Деяния 2:5 - Новый Завет на эскимосском языке

⁵ Тама̄ңуқ Иерусалимыми, Иудеит Кияӷныӷмун қа̄ткутңалӷӣт. Накын нунаның тагӣқлъютың Иерусалимыӷмӣңуҳқӯткат.

Деяния 2:5 Iomraidhean Croise

От Матфея 24:14

Укутлъю Пинилӷӣт Уңипат Кияӷныӷым Атаныҳпагулъҳаның аюқылӷӣт уңипақсяҳқа̄гут нунатаҳа̄ни тамаҳа̄ни рамкыңитнун нагақӣсқылъюки. Та̄хкын нуна иқухлъықуқ».

От Луки 17:24

Катам ниӷухпагӯтылъҳым ниӷухтылъҳатун қиляга иңлюңаның агавык иңлюңанун, таўатысяҳқа̄гуқ Иӷныӷа Югым утыӷниқуми нунамун.

От Луки 2:25

Иерусалимымытыфтуқ ю̄к, а̄тҳа Симеон. Қа̄ткутңалӷӣлъю, манигӯткаюклъю Кияӷныӷмун. Утақӣңулӷӣ Кияӷныӷмун югулисқылъюки Израилыӷмӣт. Аглыӷналӷӣк Таӷныӷак лъңанилңӯк.

От Луки 24:18

Та̄хкын а̄лъҳан, Клеопамың атылгим а̄птыка̄: «Лъңина̄зӣн ля̄лиҳтақ Иерусалимымун налъюкилӷӣ тама̄кын апыӷӣқаның акугўа̄қ?»

От Иоанна 12:20

Иляңилъю Грегыт Иерусалимытка̄лӷӣт манигӯнъалютың Нықынӷаҳқылъҳани Пасхам.

Деяния 10:2

Ю̄к пинилӷӣ, каюсиӷимаҳлъяк аклъюмалӷӣнун, юӷатуқақлъю Кияӷныӷмун. Ныңлъюгуткулъҳӣт, қыпҳаҳтыкулъҳӣт манигӯткаюгыт Кияӷныӷмун.

Деяния 10:7

Яқулгым таўатын пилюку унитка̄. Та̄хкын Корнилийем туқлъюқакык ма̄лӷук қыпҳаҳтыгни, пилъюўаҳталъю. Та̄на пилъюўаҳта Корнилийем каютаңа манигӯткаюк Кияӷныӷмун.

Деяния 13:50

Иўырңа Иудеит такукӣт язычнигыт аӷнӣт манигӯткаюгыт Кияӷныӷмун, иглыӷутистыңилъю Антиохиям на̄вгӯнъалюкык Павелылъю, Варнавалъю. Тама̄кын апалъюқлъюку амью̄ткыхкахкыт та̄кук югык, аӷуляқыстыкахкытлъю нунамыхның.

Деяния 2:1

Пятидесятницам аӷныӷанун Иерусалимыӷмӣт ухпықат қырңуӷуткат ата̄сими мыңтыӷами.

Деяния 22:12

Ка̄сямта югым Ананияңӯнӣқыхкаңита ысҳаӷьяҳтуӷа̄ңа. Ынңа̄талъ қа̄ткутңалӷӣ Лӣлиҳтӯся̄мнъун, Дамаскыӷмӣт Иудеит пинистаҳӣнатун акузиткақыхкаңат.

Деяния 8:27

Ынка̄м ята̄ҳқылъюни аӷуляқыхкақ. Та̄кўани тумаңани ысҳақа̄ Ефиопияӷмӣ евнух, Ефиопиям царицаңан Кандакиям, манимың афлъыңакистыңа. Иерусалимымың утыӷниӷақыфтуқ ныминун манигӯсяҳтуӷлюни Кияӷныӷмун. Колесницамикун иглыӷуткылъюку атиҳтуӷақыфтӣ ӯкналиқыстыт Исаиям игақыхкӣ.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.