2е Тимофею 4:8 - Новый Завет на эскимосском языке

⁸ Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

2е Тимофею 4:8 Iomraidhean Croise

От Матфея 24:36

«Китум алңунак налъюка̄ та̄м аӷныӷым афлъюңа қакун ка̄сяҳқа̄таңа. Талўа қилягмылңӯт яқулгыт налъюка̄т, Иӷныӷымлъю налъюка̄, Атаңинаҳа̄м лӣсимака̄.

От Матфея 7:22

Нанқихтилъҳым Аӷныӷани, углям пияҳқақа̄ңа хўатын: “Атанық, Атанық! Атыҳпыгун Кияӷныӷым уңипа̄ а̄пқақаҳпут. Атыҳпыгун а̄нысқуқақапут туӷныӷа̄т углялӷӣның югның. Атыҳпыгун алъя̄ҳлъюхўаҳтӣӷа̄тақа̄гукут угляӷңа̄н!”

От Луки 10:12

Уңипа̄тамси, Нанқихтилъҳым Аӷныӷани Содомыӷмӣт аӷью̄лъыҳқыста̄ӷа̄яҳқа̄гут та̄м ным юганың».

К Римлянам 2:5

Иўырңа лъпык алыҳқуныҳлъюгӯтын, пиныҳлъюгӯтын; тама̄кын апалъюқлъюку авутыҳқысюгигатутын. Ынка̄ңам лъпык катам улимаңўа̄н аӷью̄лъыңылъыҳқан сыӷлыӷатаӷа̄люку Нанқихтилъҳым Аӷныӷани. Таўани Аӷныӷми Кияӷныӷым алӣҳлъықа̄к сякша̄лъынилъю, ылъқуӷутңалӷӣлъю нанқихтилъыни.

К Римлянам 8:23

Иўырңа улима̄ҳӣна̄нӷитуқ ңилъыхлъыҳӣ, хўаңкуталъю ңилъыхтыңъӯкут. Хўаңкуңӯкут Аглыӷналӷӣгның Таӷныӷагның пилыгни Кияӷныӷым тунусяқсюххуа̄ӷа хўаңкунъун. Ңилъыхтыңъӯкутлъю илюмтыхун утақӣмалюта Кияӷныӷмун алъюҳқисқылъюта авақута̄люта лъңанун, итымутысқылъюкилъю югусипут сыӷлыҳқылъыӷмың.

1е Коринфянам 2:9

Игақыхкани Акузитни игақыхка̄гуқ: «Тама̄кут ийым ысҳамаңилъкаңи, тама̄кут сигутым нагақӯмаңилъкаңи, тама̄кут умьюгам сюмыҳтаӷа̄ткумаңилъкаңи. Кияӷныӷым ята̄ҳқыхкақӣ пиниқистыминун».

1е Коринфянам 3:13

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

1е Коринфянам 9:25

Кытанқустыт уляпақут югуситың икнақуҳналюки қаюҳлъяк қаҳпаңьюгақылӷӣт аваямың қуқуңалыгмың. Тама̄кут палиӷьяҳқа̄гут. Иўырңа қаҳпа ухпықат алъхыҳсяҳқа̄т қӯнпыкаҳқа̄гуқ.

2е Коринфянам 5:2

Ипа ңилъыхтукут нунамытңулюта қаюҳлъяк кияҳсюпихлъыҳӣкут югусиӷраӷамнъи қилягми.

К Филиппийцам 3:11

Таўатын пикума, Кияӷнық сиӷимакақа хўаңалъю уңуваҳтысқылъюңа туқулъыӷмың.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

1е Фессалоникийцам 1:10

Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.

1е Фессалоникийцам 5:4

Иўырңа лъпыси ухпықа̄лгутымнъи, мамлыхлъягмынъыӷитуси ынка̄м Аӷныӷан Аӷныӷым ўа̄кынӷилъҳаҳна̄нӷитӣси тыглыӷнӣҳтытун.

2е Фессалоникийцам 2:8

Та̄хкын Сыӷлыпыста̄қ Ю̄к алӣҳтыслълъықуқ, иўырңа Атанӷым Иисусым тагикуми туқулъықа̄ аныӷныӷаның қаныӷми, на̄фқылъықа̄лъю ниӷухлъягакун тагилъыӷми.

1е Тимофею 6:19

Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

2е Тимофею 1:10

Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

2е Тимофею 1:18

Атаныӷмун юӷа̄ткақақа Онисифор наңлъыгьягутысқылъюку таўани Аӷныӷми! Лӣсимакан каюткыҳлъякақақа Ефесыми.

2е Тимофею 2:5

Кая̄лъқӣра̄ҳта килга̄қумун малиҳқутақынӷилъкуми лӣлиҳтӯсямыхнун, алъхыӷунъа̄нӷитуқ қаҳпаңаның кая̄лъқӣстым.

2е Тимофею 4:1

Христос Иисус тагикуми иглыӷутиналюни Атаныҳпагулъыӷмини, нанқихлъықӣ уңувалӷӣтлъю туқукатлъю. Ынка̄м нагасиманӷыхкыни Кияӷныӷылъю, Христос Иисусылъю, қылӷамкын

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 12:11

Қуянӣтуқ аӷью̄лъыңнымта қаюҳлъяк ақниҳтақыхкаңилъю. Иўырңа тахталми, лӣтфикнымтыху, ныкыхмылъыңақукут қаюҳлъяк кияҳсягутақукут ылъқуӷулъюта.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

1е Петра 1:4

Ынка̄м утақаңўа̄пут пилӣсяҳқапут қуястылъыҳлъягыт Кияӷныӷым афлъыңакыхкаңи югминун. Афлъыңакңўӣ қилягми лъпысинун ынка̄м аӷуна̄нӷитут, на̄вна̄нӷитут, ӷывна̄нӷитутлъю.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 19:11

Та̄хкын ысҳаӷақа қиляк қылъпылӷӣ, та̄ўа қатылӷӣ кӯни! Кӯникун иглыҳлъыҳӣм а̄тҳа «Ата̄сӣӷмылңуқ, Ипапик». Ылъқуӷутңа̄т нанқихтилъҳи, пилъюўақаңилъю аңуяни.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.

Откровение 22:20

Иисусыңӯқ а̄пҳилӷӣ тама̄кын қамахлъютың ипаңунилюки. Пӣқлъю: «Ипапыста̄қ тагияҳтуҳтуңа!» Аминь. Таги, Атанық Иисус!

Откровение 4:10

югинақ стамат сӣпнықлъюки утфат нӣнӷутақут сивуңакун ақумгалӷӣм умӣлгусим ақумутаҳлъягыхкынун, манигуӷақа̄т кияҳлъыҳӣ қӯнпырухлъяк кынлыңуна̄н. Та̄кут пресвитерыт қаҳпатың матаҳлъюки лъӣқӣт сивуңакун умӣлгусим ақумутаҳлъягыхкынка, ынка̄м илягаӷақут:

Откровение 4:4

Увитаңани умӣлгусим ақумутаҳлъягым та̄ўа югинақ стамат сӣпнықлъюки умӣлгусит ақумуталӷутыт. Та̄кутхун ақумгатңафтут югинақ стамат сӣпнықлъюки утфат қатылӷӣмың аткуя̄ӷулъютың, золотамыңлъю қаҳпалютың.