К Ефесянам 2:10 - Новый Завет на эскимосском языке

¹⁰ Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 2:10 Iomraidhean Croise

От Матфея 5:16

Таўатыҳпигақ ниӷухси кӯкхутыстыху югнун ысҳӣсқылъюку аныӷныҳқилъыҳси, ынка̄м усюқнакаңат Атази қилягмылңуқ».

От Иоанна 3:21

Иўырңа кина алңунак ипапиҳқылъюни пикаюк тагияҳқа̄гуқ ниӷугмун, ысҳӣсқылъюку қыпҳақани Кияӷныӷым пиюкылъҳакун аюқылӷӣ.

Деяния 9:31

Қамахлъютың ухпықат Иудеями, Галилеями, Самариямилъю амью̄ткыстыңъунатың кияҳтыкат. Ухпылъҳит икнақуҳтыкат, алиңақылӷӣт қа̄ткунъыӷитылъыҳқамыхның Атаныӷмун, Аглыӷналӷӣмлъю Таӷныӷам каюсӣңукаңи ынка̄м ухпықат нулякат.

Деяния 9:36

Иоппиямиңуқ та̄ўа ухпықақ аӷнақ а̄тҳа Тавифа, (Грегыстун Серна, хўатын писиқ, қуйңиқ), қӯнпың каюсиӷимаҳлъяк, кияң тама̄кунун аклъюмалӷӣнун.

К Римлянам 8:1

Ынка̄ңам киналъю алңунак Христос Иисусымун илятка̄ката Кияӷныӷым нанқихна̄нӷитӣ аӷью̄ӷьяҳқа̄люки.

К Римлянам 8:29

Тама̄куңӯт Кияӷныӷым накмикыкыстақӣ. А̄фтыкақӣлъю Иӷныӷмитун лъӣӷысқылъюки. Таўатын пика̄гуқ Иӷныни алъхыӷьюхўа̄ӷумасқылъюку аңлыгутылӷутаңаның.

1е Коринфянам 3:9

Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.

2е Коринфянам 5:17

Кина алңунак Христосым пилӣнъыӷминигу нутаӷаҳлъюгуҳтақуқ. Кияҳта̄лъылъюга авӣӷутақуқ, иўырңа нутаӷаҳлъюк кияҳта̄лъҳа пӣнлиӷақуқ.

2е Коринфянам 5:5

Кияӷныӷым ята̄ҳқуткақӣлъю хўавык алъяңуҳтылъыӷмун. Хўаңкунъунлъю тӯныхкақа̄к Таӷныӷагни лӣсимакысқылъюку алъяңуҳтылъыҳқаҳпут ипапыста̄қ апыӷӣҳлъықнилюку.

2е Коринфянам 9:8

Кияӷныӷым тӯньяқлъыгўӣси аклъюкыхкаҳпысиның қа̄йӷулъюку. Ынка̄м ӣўлың сямың алңунак пилгулъықуси, сӣпңа̄нлъю каюсӣтысқылъюки иляси.

К Галатам 6:15

Мыгнунанӷитуқ ю̄к обрезанияка̄куми, налиӷмың обрезаниялъҳилъкуми. Уна мыгнуналӷӣңӯқ: Кияӷныӷым улимакақӣлъю нутаӷа̄люта югни.

К Ефесянам 1:1

Укут посланият Павелымың пиңӯт. Христос Иисусым апостолыка̄ңа Кияӷныӷым пиюкылъҳакун. Письмоңӯңа Кияӷныӷым югитнун Ефесымылңуӷнун, ата̄сӣӷмылңӯт малихся̄ҳтыңи Христос Иисусым.

К Ефесянам 1:4

Нуна улималъҳилъюку Кияӷныӷым накмикыхкақӣлъю Христосыкун пылюңитысқылъюталъю, авутңитысқылъюталъю лъңанун.

