Деяния 26:9 - Новый Завет на эскимосском языке

⁹ Сивунӷани агани ухпықыпихтыкақақа кипулъхина̄лъыҳлъяка ылъқуӷутңанилюку а̄тҳаның Иисусым Назаретыӷмӣм.

Деяния 26:9 Iomraidhean Croise

От Иоанна 15:21

Таўатын пилъықӣси хўаңа апалъюқлъюңа қаюҳлъяк налъюка̄т Каяхтистыка.

Деяния 21:13

Иўырңа Павелым пӣнкут: «Сяңафси қиямаҳпыси таўатын пистыңъа? Сыӷлылӣҳқаҳпысиңа! Хўа̄ апыӷӣӷўа̄ӷлюңа аюқуңа асиҳқысяҳқа̄люңа Иерусалимыми, талўа туқуяҳқа̄люңа апалъюқлъюку Атанық Иисус».

Деяния 22:3

Та̄хкын пикӣ: «Иудейеңӯңа алъхықақ Тарсыми Киликиямылңуӷми иўырңа ма̄ни Иерусалимыми аңлика̄гуңа. Гамалиил апыҳтуӷистыклъюку лӣтңўа̄қақанка Лӣлиҳтӯсят сивунымта апыҳтӯсяқыхкӣт, ынка̄м тӯныхка̄гуңа Кияӷныӷмун қа̄ткыңъўа̄ӷналюку катам таўатын лъпысистун.

Деяния 22:4

Ынңа̄талъ амьюқыта̄ткыхкақанка тама̄кут қа̄ткутңалӷӣт Иисусым апыҳтӯся̄нун рыпалъ туқунъақуткыхкақанка. Югытлъю, аӷнатлъю тугустақлъюки анусимиңлъяҳтысқуқақанка.

Деяния 22:8

А̄птақа: “Кинаңузин, Атанық?” Кӣмсиӷа̄ңа: “Иисусыңӯңа Назаретыӷмӣ амьюқыта̄ткыхкын”.

Деяния 24:5

Уна ю̄к Павел сыӷлылӣҳқистыңӯқ. Сыӷлылӣҳқақӣ қамахлъюки Иудеит на̄нсяӷңа̄та. Маӷьяҳқуҳтыка̄т Иисусым Назаретыӷмӣм малихся̄ҳтыңита.

Деяния 3:17

Иудейелгутымни, ныӷиӷлюку Кияӷныӷым а̄пқа̄ ӯкналиқистытхун накмикыхкани Христос икфиқлъюни туқулъықнилюку. Та̄на ӯкналиқылъҳат апыӷӣқа̄гуқ иглыӷутистыкулъҳӣни туқутыстақңафсигу Иисус, налъюклъюку Христосыңутаңа.

Деяния 3:6

Петырым пика̄: «Маниқшахӣтңўа̄ҳтуңа иўырңа сямың тӯнақамкын. А̄тҳакун Иисус Христосым Назаретыӷмӣм, пиюги!»

Деяния 9:1

Савля Иерусалимымылъюни та̄ўа паниның алиңсиқукӣ туқуқуӷнақнилюки малихся̄ҳтыңи Атанӷым. Қынўат Дамаскысюкақ, лю̄рақ Иисусым малихся̄ҳтыңи югытлъю аӷнатлъю тама̄нъаюката. Ысҳақумики тагинъалюки Иерусалимымун анусимиңлъӣсқылъюки. Ынка̄м первосвященнигмун пилюни письмоңлъя̄тысқыхкақ пилъыҳқалитысқылъюни иглыӷутистыңитнун синагогат Дамаскымылңуӷнун, таўатын пиналюни.

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

К Римлянам 10:2

Хўатын пӣҳнақанка югынка: Қыпҳа̄сюпихтақа̄т Кияӷнық иўырңа лӣгикигата̄т натын Кияӷнық қыпҳа̄тысюҳқақ лъңитнун.

К Филиппийцам 3:6

Сягиқыпихлъюңа амьюқыта̄ткыхкақанка ухпықат. Қа̄ткыңъўа̄қақанка Иудеит Лӣлиҳтӯсӣт рыпалъ анахутылъыӷмун авутңитка̄гуңа.

1е Тимофею 1:13

Сивунӷани сыӷлыпыста̄тун акузиткыхкақақа Христос, сыӷлыпыста̄тунлъю пикақақа. Амьюқыта̄ткақңамки малихся̄ҳтыңи таўатытыфтуқ амьюқыта̄ткыңъуфтақа лъңа. Таўалъӣма Кияӷныӷым наңлъыкыхкақыхкаңаңа қаюҳлъяк сялин ухпықигалъкыхка Христос, лӣгикумаңилъкыхка ся̄қутка.