Деяния 26:16 - Новый Завет на эскимосском языке

¹⁶ Ныкыви. Алӣӷвикамкын қаюҳлъяк накмикамкын қыпҳаҳтыңулютынлъю, лӣсимакистыңулютынлъю. Апыӷнакытын тама̄кут ысҳақаҳтын аӷныӷми хўани, тама̄кутлъю кылгусяҳқанка киңувақун алӣӷвикыхкумкын.

Деяния 26:16 Iomraidhean Croise

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 21:19

Павелым қуякыхкӣ. Та̄хкын уңипа̄ткӣ тамаҳа̄ның Кияӷныӷым апыӷӣлъҳаның қыпҳалъыӷмикун язычнигнилъюни.

Деяния 22:10

Ынка̄м а̄птақа: “Атанық, сяляңа?” Атанӷым пӣңа: “Ныкывлютын агля̄ Дамаскымун. Таўани китум уңипа̄лъықа̄тын Кияӷныӷым ята̄ҳқыхка̄ның лъпынун”.

Деяния 23:11

Таўани унугми Атанӷым алӣӷвиклъюку Павел пика̄: «Илютулютын, катам таўатын Иерусалимыми уңипақылъыҳпытун, Римымилъю уңипақылъықаҳпыңа».

Деяния 26:15

А̄птақа: “Кинаңузин Атанық?” Атанӷым кӣмсиӷа̄ңа: “Иисусыңӯңа, амью̄ткыхкын.

Деяния 6:4

Таўатын пикумта хўаңкута апостолыни юӷа̄маңинаҳлъықукут, уңипақимаңинаҳлъықукут Кияӷныӷым уңипа̄мың».

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 15:16

қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

2е Коринфянам 5:18

Кияӷныӷӯқ таўатын пикақ. Лъңан илялӣӷутыстыкақӣлъю лъңанун Христосыкун. Қыпҳақалитӣлъюлъю, иляңилъю югыт илялӣӷутысқылъюки лъңанун.

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Галатам 2:2

Кияӷныӷым лӣгикыста̄ңа Иерусалимытысқылъюңа. Ка̄сямта ухпықат иглыӷутистыңинӣт қырңуӷутаҳтысқанка. Таўани уңипамсюгутанка натын язычнигнун уңипақилъымның Пинилӷӣның Уңипаның. Таўатын пика̄гуңа лю̄рақ та̄кут иглыӷутистыт апыҳтуӷилъҳынка тымңиңунинаюкатки сивунӷанилъю, ма̄тынлъю.

К Ефесянам 3:3

Кияӷныӷым лӣтыста̄ хўаңамнун қайвиҳтылъҳилңуқ успықылъыни. Қавңанҳақ письмоткаҳтыкақақа та̄на.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:25

Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи.

К Колоссянам 1:7

Лӣткақаҳси Кияӷныӷым наңлъыхталъҳа Епафрасымың, пиниқыхкамнъың қыпҳалгутымнъың. Ата̄сӣӷмылъюни қыпҳа̄гуқ Христосымун, қыпҳақақа̄ хўаңкута қыпҳаӷьюхўақаҳпут.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.