Деяния 3:6 - Новый Завет на эскимосском языке

⁶ Петырым пика̄: «Маниқшахӣтңўа̄ҳтуңа иўырңа сямың тӯнақамкын. А̄тҳакун Иисус Христосым Назаретыӷмӣм, пиюги!»

Деяния 3:6 Iomraidhean Croise

От Матфея 10:9

Кылъқыхпынаси манимың: золотамың, серебромың, талўа медмың.

От Матфея 7:22

Нанқихтилъҳым Аӷныӷани, углям пияҳқақа̄ңа хўатын: “Атанық, Атанық! Атыҳпыгун Кияӷныӷым уңипа̄ а̄пқақаҳпут. Атыҳпыгун а̄нысқуқақапут туӷныӷа̄т углялӷӣның югның. Атыҳпыгун алъя̄ҳлъюхўаҳтӣӷа̄тақа̄гукут угляӷңа̄н!”

От Марка 14:8

Ӯм аӷнам апыӷӣӷа̄ пияҳқани; тыпыңлъяҳқыкыстаӷа̄ югусиқа лъивылъыҳқамнун.

От Марка 16:17

Ухпықат алъя̄ҳлъюхўаҳтилъықут лӣгикысқылъюку аҳтуӷьяҳқа̄нӷилъыҳтың Кияӷныӷмың пиңутаңа. Ынка̄м атымкун а̄нысқуҳлъықӣт туӷныӷа̄т югның; акузилъықут алъястун улюстун;

От Иоанна 19:19

Пилатым игақыстыкақыхкаңа: «иисус назаретыӷмӣ, умӣлгат иудеит». Та̄хкын ныкыхтыстыка̄ қақӯра̄кун Иисусым.

Деяния 10:38

Лӣсимакаҳси Иисус Назаретыӷмӣ, Кияӷныӷым имиқа̄ Аглыӷналӷӣгның Таӷныӷагның, аҳтуӷьяҳқа̄нӷилъыӷмыңлъю. Навык алңунак пиныӷмини пинитун пӣқыхкаңи югыт, на̄лъҳуқуқӣлъю тама̄кут Туӷныӷа̄м а̄ҳқутақыхкӣ, қаюҳлъяк Кияӷнық Иисусымылңуқ.

Деяния 16:18

Қафсиныхлъяк аӷнық таўатын пӣқ. Қынўатлъю Павелым қинуягулъюку туӷныӷақ илюңанилңуқ қӣвлюку пика̄: «А̄тҳакун Иисус Христосым қылӷамкын а̄нысқылъютын лъңаның!» Таўаниңинақ туӷныӷақ илюңаның а̄ныхкақ.

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.

Деяния 2:36

Уңипа̄таҳлъямси қамахлъюси Израилыӷмӣни, Кияӷныӷым ипапыста̄қ накмикыхкақа̄ Иисус Атанӷулюкулъю, Христосыңулюкулъю. Та̄наңӯқ Иисус қақӯрақаҳси!»

Деяния 3:16

Ысҳақыси уна ю̄к ныкывӷалӷӣ сивухпысини, қамахлъюси лӣсимакаҳси пиюгигасялӷӣңӯқ има алъхынҳаҳа̄тминың. Икнақуҳтыка̄гуқ ухпықлъюку а̄тҳа та̄м ата̄сим Иисусым Кияӷныӷым Уңуваҳтыка̄тун туқулъыӷмың. А̄а, ухпықилъҳан Иисусыкун на̄лъҳутңўа̄ӷа̄, ысҳақыси ма̄тын.

Деяния 3:5

Сиӷимапихлъюни тӯнақнилюни қӣвыхкакык.

Деяния 3:7

Тугулюки аӷынқигныӷи ӣхи ныкывысималюку югым итыгӣлъю, тукуӷӣлъю икнақуҳтыкат,

Деяния 4:10

Ынка̄ңам лӣгикысюгамси қамахлъюси, иляңилъю Израилыӷмӣт қамахлъюки натын уна ю̄к на̄лъҳутка̄таңа. На̄лъҳутка̄гуқ А̄тҳакун Иисус Христосым Назаретыӷмӣм. Лъңан аҳтуӷьяҳқа̄нӷилъҳан на̄лъҳуткақа̄, лъпыси қақӯрақаҳпыси, Кияӷныӷым уңуваҳтыстыка̄н туқулъыӷмың. Ынка̄м уна ю̄к пиюгигасялӷӣ хўа̄ ма̄тын ныкывӷа̄қ сивухпысини.

Деяния 4:7

Та̄хкын апостолык тагитыслъюкык а̄птыкахкыт: «Китум аҳтуӷьяҳқа̄нӷилъҳакун ю̄к пиюхтысягутыстыху? Китум а̄тҳа атуқлъюку таўатын пистык?»

Деяния 9:34

Петырым пика̄: «Эней, Иисус Христосым на̄лъҳута̄тын, макылъютын алъиӷан ӣмху». Таўаниңинақ Эней макыткақ.

1е Коринфянам 4:11

Хўавымун кынляңа нықаңисягақукут, мыӷьяҳқӣсягақукут, а̄ткӣсягақукут. Югыт қывуткақӣлъю. Ныңитукут, иглыҳта̄гукут қӯнпың.

2е Коринфянам 6:10

Қивӷуңуӷңа̄мта, нақамлъю қуяңаҳлъяўа̄қукут; аклъюмаӷңа̄мта, нақамлъю аклъюңиӷистақапут югыт; авақшахӣтыӷңа̄мта, нақамлъю пилўа̄қукут сямың тамаҳа̄ның.

2е Коринфянам 8:12

Тӯниюпихтыкуфси Кияӷныӷым тугуклъиҳлъықӣ тунусяси. Пиюкақа̄ ю̄к тӯнисқылъюку тӯньяҳқалгукан, иўырңа аваңискан тӯнинӷисяӷңа̄н.

2е Коринфянам 8:9

Лӣсимакаҳси пиниқиңалъыҳлъяга Атанымта Иисус Христосым. Аклъюңиҳлъягмини таўалъӣма лъңаның катам аклъюма̄ҳтыка̄гуқ лъпыси апалъюқлъюси. Таўатын пика̄гуқ аклъюңиӷисқықаҳлъюси аклъюмалъыӷмикун.

От Иакова 2:5

Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның.

1е Петра 4:10

Тамаҳаҳпыси алъхыӷутка̄гуси тунусяның атуҳқамың иляхпысинун. Алъя̄ҳӣна̄т тунусят Кияӷныӷмың писи атуқақитыки пинитун.