К Ефесянам 2:2 - Новый Завет на эскимосском языке

² Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Ефесянам 2:2 Iomraidhean Croise

От Матфея 11:19

Иӷныӷа Югым тагӣқңами, ныӷылгусиӷақӣ, мыӷылгусиӷақӣлъю югыт, ынка̄м югыт хўатын пика̄гут: “Ю̄кқун та̄на ысҳақаҳтыху! Ныӷытупихтуқ, мыӷытупихтуқ, илякумта̄қа̄тлъю налогмың қырңуҳтистыңита, сыӷлыҳқыстытлъю!” Нақамлъю Кияӷныӷым пыҳқинылъҳа ипапиҳқыңъа̄қ сялъҳакун».

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 13:38

пӣтысиӷаӷвик нунаңӯқ; пинилӷӣт пӣтутыт югӯт Атаныҳпагулъҳым пикӣ; плевелыт югӯт Туӷныӷа̄м пикӣ.

От Марка 4:19

қаюҳлъяк уна уңувалъық нулъқа̄вӣӷуткақа̄т, тыҳўа̄ӷӣткақа̄тлъю аклъюңи, сямыңлъю ўата алъхыӷутаӷаӷьюгақут. Таўатыҳпигақ сикуҳлъюгыт пӣтфигилъҳистун пӣтутыт, тама̄кут югыт пиюкылъҳита пуйгустақӣт Кияӷныӷым акузитаңи.

От Луки 16:8

Умӣлган усюқыхка̄ ата̄сӣӷныӷилңуқ қыпҳаҳтыни пыҳқиниқылъҳаның. Ипаңӯқ ӯм нунам юги илямыхның акилъпыганыӷмыхни, тукфиҳтуныӷмыхни, пыҳқиниқатаӷаӷақут ниӷугмылңуӷның югның.

От Луки 22:31

Иисусым пика̄ Петр: «Симон, Симон! Нагатын! Туӷныӷақ пилъыҳқаңума̄қ Кияӷныӷмың нанӷӣқуналюки ухпықилъыси. А̄фтысюгӣси хўаңамның катам пӣтысиӷаҳтым авулъҳатун малъят пшеницаның.

От Иоанна 12:31

Хўа̄ ма̄тын Кияӷныӷым нанқихнақа̄ нунам юга, хўа̄ ма̄тын Кияӷныӷым ыхнақңўа̄ иглыӷутистыңа ӯм нунам.

От Иоанна 13:2

Таўани иӷивгаӷми Иисусылъю малихся̄ҳтыкулъҳӣт қырңуӷуткат ныӷналютың. Туӷныӷа̄м апыӷӣқа̄ сюмыҳтаӷа̄ткысқылъық Иуда Искариотымун увыҳпагутысқылъюку Иисус. (Иуда иӷнықыхкаңа Симоным.)

От Иоанна 13:27

Лыган Иудам туўа̄ нықыкшаңлъяқ, Туӷныӷа̄м ӣтқа̄ Иуда. Иисусым пика̄ Иуда: «Та̄на пияҳқан пӣӷаҳтигу».

От Иоанна 14:30

Алыҳқуӷнаниӷьяҳтуңыстаӷамси, қаюҳлъяк иглыӷутистыңа нунам ӯм тагиңӯқ. Аҳтуӷьяҳқа̄нӷилъҳитуқ хўаңамнун,

От Иоанна 15:19

Нунам пиксяқумиси, юган пиниқнаяӷӣси пиниқутутылъыӷмыгыстун. Иўырңа хўаңа накмикыхкақамси хўакын нунамың ынка̄м нунам пикынӷитӣси. Тама̄кын апалъюқлъюку нунам юган угумикӣси.

От Иоанна 16:11

Лӣгикыслъықа̄ нанқихтылъық, қаюҳлъяк иглыӷутистыңа нунам ӯм нанқихтылъыңўа̄ӷлюни аюқуқ аӷью̄ӷьяҳқа̄люни.

От Иоанна 7:7

Нунам юган угумикна̄нӷитӣси, хўаңа угумика̄тңа қаюҳлъяк а̄пҳақыхкыхка сыӷлық атуқақыхкаңат.

