К Ефесянам 2:20 - Новый Завет на эскимосском языке

²⁰ Мыңтыӷа̄тун аюқуси ныкыфтыкат тумыңлъяқӣтхун апостолынилъю, ӯкналиқистытлъю. Христос Иисус лъңа катам каңиӷам уйӷака̄.

К Ефесянам 2:20 Iomraidhean Croise

От Матфея 16:18

Ынка̄м пӣмкын, Петырыңӯтын, Уйӷак. Хўагун уйӷахкун ныкыфлъықақа юӷаӷвика, туқулъҳым аҳтуӷьяҳқа̄нӷилъҳан кая̄лъқысяҳқақынӷитңхўа̄ӷа̄.

От Матфея 21:42

Иисусым пикӣ: «Атиҳтӣгастыкӣ Акузитыт Игақыхкат хўатын пилъҳит? “Уйӷак та̄на мыңтыӷаңлъяҳтыт иҳсякыхка̄т мыгнуналъыҳпига̄ҳтыка̄гуқ уйӷак. Та̄на Атанӷым пилъқа̄, ураң пинилъыҳпига̄гуқ хўаңкунъун!”

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

К Галатам 2:9

Ынка̄м та̄кут иглыӷутистыт Иаковым, Петырым, Иоанным ныкывӷатилӷӣт ухпықанун, лӣгика̄т Кияӷныӷмун тунусялисиманилюңа таўатын қыпҳӣсқылъюңа язычнигнун. Тама̄кын апалъюқлъюку Варнавалъю ӣхыпут аӷулятӣт тугуклъиӷнилюку қыпҳа̄ңулъыҳпут язычнигнун, лъңит Иудеянун.

К Ефесянам 3:5

Сивунӷани Кияӷныӷым уңипа̄тылъҳитӣ югыт қайвиҳтылъҳилңуӷмың успықылъыӷминың. Иўырңа укуни аӷныӷни Аглыӷналӷӣгныкун Таӷныӷагныкун қайвиҳта̄ успықылъыни аглыӷналӷӣнун апостолыминунлъю, ӯкналиқистыминунлъю.

К Колоссянам 2:7

Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

1е Петра 2:6

Игақыхка̄лӷӣ Акузитни Игақыхкани хўатын: «Сиоными ныкыхтақақа мыгнуналӷӣ уйӷак; каңиӷам уйӷака̄ накмикыхкақа̄. Кина алңунак ухпықилӷӣ лъңаның кайңумиқна̄нӷитуқ».

Откровение 21:14

Ныҳлъягым миңлъютаңа тунымиқа̄фтуқ қуля ма̄лӷук сӣпнықлъюку уйӷагның. Ата̄сикаҳтаӷмың уйӷагыт игақфикңафтут атыӷмың қуля ма̄лӷук сӣпнықлъюку апостолаңаның Пынъӣӷаҳа̄м.