Деяния 13:10 - Новый Завет на эскимосском языке

¹⁰ пика̄: «Уюқ Туӷныӷа̄м иӷныӷа! Угумикан сяңўа̄ қамахлъюку пинилӷӣ. Иқлъыңасяхлъягӯтынлъю, сыӷлытунлъю пистыҳлъягӯтын. Та̄қнақынӷисикӣ иқлъыңиқусиқныӷмың Атанӷым апыҳтӯсӣ?

Деяния 13:10 Iomraidhean Croise

От Иоанна 8:44

Авақутақӣси атахпыси туӷныӷа̄м, ынка̄м атуқсюўақаҳси атахпыси пиюкылъҳа. Пӣнлиӷьюхўа̄лъыӷмың има юхтаҳтыңӯқ. Ипапиҳқылъық атуқаҳсигата̄ қаюҳлъяк ипапиҳқылъҳилңуқ. Иқлъыңиқныӷмини та̄ўаңинаҳақ айӷӣткани пӣқыхкаңа қаюҳлъяк иқлъыңиқыстыңулӷӣ, атакыхкаңа иқлъыңам.

К Галатам 1:7

Авақшахӣтуқ алъя «пинилӷӣның уңипаның». Иўырңа иляңита югыт тыхылъҳӣҳтыстақӣси алъяңуҳнақуткылъыӷмыхтыхун Пинилӷӣтнъың Уңипаның Христосымың аюқылӷӣт.

2е Коринфянам 11:3

Иўырңа алиңуткақамси аңуягым пӯҳнаюкаңиси, катам таўатын нымыӷьям пыҳқиниқуткылъюку пӯҳтылъҳатун Ева. Ынка̄м лъпыси пиниқнаниӷўа̄ӷнаюкафсигу Христос.

От Матфея 13:38

пӣтысиӷаӷвик нунаңӯқ; пинилӷӣт пӣтутыт югӯт Атаныҳпагулъҳым пикӣ; плевелыт югӯт Туӷныӷа̄м пикӣ.

1е Иоанна 3:8

Кина алңунак сыӷлыҳқумаңиналӷӣ Туӷныӷа̄м пика̄ қаюҳлъяк Туӷныӷақ сыӷлыҳқыңъулӷӣ има пӣнлиӷьюхўа̄лъыӷмың. Иӷныӷа Кияӷныӷым алъхықа̄гуқ уна апалъюқлъюку, на̄фқынъалюку Туӷныӷа̄м қыпҳақа̄.

От Луки 11:52

Сыӷлыӷўа̄ӷунақңӯси лъпыси лӣсималъылыхлъягни Лӣлиҳтӯсяның! Аӷуляқусима̄ҳси қипытақ қылъпыӷусиҳқақ амиганун лӣсималъҳым Кияӷныӷмың аюқылӷӣ; лъпыси итыӷьюгигатуси ынка̄м тама̄кут итыӷнақылӷӣт аӷулӣҳтақаси».

2е Петра 2:15

Тама̄кут апыҳтуӷистысиӷўа̄ӷыт ухпықнаниқақӣт апыҳтӯсяпигыт. Ынка̄м аӷуляқыхка̄гут Валаамым пилъҳатун пиналютың. (Иӷнықсяқаңа Веорым.) Қуя̄қуқ югыт акилыҳтунӷатни сыӷлытун писқылъюку.

Деяния 20:30

Талўа иляңи ухпықа̄лгутыси иқлъыңиқсяҳқа̄гут ухпықысқылъюки апыҳтуӷилъытың, ухпыҳтықыҳтыкумыхтыки малихся̄ҳтыкналюки.

От Матфея 23:13

«Иўырңа сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Ӯмгутақаси итыӷнақылӷӣт Атаныҳпагулъҳанун Қилягым. Лъпыси катам ӣтҳигатуси, аӷулӣҳтақасилъю итыӷьюлӷӣт!

От Матфея 15:19

Қаюҳлъяк югым илюңаның сыӷлық сюмыҳтаӷалъық пика̄югӯт, юхтақ, гылгаӷнӣқ, алъянӣқ, тыглыгнӣқ, иқлъыңиқутки ынка̄м сыӷлықӯқ югның.

От Матфея 3:7

Иоанным ысҳаӷлюки Фарисеилӷутытлъю, Саддукеилӷутытлъю тагилӷӣт лъңанун крестиӷысқылъютың пикӣ: «Лъпыси нымыӷьяни! Китум анагысқиси Кияӷныӷым нанқихтылъыҳқа̄ның ка̄нъақылӷӣмың?

От Иоанна 1:23

Иоанным пикӣ: «Ӯкналиқиста Исаия пика̄гуқ: “Ма акилӷӯгақуқ килга̄ни хўатын: Таклъяҳтыху тӯмкаҳқа̄ Атанӷым”. Та̄на ю̄к акилӷӯлӷӣ хўаңаңӯқ».

От Луки 11:39

Ынка̄м Атанӷым пика̄: «Лъпыси Фарисеини, сяңихтақаси қа̄йңи қаю̄сиҳпысилъю, сягныҳпысилъю, иўырңа илюхпысигун нукыхнаҳтуси, ыслъықңа̄си пакигныӷмыңлъю, сыӷлыӷмыңлъю.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.