Деяния 20:2 - Новый Завет на эскимосском языке

² Ынка̄м Македониякун иглыӷуткылъюку ля̄лиҳқўа̄ӷвикыхкӣ ухпықат, кайымумӣта пикӣ. Та̄хкын нагнықақ Грециямун,

Деяния 20:2 Iomraidhean Croise

От Луки 3:18

Иоанным уңипа̄симаңинақӣ югыт натын алъяңуҳнақысқылъюки кияҳта̄лъҳит, лъңитнун уңипақиңулюни Пинилӷӣның Уңипаның.

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

Деяния 15:41

Иглыҳтыкақ Сириякунлъю, Киликиякунлъю икнақуҳся̄мӣта ухпықат ухпылъҳит.

Деяния 16:12

Та̄хкын қӯткун ка̄тукут ныҳлъягмун Филиппымун, Македониямылңуӷмун Римыӷмӣт ныликӣтнун. Қафсинат аӷныӷыт тама̄нтукут.

Деяния 17:1

Павелынкут иглыҳтыкат Амфиполкунлъю, Аполлониякунлъю Фессалоникамун ка̄тылъыӷмыхнун кынляңа. Тама̄ни Иудеит синагогалгыт.

Деяния 17:10

Мамлыхтаӷыснаӷьягу ухпықат Павелылъю, Силалъю аӷуляқыстыкахкыт Вериямун. Ка̄сямык синагогамун пикак.

Деяния 2:40

Петырым таўатыңинақ пихпынаки ўата сямың алъя̄ҳӣнаӷмың пикӣ. Кылыңася̄қӣлъю: «Кияӷныӷым аӷью̄ӷьяҳқақӣ сыӷлытун пистыт, ынка̄м лъңистун сыӷлытун пихпынаси лю̄рақ лъпысилъю аӷью̄ӷья̄ӷӣси».

Деяния 20:1

Та̄на сыӷлылӣлъыҳлъяк алъпагьян Павелым ақфастыкӣ ухпықат. Кайымлюки аӷуляқыхкақ Македониямун.

Деяния 20:11

Та̄хкын маюҳтӯлъютың Павелым нықыкшаңлъяқ а̄вгуӷлюку ныӷыхкат. Алыҳқӯткат унулъқусиқ кынляңа аҳтылъыӷмун, та̄хкын Павел аӷуляқыхкақ.

Деяния 20:3

тама̄нтыкақ пиңают танқит. Ята̄ҳқақуқлъю аңьяҳпахкун Сириянъалюни, лӣгикыхкӣ Иудеянңуқ ята̄ҳқақыфтут туқунъалюку. Тама̄кын апалъюқлъюку утыҳсюкақ Македониякун Иерусалимымун.

1е Коринфянам 4:19

Иўырңа Атанӷым пиюкылъқыхкагу, лъпысинун пияҳтуңыстаҳтуңа. Та̄хкын лӣгикылъықанка а̄ңа̄югныӷыт а̄ңа̄юхтылъыӷмыгыстун пияҳқа̄таңи.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

1е Фессалоникийцам 2:11

Лӣсимакаҳси катам атам афлъыңакилъҳатун таӷнуҳаӷминың, хўаңкуталъю тамаҳаҳпыси таўатын катам афлъыңакыхкақамси. Кайымыхкақамси, илютуҳсяқақамси, қылӷута̄тақақаҳпут лъпысинун атуқысқылъюку кияҳта̄лъық ыфқуӷналӷӣ Кияӷныӷми. Туқлъю̄ңўӣси илятысқылъюси лъми катам Атаныҳпагулъыӷминунлъю, пиниӷналъыҳлъягминунлъю.

1е Фессалоникийцам 2:3

Уңипақилъыҳпут ипаңӯқ. Иқлъыңиқңунӷитукут лъпысинун, сыӷлыӷмың пиюкыхкӣтукут лъпысинун, пӯҳнақуткигатамси.

1е Фессалоникийцам 4:1

Ухпықа̄лгутымнъи, аляӷраң хўатын пинақамси, лӣтивикыхкақамси натын кияҳтылъыҳқамың ыфқуӷнаӷлюси Кияӷныӷмун, ысҳа таўатын кияҳлъыҳӣси. А̄тҳакун Атанӷым Иисусым кайымамси ўатақа̄ӷақ таўатын писқылъюси.