К Ефесянам 2:8 - Новый Завет на эскимосском языке

⁸ Кияӷныӷым наңлъыхталъҳакун югулика̄гуси ухпықилъыҳпысигун. Югулилъыҳси лъпысиның пилъқынӷитаҳси, Кияӷныӷым тунусяқа̄ лъпысинун.

К Ефесянам 2:8 Iomraidhean Croise

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Матфея 20:9

Талъимами кылъя̄гми қыпҳаӷья̄ткат тагиляӷа̄сямың акилыҳтӯсяңыхкат динарийякаҳта̄н.

От Марка 16:16

Кина алңунак ухпықилӷӣлъю, крестилӷӣлъю югулилъыңьяҳқа̄гуқ. Иўырңа кина алңунак ухпықинӷилңуқ аӷью̄лъыңьяҳқа̄гуқ сыӷлыҳқылъыӷминун.

От Луки 7:50

Иисусым аӷнақ пика̄: «Ухпықилъыҳпык югулилъыңыста̄тын, агля̄ ныкыхмылъылиӷлютын».

От Иоанна 3:36

Кина алңунак ухпылӷӣ Иӷныӷакун, кынлыңилңуӷмың уңувалъылгӯқ. Китум алңунак қа̄ткынӷилъкумигу Иӷныӷа уңувалъыңықыҳна̄нӷитуқ, та̄ўаңинақ Кияӷныӷым аӷью̄лъҳанисяҳқа̄гуқ қӯнпың.

От Иоанна 4:10

Иисусым кӣмсиқа̄: «Гӯк, лӣсимаксяқувгу Кияӷныӷым тӯньяҳқа̄, лӣсимаксяқувгулъю кинаңутаңа мыҳсиңлъялӷӣ лъпынун, мыҳсиңлъяӷвикнаяӷан уңувалъыңыстикаюгмың мыӷмың».

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

От Иоанна 6:35

Иисусым пикӣ: «Хўаңаңӯқ нықыкшаңлъяқ уңувалъылитикаюк. Кина та̄на тагилӷӣ хўаңамнун алъямыңлъю игатаӷна̄нӷитуқ. Китум та̄м ухпықыхкумиңа алъямыңлъю мықсюгна̄нӷитуқ.

От Иоанна 6:37

Кина алңунак Атам тагивақа̄ тагияҳқа̄гуқ хўаңамнун. Иҳсяксяҳқақынӷитақа кина алңунак тагилӷӣ хўаңамнун,

От Иоанна 6:40

Уна Атама Пиюкылъқақа: китум алңунак ысҳаӷлюку Иӷнықа ухпықыхкумигу кынлыңилңуӷмың уңувалъыңылъықуқ. Ынка̄м уңуваҳлъықақа киңулиӷми аӷныӷми».

От Иоанна 6:44

Атаңӯқ каяхтикақ хўаңамның. Кина алңунак тагина̄нӷитуқ хўаңамнун ўыткуқун Атам тагистыкумигу хўаңамнун. Ынка̄м уңуваҳлъықақа киңулиӷми аӷныӷми.

От Иоанна 6:65

Иисусым пикӣ: «Иляхпыси ухпықинӷитылъҳа апалъюқлъюку хўатын пика̄гуңа: “Атам тагисныӷилъкумигу ю̄к хўаңамнун, тагина̄нӷитңўа̄ҳтуқ”».

Деяния 13:39

Қа̄ткутылъҳым Моисейем Лӣлиҳтӯсӣтхун кина алңунак итымунъа̄нӷита̄ сыӷлыҳқылъҳаның, иўырңа китум алңунак ухпықыхкумигу Иисус, итымусяҳқа̄гуқ тамаҳа̄ның сыӷлыҳқылъыӷминың.

Деяния 14:27

Ка̄сямык Антиохиямун ухпықат қырңуҳтыкӣк. Уңипа̄ткӣт Кияӷныӷым апыӷӣлъҳаның лъмытыгныгун, а̄пқӣтлъю Кияӷныӷмун ухпықилъыҳқалитылъҳи язычнигыт.

Деяния 15:11

Иўырңа ухпықаҳпут Кияӷныӷым югуликақӣлъю каюсилъҳакун Атанӷым Иисусым таўатыҳпигақ язычнигнун пилъыӷмитун».

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

Деяния 16:31

Пика̄к: «Ухпықигу Атанық Иисус ынка̄м югулилъыңылъықутын, ныңлъюгутытынлъю югулилъыңылъықут».

К Римлянам 10:14

Иўырңа натын югыт туқлъюҳлъықатху ухпынӷилъкумың? Натын ухпыҳлъықат, нагақӯнъыӷилъкумың? Натынлъю нагақуҳлъықа̄т уңипақистыңунатың?

К Римлянам 10:17

Кина алңунак ухпықилъылгуна̄нӷитуқ нагатыхпынани уңипа̄мың Христосымың аюқылӷӣмың.

