К Ефесянам 1:23 - Новый Завет на эскимосском языке

²³ Қамахлъютың ухпықат югусиқӣ Христосым, ынка̄м лъңа ӣӷўиҳтуқ. Христосым ӣӷўиҳта̄ сяңўа̄ қамахлъюку нани алңунак.

К Ефесянам 1:23 Iomraidhean Croise

От Иоанна 1:16

Пиниқиңаҳлъягутминың қуястақӣлъю утыҳпахтӣнақ.

К Римлянам 13:5

Тама̄кын апалъюқлъюку қа̄ткитыки иглыӷутистыт. Қа̄ткитыки қаюҳлъяк Кияӷныӷмун аӷью̄ҳтысюнӷилңӯси. Иўырңа та̄наңинақ апалъю̄нӷитуқ. Қа̄ткитыки қаюҳлъяк лӣсимакаҳси қа̄ткутылъық ылъқуӷутңа̄қ.

1е Коринфянам 12:6

Угля̄пихтуқ алъякулъҳӣ Кияӷныӷым қыпҳақа̄, иўырңа та̄м ата̄сим Кияӷныӷым пистақӣ хўаңкунъун.

К Ефесянам 2:16

Туқулъыӷмикун қақӯракун, Христосым угумикунъаниҳқӣ Иудеитлъю, язычнигытлъю. Та̄хкын ата̄сӣҳтыстӣ, илялӣӷутыстӣлъю Кияӷныӷмун.

К Ефесянам 3:10

Та̄хкын қилягнилңӯт: иглыӷутилӷӣтлъю, аҳтуӷьяҳқа̄нӷилъылгытлъю, Кияӷныӷым лӣтыслъықӣ алъя̄ҳӣнаӷмың пыҳқинылъыӷминың. Таўатын пилъықуқ югмикун юӷаӷвигнилңуҳтыхун.

К Ефесянам 3:19

Лъпысинун лӣсимакысқысюгақа Христосым пиниқылъҳа, қайўа пияқнаӷңа̄н лӣгикңўа̄лъыҳқа̄. Та̄хкын пиниқылъҳакун, Кияӷныӷым наңаӷныӷатун ўата лъӣҳлъықуси.

К Ефесянам 4:10

Ынка̄м лъңа та̄на укикақ сямавык, лъңаңӯқ ата̄сиқ та̄на маюқақ памавык иңьяӷлюки қилягыт, имиӷналюку сяңўа̄ қамахлъюку наю̄тңалъыӷминың.

К Ефесянам 4:12

Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Ефесянам 4:13

Та̄на қыпҳақақ нагныҳлъықуқ кынляңа ата̄сӣҳтылъымнъун ухпықилъымтыхун, лӣсимакылъымтыхунлъю Иӷныӷа Кияӷныӷым. Та̄хкын аңтанӣтңўа̄ӷлюта Христосытун лъӣҳлъықукут.

К Ефесянам 4:4

Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

К Колоссянам 2:19

Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.

К Колоссянам 3:11

Кияҳта̄лъыӷраӷаӷми, алъяңуӷутңитут акулңитни язычнигытлъю, Иудеитлъю, акулңитни обрезаниякатлъю, обрезаниялъҳилңӯтлъю, акулңитни варварытлъю, Скифатлъю, акулңитнилъю, қыпҳаҳтыля̄ӷытлъю, қыпҳаҳтыля̄ӷунӷилңӯтлъю. Иўырңа Христос қулиҳпига̄гуқ, кияҳтыңъӯқлъю тамаҳамнъи ухпықани.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.