

Деяния 21:33

Та̄хкын пилъюўаҳтыт умӣлгита тугулюку Павел асиҳқыстыка̄ малӷугныӷның қӣпшаӷутның. Пилъюўаҳтыт умӣлгита а̄птыкӣ: «Кинаңа̄ўа уна ю̄к? Сяма̄?»

Деяния 23:18

Умӣлўа̄ӷым тугулюку, агля̄лъюку пилъюўаҳтыт умӣлгат пика̄: «Анусимиңлъяӷам Павелым тагитысқа̄ лъпынун уна нукалъпигақ, сямыңуқ уңипа̄сюўа̄тын».

Деяния 26:29

Павелым кӣмсиқа̄: «Такысқуҳа̄ӷңа̄н, налиӷмың та̄клъюку алыҳқуӷьяӷңа̄мкын юӷа̄ткыңъўа̄мкын Кияӷныӷмун ухпыӷысқылъютын. Лъңинаҳпык юӷа̄ткыңъунӷитамкын, юӷа̄ткыңъўа̄мси қамахлъюси нагалъҳӣни хўаңамның аӷныӷми хўани, хўаңамтун лъӣӷысқылъюси иўырңақун қӣпшаӷутңунаси!»

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

2е Коринфянам 1:6

Икфиқыхкумта каюсилъыҳпысинунлъю, югулилъыҳпысинунлъю пилъҳӯқ; каюсилъыңыхкумта та̄ўа лъпысилъю каюсилъыңылъықуси ынка̄м тӯнылъыңылъықуси ныкыхмылъылиӷлюси сюфлъюҳсяҳқа̄люки тама̄кут ата̄сит икфиқылъҳыт сюфлъюҳтыкапут.

2е Коринфянам 10:1

Иляңита юхпыси пӣқа̄тңа тытухтаӷнилюңа лъпысининъымни, иўырңа тытугиганъӣқа̄тңа лъпысининъыӷинъымни. Хўаңа Павел, хўаңамның катам, Христосым қусывыгңалъҳакунлъю, пиниқылъҳакунлъю,

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

К Галатам 5:11

Ухпықа̄лгутымни, уңипақиңигатуңа югыт обрезаниясқылъюки. Таўатын уңипақиңуяқума Иудеит амьюқыта̄ткынъаниӷнаяӷа̄тңа ынка̄м қақӯра̄ Христосым сюгагнӣӷуткынъаянӷита̄т.

К Галатам 5:2

Нагатык! Хўаңа, Павел, уңипа̄тамси: обрезаниястыкуфси Лӣлиҳтӯсям писқылъҳатун, та̄ўа Христосым апыӷӣқа̄ каюткынъа̄нӷитаҳси.

К Галатам 5:24

Христос Иисусым пиңита қақӯра̄ткақӣт сыӷлыҳқыңъалӷӣт пиюкылъҳит югусимың.

К Ефесянам 3:11

Тама̄куңӯт Кияӷныӷым успықыхкӣ сялин нунаңлъялӷилъюни. Апыӷӣӷумӣ Христос Иисусыкун Атанымтыхун.

К Ефесянам 3:13

Ынка̄ңам ӣлъқаягутыхпына̄н ухпықилъыҳси апалъюқлъюку икфиқуткыңъукымси. Икфиқылъыӷма қӯлваҳтыслъықӣси.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 6:20

Кияӷныӷым накмикыхкақа̄ңа акузистыңулюңа лъңанун. Ынка̄м тама̄кын апалъюқлъюку анусимиңлъяӷа̄гуңа қӣпшаӷусиӷлюңа. Юӷаҳтык уңипақиналюңа тытухпынаңа катам Кияӷныӷым пиюкылъҳатун.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

К Колоссянам 4:18

Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси. Кияӷнық наңлъыхтаӷли лъпысини.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

2е Тимофею 1:16

Юӷа̄ткыңъўа̄нка Атаныӷмун наңлъыгьягутысқылъюки Онисифорым ныңлъюгутаңи, қаюҳлъяк угляӷңа̄н илютуҳсяӷақа̄ңа. Кайңуягусимаңита̄лъю анусимиңлъяӷа̄малъқа.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

К Филимону 1:1

Укут посланият Павелымың пиңӯт, анусимиңлъяӷақ Христос Иисус апалъюқлъюку, ухпықа̄лгутымнъыңлъю Тимофейемың. Пиниқыхкамтыгнун қыпҳалгутымтыгнун Филимонымун,

К Филимону 1:23

Епафрасымңуқ пиниқӣси; анусимиңлъяӷалгуткақа апалъюқлъюку Христос Иисус.

К Филимону 1:9

Пиниқутылъыҳпуң апалъюқлъюку а̄пфикамкын атуқысқылъюку ылъқуӷутңалӷӣ. Хўаңа, Павел, нанывга̄гуңа, анусимиңлъяӷа̄гуңалъю апалъюқлъюку Христос Иисус.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.