К Ефесянам 2:18 - Новый Завет на эскимосском языке

¹⁸ Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

К Ефесянам 2:18 Iomraidhean Croise

От Матфея 28:19

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.

От Иоанна 10:7

Ынка̄м Иисусым пиля̄тақӣ: «Ипа уңипа̄тамси, хўаңа амигӯңа пынъӣӷнун.

От Иоанна 10:9

Хўаңа амигӯңа, кина алңунак ӣтқуми хўаңамкун югулилъыңьяҳқа̄гуқ. Ынка̄м ӣтҳақлъюни, а̄нақлъюни, на̄лъкутақлъюнилъю ныӷьяҳқамың пилъықуқ.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

К Римлянам 5:2

Апалъюқлъюку ухпықилъыҳпут Иисусым кияҳтыстӣлъю Кияӷныӷым пиниқылъҳани. Ынка̄м қуяҳлъягӯкут қаюҳлъяк лӣсимакңўа̄ӷаҳпут Кияӷныӷым ныңиҳтыслъықӣлъю ниӷуҳқылъыӷминың.

К Римлянам 8:15

Таӷныӷам алъхыҳтыкаҳпыси Кияӷныӷмың қыпҳаҳтыля̄ӷуҳтыснықихна̄нӷитӣси алиңылъыӷмун. Йыӷлыги Таӷныӷам Кияӷныӷмун авақутақыстӣси. Ынка̄м лъңакун туқлъюӷаӷаҳпут Кияӷнық: «Авва! Ата̄й!»

1е Коринфянам 12:13

Қамахлъюки ухпықат налиӷнықуӷӣ Христосым югусӣн. Иляпут Иудеяңӯт, иляңи язычнигыт, иляңи қыпҳаҳтыля̄ӷыт, иляңи қыпҳаҳтыля̄ӷунӷитут. Иўырңа қамахлъюта крестиӷыка̄гукут та̄хун ата̄сикун Аглыӷналӷӣгныкун Таӷныӷагныкун, Христосымун югусилӣтысқылъюта. Қамахлъюта тугуклъиқақахпут ата̄сик Таӷныӷак.

1е Коринфянам 8:6

Иўырңа хўаңкута лӣсимакаҳпут ата̄сиҳа̄гуқ Кияӷнық, лъңа Атанӷӯқ. Сяңўа̄ қамахлъюни лъңаның пиңӯқ, кияҳтыңъӯкут лъңанун. Лӣсимакаҳпутлъю ата̄сиҳа̄гуқ Атанық, Иисус Христосыңӯқ. Лъңакун сяңўа̄ қамахлъюни улимака̄гуқ, уңуваңӯкутлъю лъңакун.

К Галатам 4:6

Лъпыси авақутақутминың Кияӷныӷым, Иӷныӷми Таӷныӷакык каяхтыкақа̄к илюмнъун, қывулъютык пикак: «Авва, Ата!»

К Ефесянам 3:12

Ухпықилъымтыхун Христосыкун агляӷьяҳқа̄ҳсима̄кут Кияӷныӷмун тытулъңуна̄мталъю, алиңылъңуна̄мталъю.

К Ефесянам 3:14

Ынка̄м та̄на апалъюқлъюку сыгысқуҳтуңа сивуңани Атам.

К Ефесянам 4:4

Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси.

К Ефесянам 6:18

Ӣўлың юӷаҳтык Таӷныӷам маӷьяҳқӯтылъҳакун. Атуқлъюки алъя̄ҳӣна̄т юӷалъҳыт, а̄пнӣҳтыклъю Кияӷныӷмун. Тама̄кын апалъюқлъюку кылыңалюси, ӣлъқаюхпынаси. Ӣўлың юӷа̄ткылъюки қамахлъюки Кияӷныӷым юги.

К Колоссянам 1:12

Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

К Евреям 7:19

Лӣлиҳтӯсят кина алңунак пистысимаңита̄ Кияӷныӷым пиюкылъҳатун. Ынка̄м Кияӷныӷым тӯнумилъю пиниӷатаӷалӷӣмың сиӷималъыӷмың. Та̄хун сиӷималъыҳқун агляӷьяҳқа̄ҳтукут Кияӷныӷмун.

От Иакова 3:9

Улю усюқусиқақаҳпут Атанымнъун Атамун. Нақам сыӷлыӷмың ныӷьюхтаӷа̄сиқақаҳпут юлгутымнъун, Кияӷныӷым улима̄ӷитнун лъмисюгнилъюки.

1е Петра 1:17

Юӷаныҳпысини Кияӷныӷмун Атакнӣқаҳси. Нанқихтақа̄ атуныңўа̄қ ю̄к тамаҳа̄н сялъыҳтулңатун. Ынка̄м талъюқитыху нуната̄малюси нунами хўани.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

От Иуды 1:20

Иўырңа пиниқыхкамни, ўата икнақуҳся̄маңинаҳтыху ухпықа̄малъыҳси, ухпықилъыҳпысигун Кияӷныӷым аглыӷналӷӣтхун апыҳтӯсӣтхун. Юӷаӷақитык Аглыӷналӷӣгныкун Таӷныӷагныкун.