Деяния 15:1 - Новый Завет на эскимосском языке

¹ Та̄хкын Иудеямың иляңи югыт тагилютың Антиохиямун ухпықанун апыҳтуӷикат: «Югулилъыңна̄нӷитуси ўыткуқун обрезаниякуфси Моисейем Лӣлиҳтӯся̄н қылылъҳатун».

Деяния 15:1 Iomraidhean Croise

От Иоанна 7:22

Моисейем қылъқақӣси обрезаниясқылъюки иӷныси (қайўа сивуныси обрезанияка̄ӷңа̄та Моисейем обрезаниясқылъҳан сивуңани). Нақам лъпыси обрезанияҳқа̄нӷата иӷныси Субботами пӣқаси.

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

Деяния 15:22

Та̄хкын апостолыт, Пресвитерыт қамахлъютыңлъю ухпықат накмӣқат югмыхның малигутысяҳқамың Павелынкугнун, Варнаванкугнун Антиохиямун пинақылӷӣгнун. Накмикыхкахкыт Силанкук, Иуданкук а̄тқылӷӣ Варсавамың. Та̄кук югык Иерусалимыӷмӣт ухпықӣта сӣвакыпихтыкахкыт.

Деяния 15:23

Лъкыгныкун туюқӣт посланият хўатын игақыхкат: «Хўаңкута апостолынилъю, Пресвитерынилъю письмомакут язычнигнун ухпықа̄лгутымнъун Антиохиямылңуӷнун, Сириямылңуӷнун, Киликиямылңуӷнунлъю, қуякамси!

Деяния 15:24

Нагақӯма̄кут юмтаңуқ иляңита такулюси сямың пилюси сыӷлыӷьюхтыкақӣсилъю, кукшагьюхтыкақӣсилъю. Нақамлъю хўаңкута таўатын писқумаңитапут.

Деяния 15:3

Каяхсистың Павелым иглыӷуткылъюку Финикиякунлъю, Самариякунлъю ухпықат тама̄нлыңӯт уңипа̄ткӣт язычнигыт Кияӷныӷмун қӣвӯсиманилюки, ынка̄м қамахлъютың ухпықат қуятыҳлъякат.

Деяния 15:32

Иуданкук, Силанкук, лъпыклъю ӯкналиқистыңулӷӣк, ынка̄м уңипақӣӷа̄таҳлъякак ухпықанун ухпылъҳит икнақуҳтысқылъюки.

Деяния 15:5

Иляңи ухпықат Фарисеит ныкывлютың пикат: «Тама̄кут язычнигыт югулилъыңьяҳқа̄нӷитут ўыткуқун обрезаниялютыңлъю, қа̄ткулъютыңлъю Моисейем Лӣлиҳтӯся̄мнъун».

Деяния 21:20

Нагалъюку усюқыхка̄т Кияӷнық. Та̄хкын пика̄т Павел: «Ухпықа̄лгутымни, лӣсимакан угляпыста̄ҳлъягыт Иудеит ухпықа̄т Христоса. Ынңа̄талъ қа̄ткусимаңинаӷьюгақутлъю Моисейем Лӣлиҳтӯся̄мнъун.

Деяния 6:14

Нагаткақаҳпутлъю пилӷӣ Иисусымңуқ Назаретыӷмӣм на̄фқылъықа̄ Храм, алъяңуҳлъықа̄лъюңуқ кияҳта̄лъыҳпут Моисейем апыҳтӯтка̄ хўаңкунъун».

К Галатам 2:1

Қуля стамат сӣпнықлъюку аюмиқулъық атуӷлюку утыӷниҳтуңа Иерусалимымун; Варнавам малихта̄ңа Титлъю кылъқақа.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Галатам 6:12

Югыт ысҳаҳсяқсюныҳтуқатлъю қанаткиюныҳтуқатлъю пинитун қыпҳалъыӷмыхның, лъңиңӯт обрезаниясқӯӷўа̄ӷилӷӣт лъпысиның. Таўатын пӣқут қаюҳлъяк алиңақылӷӣт амьюқыта̄ткылъыңнаюкамың уңипақыхкумыхтыху қақӯраҳӣна̄ Христосым, авылӷаӷлюку обрезаниялъық.

К Колоссянам 2:16

Китумун алңунак нанқихтыстыхпынаси ныӷылъыӷмыңлъю, мыӷылъыӷмыңлъю, нықынӷаҳқылъҳыт аӷныӷитның, нутаӷат танқит аӷныӷитның, налиӷмың Субботат аӷныӷитның.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,