К Ефесянам 1:10 - Новый Завет на эскимосском языке

¹⁰ Кияӷныӷым успықылъыни апыӷӣҳлъықа̄ пилъыҳқаҳлъюгўа̄ӷми. Қамахтыңъўа̄ӷлюки улима̄ни қилягмылңӯтлъю, нунамылңӯтлъю қырңуҳлъықӣ, Христосымун иглыӷутысқылъюки.

К Ефесянам 1:10 Iomraidhean Croise

От Матфея 25:32

Сивуңакун қырңуӷутыслъықӣт қамахтыңъўа̄ӷлюки нунам юги. Та̄хкын авуҳлъықӣ, катам пынъӣӷнӣҳтым авулъҳатун пынъӣӷыт козёлының.

От Марка 1:15

Пикақ: «Пилъыҳқақ хўа̄ ка̄сима̄қ ынка̄м Атаныҳпагулъҳа Кияӷныӷым хўа̄ хўа̄нтуқ! Авутыҳқылъюси, сыӷлыҳқынъаниӷлюси ухпықитыки Пинилӷӣт Уңипат!»

1е Коринфянам 10:11

Қамахлъюки тама̄кут сивунымта атуқыхкӣт, успутаҳқа̄ка̄гут хўаңкунъун. Игақыхка̄гут кылыңася̄тңулютың хўаңкунъун кияҳлъыҳӣнун киңулиӷни аӷныӷни, лъңистун пифқа̄мта писқылъюта.

1е Коринфянам 11:3

Иўырңа лӣгикысюгамси Христос на̄сқӯтиңӯқ тамаҳа̄нун югнун, югӯқлъю на̄сқӯтилӷӣ нулӣӷминың.

К Галатам 4:4

Иўырңа Кияӷныӷым накмикыхка̄ аӷнық ка̄сян каяхтыка̄ Иӷныни, алъхықақ аӷнакун. Лъңан қа̄ткыхкақӣ Лӣлиҳтӯсят

К Ефесянам 1:22

Кияӷныӷым лъикақа̄ сяңўа̄ қамахтыңъўа̄ӷлюку Христосым итыга̄н асиңанун, на̄сқӯтистыңлъяқақа̄лъю сямун тамаҳа̄нун апалъюқлъюки ухпықат.

К Ефесянам 2:15

Христосым туқулъыӷмикун атӯнаниҳқыхкақӣ Иудеит Лӣлиҳтӯсӣтлъю қылӷусӣтлъю. Таўатын пика̄гуқ Иудеитлъю, язычнигытлъю ата̄сӣҳтысқылъюки лъмикун. Ынка̄м ныкыхмылъыңыстыкақӣ.

К Ефесянам 3:15

Лъңаңӯқ атиӷилӷӣ тамаҳӣтның ныңлъюгутның қилягмылңуӷныңлъю, нунамылңуӷныңлъю.

К Ефесянам 3:2

Ынтақун нагақӯма̄ҳси Кияӷныӷым наңлъыхталъыӷмикун қыпҳақалиткақа̄ңа лъпысинун.

К Колоссянам 1:16

Лъңакун Кияӷныӷым улимакақӣ сяңўа̄т қамахлъюки қилягмылңӯтлъю, нунамылңӯтлъю. Улимакақӣ ысҳақаюпут, ысҳӣгалъкыпутлъю, тама̄кутлъю умӣлгыт, атанӷыт, иглыӷутистыт, пилъыҳқалгытлъю. Кияӷныӷым улимакақӣ сяңўа̄т қамахлъюки Христосыкун, Христосымунлъю.

К Колоссянам 1:20

Кияӷныӷым Иӷныӷмикун выӷутыстыкақӣ лъңанун сяңўа̄т қамахлъюки нунамилъю, қилягмилъю. Ынка̄м а̄ўакун Иӷныӷми туқа̄қңан қақӯрами илялӣӷутыстыкақӣ лъңанун.

К Колоссянам 3:11

Кияҳта̄лъыӷраӷаӷми, алъяңуӷутңитут акулңитни язычнигытлъю, Иудеитлъю, акулңитни обрезаниякатлъю, обрезаниялъҳилңӯтлъю, акулңитни варварытлъю, Скифатлъю, акулңитнилъю, қыпҳаҳтыля̄ӷытлъю, қыпҳаҳтыля̄ӷунӷилңӯтлъю. Иўырңа Христос қулиҳпига̄гуқ, кияҳтыңъӯқлъю тамаҳамнъи ухпықани.

К Евреям 1:2

Иўырңа укуни киңулиӷни аӷныӷни алыҳқуқақӣлъю Иӷныӷмикун. Лъңакун Кияӷнық нунаңлъяқа̄гуқ, накмикыхкақӣлъю пилӣтысқылъюку сяңўа̄ тамаҳа̄н.

К Евреям 11:40

қаюҳлъяк Кияӷныӷым успықыхка̄ хўаңкунъун пиниӷатаӷалӷӣңӯқ. Ухпықилъҳа хўатытуқ: акықусяни пина̄нӷитӣ лъңитнун хўаңкуңунаки. Қырңа̄мта қамахлъюта ӣӷўиҳлъықӣнкут.

К Евреям 9:10

Тама̄кут тунусятлъю, аҳтутытлъю атуқыхка̄гут қа̄ткысяҳқа̄люки қылӷусят нықныңлъю, мыӷьяҳқаныңлъю, пылюңиҳсялъыҳқаныңлъю югусӣтның аюқылӷӣт. Тама̄кут қылӷусят югусиҳӣнаӷмун аюқут. Қа̄ткысяҳқа̄гут кынляңа Кияӷныӷым акықусяӷраӷа̄ атӯҳтылъҳанун.

1е Петра 1:20

Кияӷныӷым накмикыхкақа̄ Христос талўа сивуңани нуна улималъҳилъюку. Ма̄тын киңулиӷни аӷныӷни алӣҳтыкақа̄ лъпыси апалъюқлъюси.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.