К Ефесянам 2:13

Иўырңа ма̄тын пилъыӷми Христос Иисусымун илясима̄си. Сивунӷани аўавансяҳтуси Кияӷныӷмың, иўырңа ма̄тын пилъыӷми туӷа̄ӷусима̄си лъңанун Христосым а̄ўакун.

К Ефесянам 2:15

Христосым туқулъыӷмикун атӯнаниҳқыхкақӣ Иудеит Лӣлиҳтӯсӣтлъю қылӷусӣтлъю. Таўатын пика̄гуқ Иудеитлъю, язычнигытлъю ата̄сӣҳтысқылъюки лъмикун. Ынка̄м ныкыхмылъыңыстыкақӣ.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Ефесянам 2:6

Кияӷныӷым уңуваҳтӣлъю малигулъюта Христос Иисусымун, хўаңкунъунлъю ақумылгусиҳтыста̄ қилягми.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 4:24

Ынка̄м атуқитыху наңаӷныӷраӷаҳси қаюҳлъяк Кияӷныӷым улимакақа̄ лъмитун аюқлъюку: ылъқуӷутңапӣглюку, аглыӷнаӷлюкулъю.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

К Филиппийцам 2:13

қаюҳлъяк Кияӷнық қӯнпың қыпҳа̄гуқ лъпысини атуқсягутысқылъюку пиюкылъыни, қа̄ткусягутысқылъюсилъю пиюкылъыӷминун.

К Колоссянам 1:10

Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық.

К Колоссянам 3:10

Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа.

2е Фессалоникийцам 2:17

илютуҳсяӷлисилъю, икнақуҳсяӷлисилъю тамаҳа̄кун пинилӷӣкун қыпҳалъыҳпысигунлъю, акузилъыҳпысигунлъю.

1е Тимофею 5:10

Амалъықа тамаңан лӣсимака̄т қыпҳалъыхтуляңа, катам авақутани пинитун аңлистылъҳатун, упуӷаныҳтуляңа, ухпықа̄лгутми итыгӣт уӷвуҳтуӷақлъюки, каюсиӷӣқлъюни сыӷлылӣлӷӣның, қӯнпыңлъю пинитун пӣқылӷӣ.

1е Тимофею 5:25

Таўатыҳпигақ аныӷныҳқилъҳат алӣтңўа̄ӷақут, иўырңа тама̄кут алӣнъыӷилңӯт ӣӷңана̄нӷитут.

1е Тимофею 6:18

Аклъюңилңӯт пинитун писқики, аклъюңитысқики пинитун қыпҳалъыҳқун, иӷлылъңунаки тӯниюкыстаӷлюки иляңитнун югнун.

2е Тимофею 2:21

Кина алңунак лъминың катам пылюңиҳсяқуми сыӷлыӷмың, сялӷутаҳтун атуҳқа̄ҳлъықуқ мыгнуналӷӣмун. А̄фтыка̄ҳлъықуқ атӯлюни мыңтыӷам юганун. Та̄хкын атуҳқа̄ҳлъықуқ алңунак пинилӷӣмун қыпҳақамун.

2е Тимофею 3:17

Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Титу 2:7

Лъпык сялъыҳпыгун тамаҳа̄кун, успута̄ўи лъңитнун аныӷныҳқилъыҳпыгун. Апыҳтуӷӣқи ипапиҳқылъютын, пира̄мсилютын.

К Титу 3:1

Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун.

К Титу 3:14

Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 10:24

Йықай сюмыҳтаӷа̄лъта натын қӣлңумиӷусяҳқа̄люта пиниқсяҳқа̄люки илят, пинитунлъю пияҳқа̄люта.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

1е Петра 2:12

Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

1е Иоанна 1:7

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

1е Иоанна 2:6

Кина алңунак пилӷӣ кияҳтыңъунилюни лъңани, кияҳсяҳқа̄гуқ Иисус Христосым пилъҳатун.