Деяния 12:3 - Новый Завет на эскимосском языке

³ Умӣлгым Иродым лӣгиксямигу Иудеяның ыфқуҳтилъыни таўатын пилъыӷмикун, қылӷутка̄ Петр тугусқылъюку. (Таўатын пика̄фтуқ Нықынӷаҳқыңъулюки Закваскалӣмаңилңуӷмың Нықыкшаңлъямың.)

Деяния 12:3 Iomraidhean Croise

От Матфея 26:17

Сивулиӷми аӷныӷани Нықынӷаҳқылъҳан Закваскалилъҳилъңӯм Нықыкшаңлъям, малихся̄ҳтыт Иисус такулюку а̄птыка̄т: «Нани ята̄ҳқутысюхсин хўаңкунъун Пасхам Нықынӷаҳқылъҳаның ныӷысқылъютын?»

От Иоанна 12:43

қаюҳлъяк та̄кут иглыӷутистыт усюқылъыңьюгақут югның пакихулъюку Кияӷныӷым усюқылъыҳқа̄ның.

От Иоанна 19:11

Иисусым кӣмсиқа̄: «Қылыӷна̄нӷитатын пилъюўаҳтыт қақӯрӣсқылъюңа ўыткуқун Кияӷныӷым пиюкылъқыхкагу. Ынка̄м ю̄к тагитистыка сыӷлыҳқылъыҳта̄ӷатуқ лъпынун».

От Иоанна 21:18

Ипа уңипа̄тамкын, нукалъпига̄лютын лъпынун тафсилютын навык пиюкылъыҳпынун пӣқсин. Иўырңа нанывгақувык, ӣхытын кывыглюки, китум тафсилютын агля̄лъықа̄тын такуюкыхкақынӷилъкыхпынун».

Деяния 12:4

Петр тугуятху, Умӣлгым Иродым қылӷутка̄ қуля аӷвинлык сӣпнықлъюкуягнун пилъюўаҳтынун кылыңакысқылъюку стамакаҳтӣта кипулъхутақлъюки. Юхтуқами нанқихсюка̄ киңуңаның Пасхам.

Деяния 2:14

Петырлъю таўанлыңуқ апостолылгутмини. Ныкывлюни игляхтулюни югыт пикӣ: «Иудейелгутымни, нагатңўа̄қаҳтыңъа.

Деяния 20:6

Киңуңаның Нықынӷаҳқылъҳан Закваскалӣмаңилңӯм Нықыкшаңлъям, Филиппымың аңьяҳпахкун аӷуляқукут. Талъимат аӷныӷыт атуӷлюки ка̄тапут иляпут Троадами. Тама̄нтукут ма̄ӷраӷвинлык аӷнық.

Деяния 24:27

Та̄хкын ма̄лӷук аюмиқулъҳык атуӷлюкык, Порций Феста правителыңуҳтыкақ. Иўырңа Феликсым ыфқуҳсюглюки Иудеит Павел унитка̄ паниның қӣпшаӷусиӷңалюку.

Деяния 25:9

Фестым ыфқуҳсюглюки Иудеит а̄птыка̄ Павел: «Иерусалимыми хўаңамнун нанқихтысюхсӣн?»

Деяния 4:13

Иудеит агӷистыңита сяӷӣӷаягуткахкыт Петырылъю, Иоаннылъю тытунӷитылъҳыхкының, қаюҳлъяк лӣсимакыхкыхкыт игаӷья̄маңилңӯк. Лӣгиксяқмыхтыкык Иисусымытка̄тмыгның таўатын акузиңуфтук.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

1е Фессалоникийцам 2:4

Йыӷлыги, уңипақақапут Пинилӷӣт Уңипат қаюҳлъяк Кияӷныӷым итагнақлъюта ныӷьюкуткақӣ хўаңкунъун. Акузилъымтыхун ыфқуҳнақуткыңъунӷитапут югыт, иўырңа ыфқуҳсюкаҳпут Кияӷныӷӯқ, нанқихтиңалӷӣ илюмта сюмыҳтаӷалъҳаның.