От Иоанна 8:23

Иўырңа Иисусым пикӣ: «Лъпыси ма̄кын нунамың пиңӯси, хўаңа памакын пиңӯңа. Лъпыси нунам пикӣси, хўаңа нунам пикынӷита̄ңа.

От Иоанна 8:44

Авақутақӣси атахпыси туӷныӷа̄м, ынка̄м атуқсюўақаҳси атахпыси пиюкылъҳа. Пӣнлиӷьюхўа̄лъыӷмың има юхтаҳтыңӯқ. Ипапиҳқылъық атуқаҳсигата̄ қаюҳлъяк ипапиҳқылъҳилңуқ. Иқлъыңиқныӷмини та̄ўаңинаҳақ айӷӣткани пӣқыхкаңа қаюҳлъяк иқлъыңиқыстыңулӷӣ, атакыхкаңа иқлъыңам.

Деяния 19:35

Ата̄сим Ефесым умӣлўа̄ӷан ныпӣҳтыстықаҳсямики юлӷутыт пикӣ: «Ефесыӷмӣни, тамаҳаҳлъягми лӣсимака̄ Ефес афлъыңакистыка̄ а̄ңылӷӣм Артемидам храмыңан, аглыӷналӷӣмлъю уйӷагым ифкақам қилягмың.

Деяния 5:3

Йыӷлыги Петырым а̄птыка̄: «Сяңан қа̄ткысигу Туӷныӷа̄м нанӷӣқулъҳа иқлъыңиқысқылъютын Аглыӷналӷӣгнун Таӷныӷагнун аксяқылъыҳпыгун иляңа маним?

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

1е Коринфянам 5:10

Акузиткыңъунӷитанка ӯм нунам юги анагңалӷӣкун атуқулъҳӣт, налиӷмың пакигныӷыт, ўаяӷнӣҳтыт, налиӷмың тама̄кут манигӯткаюгыт кияӷныңлъяқанун. Иқисюкуфси таўатылңуӷның югның нуна унисяҳқақаҳси.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Ефесянам 1:21

Кияӷныӷым қулиҳпига̄ҳтыстыкақа̄ Христос тамаҳӣтның иглыӷутистының, қылӷикаюгның, аҳтуӷьяҳқа̄нӷилъылыгның, умӣлыгныңлъю. А̄тҳа иңья̄тңаҳлъяхтуқ атыӷьяхаӷның нунами хўани, нунаӷраӷаҳқамилъю.

К Ефесянам 2:11

Нықамиклъюку язычнигыңулюси алъхықа̄гуси. Иудеит атиӷақӣси «обрезаниялъҳилңӯт», лъңит атиқаюгӯт «обрезаниякат». (Обрезаниялъҳат югусиҳӣнӣтнитуқ.)

К Ефесянам 2:13

Иўырңа ма̄тын пилъыӷми Христос Иисусымун илясима̄си. Сивунӷани аўавансяҳтуси Кияӷныӷмың, иўырңа ма̄тын пилъыӷми туӷа̄ӷусима̄си лъңанун Христосым а̄ўакун.

К Ефесянам 2:3

Қамахлъюта кияҳтыка̄гукут тама̄кустун югыстун. Атуқыхкақапут сыӷлыҳқыңъалӷӣт пиюкылъҳи югусимталъю, умьюгамталъю. Ынка̄м қамахлъюта алъхықа̄тымнъың сыӷлыҳқыстыңулюта, аӷью̄лъыңнақңуяҳтукут Кияӷныӷым сякша̄лъҳакун.

К Ефесянам 4:17

Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут,

К Ефесянам 4:22

Хўатын апыҳтуқақӣси: сыӷлыӷыт пиюкылъыҳпыси пӯҳлъықӣсилъю, на̄фқылъықӣсилъю. Тама̄кын апалъюқлъюку пыхтыки наңаӷнылюсилъю, кияҳта̄лъқысяқысилъю.

К Ефесянам 5:6

Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун.

К Ефесянам 5:8

Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун.

К Ефесянам 6:12

Нықамиклъюку, пилъюўа̄ңунӷитапут югыт. Итупилъ пилъюўа̄ңўа̄пут иглыӷутилӷӣт, аҳтуӷьяҳқа̄нӷилъылгыт, иглыӷутилӷӣт нунам мамлыганың, сыӷлыӷытлъю туӷныӷа̄т қиляганилңӯт.

