Деяния 18:3 - Новый Завет на эскимосском языке

³ ылъкыхкыниткақ қаюҳлъяк қыпҳақа̄к лъңан қыпҳақа̄тун аюқылӷӣ. Палаткаңлъялъҳым акиңа кияӷусиқыхкаңат.

Деяния 18:3 Iomraidhean Croise

1е Коринфянам 4:12

Қыпҳаӷақукутлъю қывӯлъюта маниңналюта кияҳта̄ӷусиҳқамың. Сыӷлықӯлӷӣт хўаңкунъың пинитун алыҳқуӷақапут. Ухпықа̄тымнъың амью̄ткылӷитлъю, акузилӷӣгатукутлъю, акисигатапутлъю.

1е Коринфянам 9:14

Таўатытуқ Атанӷым қылӷуся̄: Уңипаҳтытлъю Пинилӷӣның Уңипаның аклъюкыхкатың алъхыҳсяҳқақӣт тама̄куның ухпықиканың Пинилӷӣның Уңипаның.

1е Коринфянам 9:15

Лъпысиның сямың алңунак алъхыӷусигатуңа пикаҳқақсяқымның. Сюмыҳтаӷа̄ткыхпынаңа сямың алңунак туңсиӷнилюңа ма̄тын. Қуя̄қуңа акилыҳтӣсқигалңӯңа лъпысинун уңипақинымни Пинилӷӣның Уңипаның. Уңипақинақңӯңа акилыҳтӯсӣтыӷңа̄ӷма талўа паныӷьяӷңа̄ӷма. Ынка̄м китум алңунак пина̄нӷита̄ңа: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

1е Коринфянам 9:18

Сяңа̄ўа акилыҳтӯсяқа? Акилыҳтӯсяқақа уна, қуяпихтақуңа акилыҳтӯсяңунаңа уңипақинымни Пинилӷӣның Уңипаның, қайўа акилыҳтуӷьяҳқақсяӷңа̄ҳпысиңа.

2е Коринфянам 11:7

Лъпысинун акилыҳтуҳсяқумаңитуңа уңипақақңамки Пинилӷӣт Уңипӣ Кияӷныӷым. Таўатын пика̄гуңа қусывыхлъюңа қӯлваӷналюси. Сыӷлыҳқысиңа̄а таўатын пилюңа?

2е Коринфянам 11:9

Лъпысинитақңама уӷлыӷӣҳтылъҳитамси каюсӣтысқылъюңа аклъюкыхкамның. Ухпықа̄лгутыт Македониямың тагиткақа̄тңа сямың тамаҳа̄ның аклъюкыхкамның. Ынка̄м а̄пфикылъҳитамси аклъюкыхкамның, а̄пфикна̄нӷитамси.

2е Коринфянам 12:13

Сякақсиңи ухпықат иляңитнилңӯт юӷаӷвигми лъпысинун пимаңилъкымның? Ата̄сиҳӣнақ алъяңӯқ, акилгуқумаңитамси. Сыӷывутаҳтыңъа анахсимакумси!

1е Фессалоникийцам 2:9

Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

1е Фессалоникийцам 4:11

Пинақылъҳаҳси қамахлъюку кияҳтык ныкыхмылъылиӷлюси, лъпыси сяяҳқаси пӣқитыки, авылӷаӷлюки иляхпыси сяяҳқӣт. Қыпҳаҳтык алъхыӷусяҳқа̄люси аклъюкыхкаҳпысиның катам хўаңкута қылылъымтыстун.