К Римлянам 4:16

Тама̄кын апалъюқлъюку ухпықилъыӷмыхтыхун югыт алъхыҳта̄т Кияӷныӷым акықуся̄ акиңилңӯлюку тунусяқ. Ынка̄м қамахлъютың Авраамым киңунӷита алъхыҳтыпыста̄ҳлъықа̄т Кияӷныӷым акықуся̄. Та̄на акықусяқ Иудеяңинаҳаӷнун аюқынӷитуқ Лӣлиҳтӯсялыгнун. Иўырңа ухпықилӷӣнунлъю аюқуқ Авраамым ухпықилъҳатун. Ынка̄м Авраам қамахлъюта атакаҳпут ухпықилӷӣни.

К Римлянам 4:5

Кияӷныӷым налъҳусяӷна̄нӷита̄ ю̄к ылъқуӷутңалъыӷминун қыпҳа̄тилъҳакун лъңанун. Итупилъ югым ныӷьюксяҳқақа̄ Кияӷнық налъҳусяӷикаюк сыӷлыҳқыстының ылъқуӷутңалъыӷминун ухпықилъҳитхун.

К Римлянам 9:16

Ынка̄ңам югыт алъхыҳтыпагниңита̄т Кияӷныӷым наңлъыхталъҳа пиюклъюку налиӷмың сялъыӷмыхтыхун. Кияӷныҳӣна̄гуқ накмӣӷьяҳқақ наңлъыксяҳқаминун.

К Галатам 3:14

Христос Иисусым навыҳқылъикақӣлъю ынка̄м лъңакун Кияӷныӷым қуястыкақӣ язычнигыт та̄хкын ата̄симың қуястылъыӷмың акықусяқыхкаминун Авраамымун. Ынка̄м ухпылъыҳқун алъхыҳтахпут Таӷныӷак Кияӷныӷым акықусяқыхкакык.

К Галатам 3:22

Иўырңа Акузитыт Игақыхкат пика̄гут қамахлъюки нунам юги сыӷлыҳқылъҳым анусимиңлъяӷақӣ. Ынка̄ңам Кияӷныӷым акықусяқыхкани тӯнылъықа̄ ухпықикаҳӣнаӷнун Иисус Христосымың.

К Ефесянам 1:19

Юӷаҳтуңалъю лӣгикысқылъюку сыӷлыҳлъягӯқ Кияӷныӷым аҳтуӷьяҳқа̄нӷилъыҳлъяга қыпҳалӷӣ хўаңкунъи ухпықилӷӣни. Та̄на аҳтуӷьяҳқа̄нӷитылъыҳлъяк ата̄сӣгуқ Кияӷныӷым уңуваҳтисиқыхка̄ Христосымун туқулъыӷмың. Та̄хкын қилягми Кияӷныӷым ақумысима̄ аӷынқигныӷмикун.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 2:5

Қайўа таӷныӷапут туқуңаяӷңӣта апалъюқлъюки сыӷлыҳқылъыпут, Кияӷныӷым уңуваҳтӣлъю малигулъюта Христосымун. (Югулика̄гуси Кияӷныӷым наңлъыкылъҳакун.)

К Филиппийцам 1:29

Лъпысинун қыпҳа̄сяқлъыгуҳтыстыкақа̄ Христос, ухпықңинаҳпына̄н, икфиқылгусиқысилъю.

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

2е Фессалоникийцам 1:9

Аӷью̄ӷнақңўӣлъю кынлыңилңуӷмың на̄фқылъыӷмың, иқитыснақңӯтлъю Атаныӷмың, ниӷуганыңлъю аҳтуӷьяҳқа̄нӷилъҳан.

К Евреям 6:4

Тама̄ иляңаның юлгӯқ алъхыӷутка̄ялӷӣның Кияӷныӷым ниӷуганың, на̄сӣқақа̄тлъю қилягым тунуся̄. Алъхыӷутка̄гутлъю Аглыӷналӷӣгның Таӷныӷагның. Нанӷӣқақӣт пиниҳтуляңи Кияӷныӷым акузитаңи, нанӷӣқақа̄тлъю Кияӷныӷым аҳтуӷьяҳқа̄нӷилъҳа нунакаҳқамылңуқ. Та̄хкын ухпықнаниқумыхтыху Христос, авутыҳқынқихтыпагниңӣлъықут қаюҳлъяк қақӯранқихтыкаңат Кияӷныӷым Иӷныӷа, кайңуся̄кыхкаңатлъю юхтуқами.

1е Петра 1:5

Кияӷныӷым аҳтуӷьяҳқа̄нӷилъыӷмикун пақнӣҳсяҳлъықӣси ухпықилъыҳпысигун. Ынка̄м кынлытҳӯтылъыӷми алӣҳлъықа̄ югулилъық ята̄ҳқыхка̄қ лъпысинун.