К Ефесянам 2:1 - Новый Завет на эскимосском языке

¹ Сивунӷани таӷныӷаси туқуңаяҳтут қаюҳлъяк қа̄ткумаңилъкыси Кияӷнық, сыӷлыҳқыстыңуяҳтусилъю.

К Ефесянам 2:1 Iomraidhean Croise

От Матфея 8:22

Иўырңа Иисусым пика̄: «Малихтиңа. Тама̄кут малигусюнӷилңӯт хўаңамнун туқука̄гут таӷныӷамыхтыхун; лъивыӷлитки туқумаслъӣтың».

От Луки 15:24

қаюҳлъяк иӷнықа уна туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”. Ынка̄м нықынӷаҳқыҳлъякат.

От Луки 15:32

Иўырңа қуялюта нықынӷаҳқыңъӯкут, қаюҳлъяк уна уюӷа̄н туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”».

От Иоанна 10:10

Тыглыгнӣҳта та̄ўаңинақ тыглыгьяқаюгӯқ, юхтаӷьяқаюгӯқ, на̄фқӣяқаюгӯқ, иўырңа хўаңа тагика̄гуңа югыт уңувалъыңысқылъюки уңувалъыпигмың.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 5:21

Атам уңуваҳтыслъюки туқукат уңувалъылитақӣ, ынка̄м таўатыҳпигақ Иӷнық уңувалъылитикаюгӯқ пиюкыхкаминун.

От Иоанна 5:25

Ипа пӣмси, пилъыҳқақ ука тагиңӯқ, хўа̄ ка̄сима̄қ, туқукат нагақуҳлъықа̄т мыңа Иӷныӷан Кияӷныӷым. Тама̄кут нагақӯлъҳӣт уңувалъықут,

К Римлянам 8:2

Қаюҳлъяк Лӣлиҳтӯся̄н Таӷныӷам уңувалъылитилӷӣм Христос Иисусыкун итымуткақа̄ңа лӣлиҳтӯся̄ның сыӷлыҳқылъҳымлъю туқулъҳымлъю.

1е Коринфянам 15:45

Ынка̄м Акузитни Игақыхкани игақыхка̄гуқ: «Юксюхўа̄қ Адам уңувалӷӣңуҳтыка̄гуқ». Иўырңа киңулиқ Адам уңувалъылитикаюгӯқ таӷныӷақ, Христосыңӯқ.

2е Коринфянам 5:14

Христосым иглыӷутңўӣлъю пиниқылъыӷмикун. Лӣсимакңўа̄ӷаҳпут югым ата̄сим туқуматкыхкақа̄ қамахтыңъўа̄ӷлюку ю̄к. Тама̄кын апалъюқлъюку қамахтыңъўа̄ӷлютың югыт туқука̄гут.

К Ефесянам 4:18

умьюгӣтлъю лӣгикиңигалңӯгут. Илятңанӷитут уңувалъыӷмун Кияӷныӷым тӯныхка̄нун, қаюҳлъяк налъюкңўа̄ӷа̄т, пиныҳлъюгӯтлъю.

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Колоссянам 2:13

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

1е Тимофею 5:6

Иўырңа угиңиӷақ тыӷигниқңинақуми лъңаның ыфқуҳналюни, уңуваӷңа̄ӷми туқукастун аюқсяҳқа̄гуқ.

1е Иоанна 3:14

Лӣсимакаҳпут туқумың алъпака̄гукут уңувалъыӷмун қаюҳлъяк пиниқыхкыпут ухпықа̄лгутыпут. Кина алңунак пиниқиңигалңуқ паниның туқумытуқ.

Откровение 3:1

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Сардисым. Та̄на Кияӷныӷым ма̄ӷраӷвинлык таӷныӷа̄ның пилык ма̄ӷрагвинлыклъю иӷалықыта̄лык, пӣқ: “Лӣсимакамси ся̄қыстык. Югыт пӣқӣси уңуванилюси иўырңа туқуңа̄си.