22 Илятңалъыҳпысигун Христосымун, малигулъюси иляңитнун ухпықанун ныкыфтыңъӯси мыңтыӷамун Кияӷныӷым кияҳфиганун Таӷныӷагмикун.
Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!
Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.
Кияӷныңлъяқат манигуӷьяҳқа̄нӷитут Кияӷныӷым Храмыңани. Қаюҳлъяк хўаңкута Храмыкӣлъю уңувалӷӣм Кияӷныӷым, Кияӷнық пика̄лӷӣ: «Лъңитнилъықуңалъю, акулңитнилъықуңалъю; Кияӷнықылъықа̄тңа, лъңитлъю юкылъықанка».
Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.
Китум алңунак қа̄ткыхкумики Кияӷныӷым қылӷӯсӣ кияҳтыңъӯқ Кияӷныӷми, Кияӷнық лъңани. Хўатын ысҳа лӣсимакыхкыфут Кияӷныӷым хўаңкунъитылъҳа: Таӷныӷагныкун тӯныхкамикун хўаңкунъун.
Кияӷныӷым тӯныхкақӣлъю лъми катам Таӷныӷагминың ынка̄м лӣсимакаҳпут кияҳтыңъӯқ хўанкунъи, хўаңкута лъңани.
Ынка̄м хўаңкута лӣсимакаҳпутлъю, ухпықаҳпутлъю Кияӷныӷым пиниқылъҳа хўаңкунъун. Кияӷнық пиниқылъҳӯқ, ынка̄м кина алңунак кияҳлъыҳӣ пиниқылъыӷми кияҳтыңъӯқ Кияӷныӷми, Кияӷнық лъңани.