Деяния 1:1 - Новый Завет на эскимосском языке

^1-5 Феофил, игаңлъяқақсюхўа̄мкун игақыхкақақа қамахтыңъўа̄ӷлюку Иисусым қыпҳалъҳалъю, апыҳтуӷилъҳалъю, пӣнлиӷьюхўа̄лъҳаның кынляңа Кияӷныӷым қилягмун маюҳтыслъыӷанун. Сивуклъюни накмӣқа̄гуқ апостолкаҳқамың ынка̄м апыҳтуҳлъякақӣ угляпихлъыҳӣмың аҳтуӷьяҳқа̄нӷилъҳакун Аглыӷналӷӣм Таӷныӷам. Та̄кўаниңани аңуягита қақӯраӷлюку туқуткақа̄т иўырңа пиңают аӷныӷыт атуӷлюки уңувақа̄гуқ. Уңувалъыӷми киңуңаның ю̄к мальӷук аӷнық нунамытка̄гуқ, ынка̄м угля̄пихлъюку апостолытун ысҳаҳтыста̄тақа̄гуқ ипапыста̄қ уңува̄манилюни, алыҳқуӷналюкилъю Атаныҳпагулъҳаның Кияӷныӷым. Алъямың қырңуӷусята Иисусым лӣлиҳтуқӣ апостолыт: «Ўатаҳлъяк аӷуляқыхпынаси Иерусалимымың кынляңа алъхыҳтылъыҳпысинун Аглыӷналӷӣк Таӷныӷак. Атама акықусяқыхкақа̄к тӯнылъықнилюкык лъпысинун катам таўатын апылъымтун. Иоанн крестиӷика̄гуқ мыҳқун, иўырңа Атама крестиӷияҳтуңыстаӷӣси Аглыӷналӷӣгның Таӷныӷагның». Та̄куста игақыхканка игаңлъяқақсюхўа̄мкун.

Деяния 1:1 Iomraidhean Croise

От Матфея 11:5

аяка̄ялӷӣт ысҳаӷьягутут, пиюгигасялӷӣт пиюгьягутут, проказалгуялӷӣт на̄лъҳутут, тӯслъяӷьялӷӣт нагақӯсягутут, туқука̄ялӷӣт уңуваҳтут, аклъюмалӷӣнунлъю Пинилӷӣт Уңипат уңипақут.

От Луки 1:24

Мулюнӷитуқ та̄кут аӷныӷыт киңуңитның нулиҳа Елизавета қумиңыхкақ, ынка̄м талъимат танқит а̄наниқақ хўатын пимаӷми:

От Луки 1:3

Нагаткақанка апылъҳит, атиҳтуӷўа̄қақанкалъю игақулъҳит пӣнлилъҳитның. Ынка̄м игақуӷьюганка лъпынун таўатытңўа̄ӷлюки пилъҳистун.

От Луки 14:22

Мулюхпынани қыпҳаҳтым пика̄: “Югунӣқ, қылылъыҳпытун апыӷӣҳтуқ, иўырңа паниның ныкаҳқаҳлъягӯқ”.

От Луки 24:19

А̄птыкакык: «Сяңўа̄ ся̄?» Кӣмсиқа̄к: «Иисус Назаретыӷмӣ акузикуткақаҳпут. Ӯкналиқистыңуяҳтуқ, қыпҳалъҳилъю, апыҳтуӷилъҳилъю аҳтуӷьяҳқа̄нӷисяҳтут Кияӷныӷмилъю, югнилъю.

От Луки 3:23

Иисусым пӣнлиӷақңамигу қыпҳақани, ынтақун ю̄к мальӷук қуля сипнықлъюкуңук уксюҳтуляңа. Югыт сюмыҳтаӷа̄ткыхка̄т иӷнықнилюку Иосифымун. Иосиф, иӷнықыхкаңа Илим,

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.