Деяния 3:12 - Новый Завет на эскимосском языке

¹² Петырым ысҳаӷьямики пикӣ: «Израилыӷмӣни, сяңафси сяӷӣӷаюгыстык? Сяңамта ысҳапахтӯстыкут? Пиюхтысныӷитаҳпуң уна ю̄к аҳтуӷьяҳқа̄нӷилъымтыгныгун, налиӷмың пинӣтымтыгның. Пиюгигалңӯм югым Иисус ухпықсяқминигу на̄лъҳутуқ.

Деяния 3:12 Iomraidhean Croise

От Иоанна 7:18

Кина алңунак апыҳтуӷилӷӣ лъми катам сюмыҳтаӷалъыӷминың қӯлвалъыңнақуткыңъӯқ. Иўырңа кина алңунак қӯлвалъыңыстинақуткылӷӣ каяхтикамун, акузиңӯқ ипапигмың, иқлъыңиқигатуқ.

Деяния 13:26

Ухпықа̄лгутымни, Авраамым киңунӷитни, язычнигнилъю манигӯткаюгни Кияӷныӷмун, та̄на уңипа̄ югулилъҳым хўаңкунъун пиңӯқ!

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.

Деяния 3:11

Паниның на̄лъҳуткам югым Петырылъю, Иоаннылъю қытңамалюкык, юлӷутым сяӷӣӷаюгумаӷмың каңлъюқаҳтыкӣт Соломоным притворыңани.

Деяния 3:13

Авраамылъю, Исаакылъю, Иаковылъю, сивунымталъю қамахлъютың манигуқӣта Кияӷныӷым қӯлваӷа̄ Қыпҳаҳтыни Иисус. Иўырңа лъпыси агля̄ткақаҳси Пилатымун нанқихтысқылъюку, иҳсякыхкақаҳсилъю Пилатым итымусюгақңагу.

К Римлянам 11:1

Ынка̄м а̄птамси: Кияӷныӷым Израилыӷмӣт юксюгнаниҳтакӣ? Йыӷлыгилъю! Хўаңа катам Израилыӷмӣңӯңа, Авраамым киңунӷа, Вениаминым рамкыңан пиңӯңа.

К Римлянам 9:4

Юлгутынка Израилым киңунқӣ, Кияӷныӷым алъюҳқикақӣ лъңанун авақута̄люки. Алӣҳтыкақа̄ ниӷуҳқылъыни лъңитнун. Акықӯқақӣ сялъыҳқаминың лъңитнун. Тӯныхкақӣ Лӣлиҳтӯсяминың. Апыҳтуқақӣ лъңанун манигӯтылъыҳқамың ылъқуӷулъюки. Акықӯқақӣлъю қуяслъықнилюки қа̄ткыхкаңатни.

2е Коринфянам 3:5

Хўаңкунъың пикнина̄нӷитаҳпут қыпҳаӷьяқлъыгунилюку та̄на қыпҳақақ. Кияӷныӷым пияқлъыгуҳтыстақӣлъю қыпҳақамун.

Откровение 7:13

Та̄хкын ата̄сим утфитның а̄пта̄ңа: «Кинкуңа̄ўат қатылӷӣмың қӣпаӷаӷңалӷӣт, накынлъю пиңўа̄т?»