К Ефесянам 2:15 - Новый Завет на эскимосском языке

¹⁵ Христосым туқулъыӷмикун атӯнаниҳқыхкақӣ Иудеит Лӣлиҳтӯсӣтлъю қылӷусӣтлъю. Таўатын пика̄гуқ Иудеитлъю, язычнигытлъю ата̄сӣҳтысқылъюки лъмикун. Ынка̄м ныкыхмылъыңыстыкақӣ.

К Ефесянам 2:15 Iomraidhean Croise

2е Коринфянам 5:17

Кина алңунак Христосым пилӣнъыӷминигу нутаӷаҳлъюгуҳтақуқ. Кияҳта̄лъылъюга авӣӷутақуқ, иўырңа нутаӷаҳлъюк кияҳта̄лъҳа пӣнлиӷақуқ.

К Галатам 3:10

Иўырңа Кияӷныӷым аӷью̄ӷьяҳқақӣ тама̄кут сиӷималӷӣт қа̄ткутылъыӷмыхтыхун Лӣлиҳтӯсянун налъҳусяҳлъықнилютың ылъқуӷутңалъҳанун. Қаюҳлъяк игақңа̄қ Акузитни Игақыхкани хўатын: «Китум алңунак қа̄ткынӷилъкаки тамаҳӣта игақңалӷӣт игӣтхун Лӣлиҳтӯсят нанқихтылъыңылъықуқ аӷью̄ӷьяҳқа̄люни».

К Галатам 3:28

Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.

К Галатам 6:15

Мыгнунанӷитуқ ю̄к обрезанияка̄куми, налиӷмың обрезаниялъҳилъкуми. Уна мыгнуналӷӣңӯқ: Кияӷныӷым улимакақӣлъю нутаӷа̄люта югни.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 2:14

Христос лъңа катам ныкыхмылъқаҳпут. Лъңаңӯқ ата̄сӣҳтыстилӷӣ Иудеяныңлъю, язычнигыныңлъю. На̄фқыхкақа̄ миңлъюта а̄фтилӷӣ хўаңкунъың, ынка̄м аңуякунъаниҳқыхкақӣлъю.

К Ефесянам 2:16

Туқулъыӷмикун қақӯракун, Христосым угумикунъаниҳқӣ Иудеитлъю, язычнигытлъю. Та̄хкын ата̄сӣҳтыстӣ, илялӣӷутыстӣлъю Кияӷныӷмун.

К Ефесянам 4:16

Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.

К Колоссянам 2:14

Қа̄ткынӷитақңамтыки Кияӷныӷым Лӣлиҳтӯсӣ сыӷлыҳқылъҳыт пикапут игақыхка̄гут. Кияӷныӷым иқиткақӣ игақуқат сыӷлыҳқылъыпут туқуқа̄лъюки Христосым қақӯра̄нун.

К Колоссянам 2:20

Христос туқа̄қңан туқулгусиқалъҳӯқақаҳси. Ынка̄м итымутка̄гуси туӷныӷаӷның иглыӷутилӷӣның хўани нунами. Сяңанңам кияҳтақыстык нунамун пикыпихлъыҳӣстун? Сяңан қа̄ткақыстыки лӣлиҳтуӷалъҳит хўатылңӯт:

К Колоссянам 3:10

Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа.

К Колоссянам 3:11

Кияҳта̄лъыӷраӷаӷми, алъяңуӷутңитут акулңитни язычнигытлъю, Иудеитлъю, акулңитни обрезаниякатлъю, обрезаниялъҳилңӯтлъю, акулңитни варварытлъю, Скифатлъю, акулңитнилъю, қыпҳаҳтыля̄ӷытлъю, қыпҳаҳтыля̄ӷунӷилңӯтлъю. Иўырңа Христос қулиҳпига̄гуқ, кияҳтыңъӯқлъю тамаҳамнъи ухпықани.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.

К Евреям 7:16

Лӣлиҳтӯсят қылӷуткақа̄т священник киңунқысяҳқақнилюку Левийемун. Атаныҳпут священнигуңуҳтыка̄нӷитуқ Лӣлиҳтӯсят писқылъҳитхун, иўырңа священнигаңуҳтыка̄гуқ аҳтуӷьяҳқа̄нӷилңуҳқун уңувалъыӷмикун кынлытҳӯсяҳқа̄нӷилңуҳқун.

К Евреям 8:13

Кияӷныӷым акузиткақңамигу акықусяӷраӷақ, сивулиқ акықусяқ атӯнаниҳтыстыкақа̄. Ынка̄м сяңўа̄ алңунак атӯнаниӷлюни аӷьюӷлюни мулюхпынани авӣӷулъықуқ.

К Евреям 9:23

Нунамылңуқ скиния, илюңанилңӯтлъю сяӷьят қилягмылңуӷыстун аюқут. Тама̄кут нунамылңӯт сяӷьят пылюңиӷьяҳқа̄гут а̄ўитхун тыӷикусят. Иўырңа қилягмылңӯт сяӷьяпигыт пылюңиӷьяҳқа̄гут аҳтутытхун пиниӷатаӷалӷӣт нунами аҳқуткыхканың.