К Ефесянам 2:11 - Новый Завет на эскимосском языке

¹¹ Нықамиклъюку язычнигыңулюси алъхықа̄гуси. Иудеит атиӷақӣси «обрезаниялъҳилңӯт», лъңит атиқаюгӯт «обрезаниякат». (Обрезаниялъҳат югусиҳӣнӣтнитуқ.)

К Ефесянам 2:11 Iomraidhean Croise

От Матфея 20:7

Кӣмсиқа̄т: “Қаюҳлъяк китум алңунак тугунӷилъкаңилъю қыпҳаҳтыңулюта”. Ынка̄м пикӣ: “Нақам лъпысилъю қыпҳаӷьяҳтык пӣтысиӷаӷвимнун”.

К Римлянам 11:17

Иудеит пӣтысиӷақастун маслинам уқфигатун аюқут иляңи авая̄н айымтыкат. Лъпыси язычнигни аваястун аюқуси айымтыкат пӣтысиӷалъҳилңуӷмың маслинам уқфиганың. Та̄мың уқфигмың, китум тугулюку аваяқ ныкыхтыкумигу пӣтысиӷақамун маслинам уқфиганун, алъхыӷусяҳқа̄гуқ акум мыся̄ның пӣнъапихлъыҳӣмың.

К Римлянам 2:26

Язычник обрезаниялъҳилңуқ қа̄ткулъҳӣ қылӷусӣтнун Лӣлиҳтӯсят, Кияӷныӷым тугуклъиҳлъықа̄ никимқун обрезанияка̄люку.

К Римлянам 2:27

Лъпыси Иудеяни Лӣлиҳтӯсялгӯси игақңалӷӣның, обрезанияка̄гусилъю, та̄ўаңинақ қа̄ткигатаси Лӣлиҳтӯсят. Иўырңа язычнигыт обрезаниялъҳилңӯт, қа̄ткақӣт Лӣлиҳтӯсят. Ынка̄м қа̄ткутылъҳитхун Кияӷныӷым нанқихлъықӣси аӷью̄ӷьяҳқа̄люси.

1е Коринфянам 12:2

Нықамикаҳси сялин ухпылъҳилъюси манигӯтыста̄тақақыхкаңиси кияӷныңлъяқанун акузиңигалңуӷнун. А̄ҳқутақыстыка̄лӷӣси.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

К Галатам 2:15

Иудеяңулюта алъхықа̄гукут, нака̄н язычнигыт сыӷлыҳқыстыт.

К Галатам 6:12

Югыт ысҳаҳсяқсюныҳтуқатлъю қанаткиюныҳтуқатлъю пинитун қыпҳалъыӷмыхның, лъңиңӯт обрезаниясқӯӷўа̄ӷилӷӣт лъпысиның. Таўатын пӣқут қаюҳлъяк алиңақылӷӣт амьюқыта̄ткылъыңнаюкамың уңипақыхкумыхтыху қақӯраҳӣна̄ Христосым, авылӷаӷлюку обрезаниялъық.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Ефесянам 5:8

Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун.

К Филиппийцам 3:3

Хўаңкутаңӯкут ухпықани обрезанияпӣўа̄қани қаюҳлъяк манигуӷақаҳпут Кияӷнық Таӷныӷахкынкун, усюқақаҳпутлъю Христос Иисус. Ныӷьюңигатукутлъю Кияӷныӷмун пилӣтысқылъюта хўаңкута катам сялъымтыхун.

К Колоссянам 1:21

Ата̄симың пылъыӷңаяҳтуси Кияӷныӷмың. Ынка̄м аңуяксяӷӣси сюмыҳтаӷаткаҳтыкилъю, сыӷлытунлъю пилъыҳпысигун.

К Колоссянам 2:11

Илятңалъыҳпысигун Христосымун обрезанияка̄гуси. Обрезаниялъыҳси югыт пистылъҳита̄т, иўырңа Христосым пистыкақа̄. Ынка̄м итымуткақӣси аҳтуӷьяҳқа̄нӷилъҳаның югусиҳпыси сыӷлыҳқыңъалӷӣт пиюкылъҳитның.

К Колоссянам 2:13

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

К Колоссянам 3:11

Кияҳта̄лъыӷраӷаӷми, алъяңуӷутңитут акулңитни язычнигытлъю, Иудеитлъю, акулңитни обрезаниякатлъю, обрезаниялъҳилңӯтлъю, акулңитни варварытлъю, Скифатлъю, акулңитнилъю, қыпҳаҳтыля̄ӷытлъю, қыпҳаҳтыля̄ӷунӷилңӯтлъю. Иўырңа Христос қулиҳпига̄гуқ, кияҳтыңъӯқлъю тамаҳамнъи ухпықани.