К Колоссянам 1:21

Ата̄симың пылъыӷңаяҳтуси Кияӷныӷмың. Ынка̄м аңуяксяӷӣси сюмыҳтаӷаткаҳтыкилъю, сыӷлытунлъю пилъыҳпысигун.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.

От Иакова 1:27

Кияӷныӷым Атамта пилъҳани ю̄к ухпылъыпӣлгукуми, каюсиӷьяҳқақӣ яйўа̄литлъю, угиңиӷатлъю сыӷлылӣнӷата, нуқысяҳқа̄гуқлъю сыӷлыӷаның нунам.

От Иакова 1:7

Малӷуклъиңалӷӣ ата̄сӣҳсигатуқ сялъыӷмикун тамаҳа̄н. Таўатылңуқ ю̄к талўа сюмыҳтаӷаӷьяҳқа̄нӷитуқ сямың алңунак алъхыӷулъықнилюни Атаныӷмың.

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.

1е Петра 1:14

Қа̄ткулъюси Кияӷныӷмун қаюҳлъяк авақутақӣси. Ынка̄м атуқыхпынаки сыӷлыӷыт пиюкылъыси атуқңуяқыси. Таўатысяҳтуси налъюкутыхпысиның натын Кияӷныӷым кияҳтысқысюлъҳан аюқутаңа.

1е Петра 4:3

Сивунӷани сыӷлытун кияҳтылъқинаҳтуси қа̄ткусигалңуӷыстун Кияӷныӷмун. Хўатын пика̄гуси: сыӷлыӷнапихлъюку атуқуткаюгуяҳтуси, қилӣқутақлъюси, сю̄мӯтақлъюси, қырңуӷутулъюси угляпыста̄ӷыт сыӷлыӷыт атуқақлъюки, нықынӷаҳқылъюси, мыӷӯтыҳлъяглюси ынка̄м алңунасыӷаҳлъягуҳтақуси, манигуқақасилъю ӣнӷуткат кияӷныңлъяқат.

2е Петра 2:14

Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

1е Иоанна 3:10

Хўатын лӣсимаксяҳқақапут Кияӷныӷымлъю авақутӣ, Туӷныӷа̄млъю авақутӣ: кина алңунак ылъқуӷулъюни пиңигалңуқ налиӷмың угумикиңалӷӣ юлгутминың Кияӷныӷым авақутақынӷита̄.

1е Иоанна 3:8

Кина алңунак сыӷлыҳқумаңиналӷӣ Туӷныӷа̄м пика̄ қаюҳлъяк Туӷныӷақ сыӷлыҳқыңъулӷӣ има пӣнлиӷьюхўа̄лъыӷмың. Иӷныӷа Кияӷныӷым алъхықа̄гуқ уна апалъюқлъюку, на̄фқынъалюку Туӷныӷа̄м қыпҳақа̄.

1е Иоанна 4:4

Таӷнуҳаӷни, лъпыси Кияӷныӷым пикутаңаның, кая̄лъқыхкақаси тама̄кут қаюҳлъяк илюхпысинилңуқ аҳтуӷьяҳқа̄нӷитаӷаҳтуқ нунамылңуӷмың.

1е Иоанна 5:19

Лӣсимакукут Кияӷныӷым пикӣлъю қайўа Туӷныӷа̄м иглыӷутңуӷңа̄гу қамахлъюку нуна.

1е Иоанна 5:4

қаюҳлъяк тамаҳаӷми авақуталӣтка̄н Кияӷныӷым кая̄лъқыхкақа̄ нуна. Хўатын ысҳа кая̄лъқысяҳқаҳпут нуна, ухпықилъымтыхун.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 16:17

Та̄хкын ма̄ӷраӷвинлӣтаңита яқулгым сягныни кӯва̄ ыслъямун. Храмыми умӣлгусигның ақумутаҳлъягыгның игляхтупихлъюни ма пӣқ: «Апыӷӣҳтуқ!»

Откровение 20:2

Кая̄лъқылъюку дракон туўа̄. (Дракон та̄наңӯқ аюмиҳтақ нымыӷьяқ, а̄тҳа Туӷныӷақ, Туӷныӷақ.) Та̄хкын яқулгым асиҳқа̄ қӣпшаӷутның тысяча аюмиқулъыӷнун.