12 Иўырңа Филиппым уңипақсяки Пинилӷӣт Уңипат Кияӷныӷым Атаныҳпагулъҳаның аюқылӷӣт, А̄тҳаныңлъю Иисус Христосым ухпықыхкӣт уңипӣ. Тама̄кут югытлъю, аӷнатлъю ухпықилӷӣт крестиӷыкат.
Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.
Та̄хкын уңипақияҳтӣсқыхкӣ Атаныҳпагулъҳаның Кияӷныӷым, на̄лъҳуқӣсқылъюкилъю қинуюлӷӣт.
Иисусым пика̄: «Тама̄кут туқукат қуңуӷлитки туқумастӣӷыт. Иўырңа лъпык, аӷуляқлъютын уңипақсяҳтуҳу Атаныҳпагулъҳа Кияӷныӷым».
Иўырңа иляңи ухпықат Кипрымыңлъю, Киринеямыңлъю Антиохияткат, ка̄лъютың уңипақыхка̄т Атанық Иисус талўа Иудеяңунӷилңуӷнун.
Синагогам иглыӷутистыңа Криспыңуфтуқ. Қамахлъютың ныңлъюгуткулъҳӣт ухпықыхка̄т Атанық. Коринфыӷмӣлӷутытлъю нагалъюку Павел ухпыӷлютың крестқат.
Нагақуӷьямыхтыху та̄на, крестиӷикат а̄тҳакун Атанӷым Иисусым.
Петырым кӣмсиқӣ: «Авутыҳқылъюси, сыӷлыҳқынъаниӷлюси қӣвитык Кияӷныӷмун, крестиӷытыклъю А̄тҳакун Иисус Христосым, сыӷлыҳқылъыси сыӷывутылъыңысқылъюки, ынка̄м Кияӷныӷым тунусякык Аглыӷналӷӣк Таӷныӷак алъхыҳтыкык.
Та̄хкын ухпықилӷӣт уңипа̄мың крестиқат. Ынка̄м таўани аӷныӷми 3,000 ю̄к иляткақ ухпықанун.
Қывӯлъюки қылӷақсяӷанка Иудеитлъю, Грегытлъю авутыҳқылъюки сыӷлыҳқынъаниқата қӣвысқылъюки Кияӷныӷмун, ухпықисқылъюкилъю Атанымнъың Иисус Христосымың.
Лӣсимакақа алъямың ысҳаӷна̄нӷитаҳпысиңа, лъпыси уңипиқуткамни Атаныҳпагулъҳаның Кияӷныӷым.
тытухпынанилъю уңипақақ Атаныҳпагулъҳаның Кияӷныӷым. Апыҳтӯткыхка̄лъю Атанық Иисус Христос. Таўатын пилъҳа китум алңунак аӷулӣҳсимаңилъкаңа.
Иўырңа угля̄пихлъыӷӣт югытлъю, аӷнатлъю ухпықңукаңат Атанық Иисус, ынка̄м ухпықат нулямаңинақат.
Тама̄кут ухпықат қимагӯткат тамаңанун уңипақикат Пинилӷӣның Уңипаның на̄нсяӷңа̄ӷмың.
Ю̄к ухпыҳтуқ илюмикун, ынка̄м Кияӷныӷым налъҳусяӷа̄ ылъқуӷутңалъыӷминун. А̄пҳа̄лъю қаныӷмикун ухпықыхкани, ынка̄м югулилъыңуқ.
Иўырңа нықамикитыху Атанӷым успықылъҳа, югылъю, аӷна̄млъю аклъюкутңа̄к.
Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.
Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.